ಪ್ರಪಂಚದ ಮೂಲೆ ಮೂಲೆಯಲ್ಲೂ ಪ್ರಧಾನಿ ಮೋದಿ ಕೊಟ್ಟ ಕರೆಗೆ ಹರ್ ಘರ್ ತಿರಂಗಾ ಅಭಿಯಾನಕ್ಕೆ ಮನ್ನಣೆ ಸಿಕ್ಕಿದೆ. ಈ ಬಾರಿ 75 ನೇ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಸಡಗರ ಸಂಭ್ರಮ ಹಿಮ್ಮಡಿಯಾಗಿದೆ. ಇತ್ತ ಅರಮನೆ ನಗರಿಯಲ್ಲಿ ರಾಕಿಭಾಯ್ ಫ್ಯಾನ್ಸ್ಗೆ ಲಡ್ಡು ಬದ್ದು ಬಾಯಿಗೆ ಬಿದ್ದಿದೆ. ಡಬಲ್ ಧಮಾಕ , ಡಬಲ್ ಖುಷಿಯನ್ನು ಮೈಸೂರಿನ ಫ್ಯಾನ್ಸ್ ಸಂಭ್ರಮಿಸಲು ಸಜ್ಜಾಗಿದ್ದಾರೆ. ಯೆಸ್. ಆಗಸ್ಟ್ 11ಕ್ಕೆ ಮೈಸೂರಲ್ಲಿ ಏನ್ ವಿಶೇಷ ಅಂತೀರಾ..? ಈ ಸ್ಟೋರಿ ಓದಿ.
- ಹರ್ ಘರ್ ತಿರಂಗಾ ಅಭಿಯಾನಕ್ಕೆ ಸುಲ್ತಾನನ ಸಾಥ್..!
ಸಿಡಿದೆದ್ದು ಎಡೆಯೆತ್ತಿದ ಶೂರ, ರೋಷ ಬಿಚ್ಚಿಟ್ಟ ಎಂಡೆದೆ ಧೀರ, ಸ್ಯಾಂಡಲ್ವುಡ್ ಸುಲ್ತಾನ ನಮ್ ರಾಕಿಭಾಯ್. ರಾಕಿಭಾಯ್ ಎಲ್ಲಿದ್ದಾರೆ..? ಏನ್ ಮಾಡ್ತಿದ್ದಾರೆ..? ಅವ್ರ ಕಾಲ್ ಶೀಟ್ ಸಿಗುತ್ತಾ..? ಇದು ಉತ್ತರ ಸಿಗದೇ ಇರೋ ಯಕ್ಷ ಪ್ರಶ್ನೆಗಳು. ಆದ್ರೆ, ರಾಕಿಭಾಯ್ ಬಗ್ಗೆ ನಾವ್ ಹೊಸ ಅಪ್ಡೇಟ್ ಕೊಡ್ತಾ ಇದ್ದೀವಿ. ಈ ಗುಡ್ನ್ಯೂಸ್ ಕೇಳಿ ಅರಮನೆ ನಗರಿಯ ಅಭಿಮಾನಿಗಳಿಗೆ ಫುಲ್ ದಿಲ್ ಖುಷ್ ಆಗಿದೆ. ರಾಕಿಂಗ್ ಸ್ಟಾರ್ನ ಹತ್ತಿರದಿಂದ ನೋಡೋ ಭಾಗ್ಯ ಎದುರಾಗಿದೆ.
ಇಟಲಿ, ರೋಮ್, ಯುರೋಪ್ ಹೀಗೆ ಕಡಲ ದಾಟಿ ವಿಶ್ವ ಪರ್ಯಟನೆಯಲ್ಲಿರೋ ರಾಕಿಭಾಯ್ ಸದ್ಯ ಕರ್ನಾಟಕದಲ್ಲಿದ್ದಾರಾ ಅನ್ನೋದೆ ಡೌಟ್. ಇತ್ತೀಚೆಗೆ ಹರ್ ಘರ್ ತಿರಂಗಾ ಅಭಿಯಾನಕ್ಕೆ ಬೆಂಬಲ ಸೂಚಿಸಿ ದೇಶಪ್ರೇಮ ಮೆರೆದಿದ್ದ ರಾಕಿಂಗ್ ಸ್ಟಾರ್ ಮೈಸೂರಿಗೆ ಆಗಮಿಸ್ತಾ ಇದ್ದಾರೆ. 75ನೇ ಸ್ವಾತಂತ್ರ್ಯದ ಅಮೃತ ಮಹೋತ್ಸವವನ್ನು ಸೆಲೆಬ್ರೇಟ್ ಮಾಡೋಕೆ ಅರಮನೆ ನಗರಿಗೆ ಆಗಸ್ಟ್ 11ಕ್ಕೆ ಬರಲಿದ್ದಾರಂತೆ. ಆಂತೂ ತುಂಬಾ ದಿನಗಳ ನಂತ್ರ ಫ್ಯಾನ್ಸ್ ಎದುರು ಮಾಸ್ಟರ್ ಪೀಸ್ ಪ್ರತ್ಯಕ್ಷವಾಗ್ತಿದ್ದಾರೆ.
- ಮೈಸೂರು ವಿವಿ ಹಬ್ಬಕ್ಕೆ ರಾಕಿಂಗ್ ಸ್ಟಾರ್ ಸ್ಪೆಷಲ್ ಗೆಸ್ಟ್
- ಯುವಜನ ಮಹೋತ್ಸವಕ್ಕೆ ಯೂತ್ ಐಕಾನ್ ಎಂಟ್ರಿ
ಕೆಜಿಎಫ್ 2 ಚಿತ್ರದ ನಂತ್ರ ರಾಕಿಭಾಯ್ ರಿಲ್ಯಾಕ್ಸ್ ಮೂಡ್ನಲ್ಲಿದ್ದಾರೆ. ಜಾಲಿಮೂಡ್ನಲ್ಲಿದ್ದ ರಾಕಿಭಾಯ್ ಆಗಸ್ಟ್ 11ರಂದು ಮೈಸೂರು ವಿವಿ ಯುವಜನಮಹೋತ್ಸವಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಲಿದ್ದಾರೆ. ಕರ್ನಾಟಕ ಸರ್ಕಾರ ಹಾಗೂ ಮೈಸೂರು ಯುನಿವರ್ಸಿಟಿ ಸಹಯೋಗದಲ್ಲಿ ನಡೆಯಲಿರುವ ಅದ್ಧೂರಿ ಉತ್ಸವಕ್ಕೆ ತೂಫಾನ್ ಎಂಟ್ರಿಯಿಂದ ಆನೆಬಲ ಸಿಕ್ಕಂತಾಗಿದೆ. ಯಶ್ ಎಂಟ್ರಿ ಕೊಟ್ಟರೆ ಫ್ಯಾನ್ಸ್ ಕಂಟ್ರೋಲ್ ಮಾಡೋದು ಕಷ್ಟಸಾಧ್ಯ. ಟ್ರಾಫಿಕ್ ಜಾಮ್ ಸೇರಿ, ತುಂಬಿದ ಜನಸಾಗರ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದೆ.
ಯಶ್ ಬಾಸ್ ಬರ್ತಾ ಇರೋ ಸುದ್ದಿ ತಿಳೀತಾ ಇದ್ದಂತೆ ಫ್ಯಾನ್ಸ್ ಐ ಕಾಂಟ್ ವೈಟ್ ಅಂತಿದ್ದಾರೆ. ಮುಂದಿನ ಸಿನಿಮಾ ಬಗ್ಗೆ ಯಾವುದೇ ಗುಡ್ ನ್ಯುಸ್ ಕೊಡದ ಯಶ್ ಈ ಕಾರ್ಯಕ್ರಮದಲ್ಲಿ ಸಸ್ಪೆನ್ಸ್ ರಿವೀಲ್ ಮಾಡೋ ಸಾಧ್ಯತೆ ಇದೆ. ಇಡೀ ಇಂಡಿಯಾ ಮಾಸ್ಟರ್ ಪೀಸ್ ಹೊಸ ಅಪ್ಡೇಟ್ಗಾಗಿ ಕಾಯ್ತಿದೆ. ಈ ಎಲ್ಲಾ ಕುತೂಹಲಗಳಿಗೆ ರಾಕಿಭಾಯ್ ಉತ್ತರ ಕೊಡ್ತಾರಾ ಕಾದು ನೋಡ್ಬೇಕಾಗಿದೆ.
ಸ್ಯಾಂಡಲ್ವುಡ್ನಲ್ಲಿ ಕೆಜಿಎಫ್ ಮಾರುತ ಬೀಸಿದ ಮೇಲೆ ಹೊಸ ಅಲೆ ಶುರುವಾಗಿದೆ. ಧೀರ, ಶೂರ, ಕೆಜಿಎಫ್ ಸುಲ್ತಾನನ ಪ್ರತಿ ಕ್ಷಣದ ಅಪ್ಡೇಟ್ಗಳು ಚಿತ್ರರಂಗದಲ್ಲಿ ಹೊಸ ಕ್ರಾಂತಿ ಶುರುವಾಗುತ್ತೆ. ಆಗಾಗಿ ಕೆಜಿಎಫ್ ದಾಖಲೆ ಸರಿಗಟ್ಟೋ ಸಿನಿಮಾಗೆ ಯಶ್ ನಾಂದಿ ಹಾಡ್ತಾರಾ ಅನ್ನೋ ಪ್ರಶ್ನೆ ಎಲ್ಲರಲ್ಲೂ ಇದೆ. ಅಂತೂ ಮೈಸೂರು ಮಹಾರಾಜ ಕಾಲೇಜಿನ ಮೈದಾನದಲ್ಲಿ ರಾಕಿಭಾಯ್ ತೂಫಾನ್ಗೆ ಫ್ಯಾನ್ಸ್ ಥ್ರಿಲ್ ಅಗೋದು ಪಕ್ಕಾ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
