ಮಾನ್ಸೂನ್ ಮಳೆಯಲ್ಲಿ ಡಾಲಿ ರಚ್ಚು ಡ್ಯಾನ್ಸ್ ನೋಡೋದೆ ಚಂದ. ಮಾನ್ಸೂನ್ ರಾಗಕ್ಕೆ ಕೌಂಟ್ಡೌನ್ ಕೂಡ ಶುರುವಾಗಿದೆ. ಈ ನಡುವೆ ಪ್ರೊಮೋಷನಲ್ ಮೇಕಿಂಗ್ ಸಾಂಗ್ ಝಲಕ್ ಟಾಪ್ ಟ್ರೆಂಡಿಂಗ್ನಲ್ಲಿದೆ. ಸೀರೆಯಟ್ಟು ನವಿಲಿನಂತೆ ರಚ್ಚು ಮಿಂಚ್ತಾ ಇದ್ರೆ, ದೇಸಿ ಪಂಚೆಯುಟ್ಟು ಡಾಲಿ ಜಗಮಗಿಸ್ತಿದ್ದಾರೆ. ಡಾಲಿ, ರಚ್ಚು ಬಿಂದಾಸ್ ಡ್ಯಾನ್ಸ್ನ ನಾವ್ ತೋರಿಸ್ತೀವಿ. ಹಾಗಾದರೆ ಈ ಸ್ಟೋರಿ ನೀವೇ ಓದಿ.
- ಮಾನ್ಸೂನ್ ಕಟೌಟ್ ಮುಂದೆ ಕ್ಯೂಟ್ ಜೋಡಿ ಸ್ಟೆಪ್..!
ಡಾಲಿ, ರಚ್ಚು ಕಾಂಬಿನೇಷನ್ನಲ್ಲಿ ಮಾನ್ಸೂನ್ ರಾಗ ಕಮಾಲ್ ಮಾಡ್ತಿದೆ. ಟ್ರೈಲರ್ ಕೊಟ್ಟ ಟಕ್ಕರ್ಗೆ ಫ್ಯಾನ್ಸ್ ಕೂಡ ಥ್ರಿಲ್ ಆಗಿದ್ದಾರೆ. ಮೊದಲ ಬಾರಿಗೆ ರಚ್ಚು ಡಬಲ್ ಗ್ಲಾಮರಸ್ ಟಫ್ ರೋಲ್ ಲೀಡ್ ಮಾಡ್ತಿದ್ದು, ಸಿನಿಮಾ ಮೇಲೆ ಕಾತರ ಹೆಚ್ಚಾಗಿದೆ. ಲೈಂಗಿಕ ಕಾರ್ಯಕರ್ತೆಯಾಗಿ ಡಾಲಿ ಪ್ರೇಮಪಾಶದ ಸುಳಿಯಲ್ಲಿ ರಚ್ಚು ಬೀಳಲಿದ್ದಾರೆ. ರಿಲೀಸ್ ಡೇಟ್ ಹತ್ತಿರ ಬರ್ತಿದ್ದಂತೆ ಪ್ರೊಮೋಷನ್ಸ್ ಕೂಡ ಜೋರಾಗಿದೆ.
ರೆಟ್ರೋ ಫಾರ್ಮಾಟ್ನಲ್ಲಿ ಪ್ರೀತಿ ಸಂಬಂಧಗಳ ಸೆಳೆತಗಳನ್ನು ವಿಭನ್ನ ರೀತಿಯಲ್ಲಿ ಹೇಳೋ ಹೊಸ ಪ್ರಯತ್ನಕ್ಕೆ ಚಿತ್ರತಂಡ ಕೈಹಾಕಿದೆ. ಆಗಸ್ಟ್ 19ಕ್ಕೆ ತೆರೆಗಪ್ಪಳಿಸಲಿರೋ ಮಾನ್ಸೂನ್ ಆರ್ಭಟ ತುಸು ಜೋರಾಗಿರೋ ವಾತವಾರಣ ಕ್ರಿಯೇಟ್ ಆಗಿದೆ. ಇನ್ನೂ ಚಿತ್ರದ ಪ್ರೋಮೋಷನಲ್ ಸಾಂಗ್ ಕೂಡ ತಯಾರಾಗಿದ್ದು, ಇದ್ರ ಮೇಕಿಂಗ್ ತುಣುಕುಗಳು ಸಿಕ್ಕಾಪಟ್ಟೆ ವೈರಲ್ ಆಗಿವೆ. ವಿಂಟೇಜ್ ಬೆಂಜ್ ಕಾರ್ನಲ್ಲಿ ರಚ್ಚು ಸ್ಯಾರಿ ತೊಟ್ಟು ಬರ್ತಿದ್ದಾರೆ. ಕರಾವಳಿ ಚಂಡೇ ಸಪ್ಪಳ, ವಯಲಿನ್ ರಾಗದ ನಡುವೆ ರಚ್ಚು ರೊಮ್ಯಾಂಟಿಕ್ ಲುಕ್ ಪ್ಲಸ್ ಆಗಿದೆ.
- ರಚ್ಚು ಕೆನ್ನೆ ಹಿಡಿದು ಮುದ್ದು ಮಾಡಿದ ಡಾಲಿ ಧನಂಜಯ
- ಪ್ರೀತಿ, ಪ್ರೇಮ, ಪ್ರಣಯಕ್ಕೆ ಕಣ್ಸನ್ನೆ ಮಾಡಿದ ಕಪಲ್..!
ಡಿಂಪಲ್ ಕ್ವೀನ್ ರಚಿತಾ ರಾಮ್ ಸ್ಯಾರಿ ತೊಟ್ಟು ಹಾಟ್ ಆಗಿ ಕಾಣಿಸ್ತಿದ್ರು. ಇನ್ನೂ ಟಗರು ಡಾಲಿ ರಚ್ಚು ಕೆನ್ನೆ ಹಿಡಿದು ಮುದ್ದು ಮಾಡೋ ತವಕದಲ್ಲಿದ್ದರು. ಆದ್ರೇ ಈ ಜೋಡಿ ಕೊನೆಗೆ ಕಣ್ಸನ್ನೆ ಮಾಡಿ ರಿಲೀಸ್ ಡೇಟ್ನ ತೋರಿಸಿದೆ. ಯೆಸ್. ಸಿನಿಮಾದಲ್ಲಿ ಪ್ರತಿಶತ 80 ರಷ್ಟು ವರುಣಾರ್ಭಟ ಇದೆ. ಜತೆಗೆ ಪ್ರೀತಿ, ಪ್ರೇಮ, ಪ್ರಣಯ, ಎಮೋಷನ್ಗಳ ಎಫೆಕ್ಟ್ ಕೂಡ ದುಪ್ಪಟ್ಟಾಗಿದೆ. ಸದ್ಯ ಮೋಡ ಕವಿದ ವಾತಾವರಣ ಮಾತ್ರ ಇದ್ದು, ಕಂಪ್ಲೀಟ್ ಮನರಂಜನೆ ಬೇಕಾದ್ರೆ ತಪ್ಪದೆ ಆಗಸ್ಟ್ 19ಕ್ಕೆ ನೇರವಾಗಿ ಥಿಯೇಟರ್ಗೆ ಬನ್ನಿ ಅಂತಿದ್ದಾರೆ.
ಮಾನ್ಸೂನ್ ರಾಗ ಚಿತ್ರದ ಹಾಡುಗಳೆಲ್ಲಾ ಹಿಟ್ ಲಿಸ್ಟ್ ಸೇರಿವೆ. ಇದೀಗ ಪ್ರೊಮೋಷನಲ್ ಸಾಂಗ್ ಸರದಿ. ಮೇಕಿಂಗ್ ಸಾಂಗ್ ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದ್ದು, ರಿಲೀಸ್ ವೇಳೆಗೆ ಸಿಕ್ಕಾಪಟ್ಟೆ ಸದ್ದು ಮಾಡೋ ಗ್ರೀನ್ ಸಿಗ್ನಲ್ ಕೊಟ್ಟಿದೆ. ಸಿನಿಮಾದಲ್ಲಿ ಬೈರಾಗಿ ಖ್ಯಾತಿಯ ಯಶಾ ಶಿವಕುಮಾರ್ ಕೂಡ ನಟಿಸಿದ್ದು ಆಟಿಟ್ಯೂಡ್ ರೋಲ್ ಲೀಡ್ ಮಾಡಿದ್ದಾರೆ. ಒಟ್ಟಾರೆ ಮಾನ್ಸೂನ್ ಎಫೆಕ್ಟ್ ಎಲ್ಲರಿಗೂ ಜೋರಾಗಿ ತಟ್ಟಲಿದೆ. ರಚ್ಚು, ಡಾಲಿ ಚಿತ್ರಕ್ಕೆ ಸಿಗ್ತಿರೋ ರೆಸ್ಪಾನ್ಸ್ ನೋಡಿ ಫುಲ್ ಖುಷ್ ಆಗಿದ್ದಾರೆ.
ಮನ್ಸು ಮರಕೋತಿ ಹಾಡಿನ ಮೂಲಕ ಅಚ್ಯುತ್ ಕುಮಾರ್ ಇಂಪ್ರೆಸ್ ಮಾಡಿದ್ರೆ, ಯಶಾ ಮ್ಯೂಸಿಕ್ ಡ್ಯಾನ್ಸ್ ಮೂಲಕ ಎಲ್ಲರ ಹೃದಯ ಗೆದ್ದಿದ್ದಾರೆ. ಇನ್ನೂ ರಚಿತಾ ಹಸಿ ಬಿಸಿ ದೃಶ್ಯಗಳಲ್ಲಿ ಪಡ್ಡೆ ಹೈಕಳ ನಿದ್ದೆ ಕದ್ದಿದ್ದಾರೆ. ವಿ. ಆರ್ ವಿಖ್ಯಾತ್ ನಿರ್ಮಾಣ, ಎಸ್.ರವೀಂದ್ರನಾಥ್ ನಿರ್ದೇಶನದಲ್ಲಿ ಸಿನಿಮಾ ಮೇಕಿಂಗ್ ಅದ್ಭುತವಾಗಿದೆಯಂತೆ. ಎಸ್. ಕೆ ರಾವ್ ಕ್ಯಾಮೆರಾ ಕೈ ಚಳಕ ಕಣ್ಣಿಗೆ ಒತ್ತಲಿದೆ. ಅನೂಪ್ ಸೀಳಿನ್ ಮ್ಯೂಸಿಕ್ ಕಂಪೋಸ್ ಹೀಗಾಗ್ಲೇ ಸಿಕ್ಸರ್ ಬಾರಿಸಿದೆ. ಎನಿವೇ ಆಗಸ್ಟ್ 19ಕ್ಕೆ ತೆರೆಗೆ ಬರಲಿರೋ ಮಾನ್ಸೂನ್ ರಾಗ ಸಂಯೋಗಕ್ಕೆ ಪ್ರೊಮೋಷನಲ್ ಸಾಂಗ್ ಬೋಸ್ಟರ್ ಡೋಸ್ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
