ನಟಸಾರ್ವಭೌಮ ಡಾ. ರಾಜ್ಕುಮಾರ್ ಕುಟುಂಬದಿಂದ ಮತ್ತೊಬ್ಬ ನಾಯಕನಟ ಚಂದನವನಕ್ಕೆ ಕಾಲಿಡ್ತಿದ್ದಾನೆ. ಅಪ್ಪು ಇನ್ನಿಲ್ಲ ಅನ್ನೋ ಕೊರಗನ್ನ ನೀಗಿಸಿರೋ ಅಶ್ವಿನಿ ಪುನೀತ್ ರಾಜ್ಕುಮಾರ್, ದೊಡ್ಮನೆ ಧೀರೇನ್ಗಾಗಿ ಮೊದಲ ಬಾರಿ ಮೌನ ಮುರಿದಿದ್ದಾರೆ. ಇಷ್ಟಕ್ಕೂ ದೊಡ್ಮನೆ ಕುಡಿ ಹೇಳಿದ್ದೇನು..? ಸಿನಿಮಾ ಯಾವಾಗ ರಿಲೀಸ್ ಅನ್ನೋದ್ರ ಇಂಟರೆಸ್ಟಿಂಗ್ ಸ್ಟೋರಿ ನೀವೇ ಓದಿ.
- ದೊಡ್ಮನೆ ಕುಡಿಗಾಗಿ ಮೌನ ಮುರಿದ ದೊಡ್ಮನೆ ಸೊಸೆ ಅಶ್ವಿನಿ
- ಆ- 26ಕ್ಕೆ ಟಗರು ಪುಟ್ಟಿ ಜೊತೆ ಧೀರೇನ್ ಆನ್ಸ್ಕ್ರೀನ್ ಧಮಾಕ
- ರಾಜರತ್ನ ಅಪ್ಪು ಅವ್ರ ಶುಭನುಡಿ ನೆನೆದ ಅಣ್ಣಾವ್ರ ಮೊಮ್ಮಗ
ಯೆಸ್.. ಇದು ಇದೇ ಆಗಸ್ಟ್ 26ಕ್ಕೆ ತೆರೆಗಪ್ಪಳಿಸೋಕೆ ಸಜ್ಜಾಗಿರೋ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳ ಸಾಲಿನಲ್ಲಿರೋ ಶಿವ 143 ಚಿತ್ರದ ಹೀರೋ ಇಂಟ್ರಡಕ್ಷನ್ ಟೀಸರ್. ಇದನ್ನ ದೊಡ್ಮನೆಯ ಸೊಸೆ ಅಶ್ವಿನಿ ಪುನೀತ್ ರಾಜ್ಕುಮಾರ್ ಲಾಂಚ್ ಮಾಡಿರೋದಲ್ಲದೆ, ಇದೇ ಮೊದಲ ಬಾರಿ ಬಹಿರಂಗವಾಗಿ ಮಾತನಾಡೋ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ದೊಡ್ಮನೆಯ ನ್ಯೂ ಜನರೇಷನ್ ಕುಡಿಗಾಗಿ ಮೌನ ಮುರಿದು, ತುಂಬು ಹೃದಯದಿಂದ ಹರಿಸಿದ್ದಾರೆ ಅಶ್ವಿನಿ ಪುನೀತ್ ರಾಜ್ಕುಮಾರ್.
ಜಯಣ್ಣ ಫಿಲಂಸ್ ಬ್ಯಾನರ್ನಡಿ ದಿಲ್ವಾಲಾ ಅನಿಲ್ ನಿರ್ದೇಶನದಲ್ಲಿ ತಯಾರಾಗಿರೋ ಈ ಚಿತ್ರ ಸ್ಯಾಂಪಲ್ಸ್ನಿಂದ ಭರವಸೆ ಮೂಡಿಸಿದೆ. ಅಣ್ಣಾವ್ರ ಮುದ್ದಿನ ಮೊಮ್ಮಗ ಹಾಗೂ ರಾಮ್ಕುಮಾರ್- ಪೂರ್ಣಿಮಾ ದಂಪತಿಯ ಕುಡಿ ಧೀರೇನ್, ನಾಯಕನಟನಾಗಿ ಇಂಡಸ್ಟ್ರಿಗೆ ಕಾಲಿಡ್ತಿದ್ದಾರೆ. ಧೀರೇನ್ ಜೊತೆ ಟಗರು ಪುಟ್ಟಿ ಮಾನ್ವಿತಾ ಸಖತ್ ಬೋಲ್ಡ್ ರೋಲ್ ಮಾಡಿದ್ದು, ಇವ್ರ ಕೆಮಿಸ್ಟ್ರಿ ಯೂತ್ಸ್ನ ಬಡಿದೆಬ್ಬಿಸೋ ರೇಂಜ್ಗಿದೆ.
ಪುನೀತ್ ರಾಜ್ಕುಮಾರ್ ಅವ್ರು ಒಮ್ಮೆ ಮೈಸೂರಿನಲ್ಲಿ ರವಿವರ್ಮಾ ಮಾಸ್ಟರ್ ಕಂಪೋಸ್ ಮಾಡಿದ್ದ ಸ್ಟಂಟ್ ಸೀಕ್ವೆನ್ಸ್ನ ನೋಡಿ, ಧೀರೇನ್ ಕಣ್ಣು ಹಾಗೂ ಹಾರ್ಡ್ ವರ್ಕ್ ಬಗ್ಗೆ ಹೊಗಳಿದ್ದರಂತೆ. ಅವ್ರ ಆ ಒಂದು ಶುಭನುಡಿ ನನಗೆ ಸಾಕಷ್ಟು ಎನರ್ಜಿ ನೀಡಿದೆ ಅಂತ ಚಿತ್ರತಂಡದ ಜೊತೆ ಸಂಭ್ರಮ ಹಂಚಿಕೊಂಡ್ರು ಧೀರೇನ್.
ಫಿಸಿಕಲ್ ಟ್ರಾನ್ಸ್ಫಾರ್ಮೆಷನ್ ಜೊತೆ ಚೊಚ್ಚಲ ಚಿತ್ರದಲ್ಲೇ ಚಾಲೆಂಜಿಂಗ್ ರೋಲ್ ಮಾಡಿರೋ ಧೀರೇನ್, ಒಬ್ಬ ಕಲಾವಿದನಾಗಿ ಪ್ರಯೋಗಾತ್ಮಕ ಪಾತ್ರಗಳನ್ನ ಮಾಡಬೇಕು ಅಂತ ಪಾಸಿಟಿವ್ ಆಗಿ ಮಾತನಾಡಿದ್ರು. ಪವರ್ ಟಿವಿ ಜೊತೆ ಮಾತಿಗಿಳಿದ ಧೀರೇನ್, ಸಾಕಷ್ಟು ಇನ್ಸೈಡ್ ಸ್ಟೋರೀಸ್ನ ಮುಕ್ತವಾಗಿ ಹೊರಹಾಕಿದ್ರು.
ಒಟ್ಟಾರೆ ಇದೇ ತಿಂಗಳಾಂತ್ಯಕ್ಕೆ ತೆರೆಗೆ ಬರ್ತಿರೋ ಶಿವ 143, ಪಕ್ಕದ ತೆಲುಗಿನ ಬ್ಲಾಕ್ ಬಸ್ಟರ್ ಹಿಟ್ ಚಿತ್ರ ಆರ್ಎಕ್ಸ್100 ರಿಮೇಕ್ ಆದ್ರೂ, ಇಲ್ಲಿನ ಜನರ ಟೇಸ್ಟ್ಗೆ ತಕ್ಕನಾಗಿ ತಯಾರಾಗಿದೆ. ಯೂತ್ಸ್ಗೆ ಹಾಟ್ ಫೇವರಿಟ್ ಆಗಲಿರೋ ಈ ನೈಜ ಘಟನೆ ಆಧಾರಿತ ಕಥೆ, ಫ್ಯಾಮಿಲಿ ಆಡಿಯೆನ್ಸ್ಗೂ ಇಷ್ಟವಾಗಲಿದೆಯಂತೆ. ಕನ್ನಡ ಕಲಾಭಿಮಾನಿಗಳ ಪ್ರೀತಿ, ಪ್ರೋತ್ಸಾಹ ಧೀರೇನ್ ಮೇಲಿರಲಿ ಅಂತ ನಾವೂ ಹಾರೈಸೋಣ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
