ಟೈಗರ್ ಟಾಕೀಸ್ ಬ್ಯಾನರ್ ಅಡಿಯಲ್ಲಿ ಮೊದಲ ಬಾರಿಗೆ ನಿರ್ಮಾಣಕ್ಕೆ ಕೈ ಹಾಕಿರುವ ಮರಿಟೈಗರ್ ಲಂಕಾಸುರನಾಗಿ ಅಬ್ಬರಿಸ್ತಿದ್ದಾರೆ. ಗಡ್ಡ ಬಿಟ್ಟು ರಗಡ್ ಲುಕ್ನಲ್ಲಿ ಘರ್ಜಿಸುತ್ತಿದ್ದ ಟೈಗರ್ ನೋಡಿ ಯಾರಿವ ಅಂತಾ ಎಲ್ಲರೂ ಬಾಯಲ್ಲಿ ಬೆರಳಿಟ್ಟುಕೊಂಡಿದ್ದರು. ಇದೀಗ ಲಂಕಾಧಿಪತಿಯ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿದ್ದು ಲಂಕಾಸುರನ ಗತ್ತು ಗಾಂಭೀರ್ಯ ಎಂತದ್ದು ಅನ್ನೋದನ್ನು ತೋರಿಸಿದೆ.
- ಬಿಸಿ ರಕ್ತವ ಹೀರುವ ರಕ್ತಾಸುರ ಈ ಲಂಕಾಸುರ..!
ಸ್ಯಾಂಡಲ್ವುಡ್ ಮರಿಟೈಗರ್ ಯಾರು ಅಂತಾ ನಿಮಗೆಲ್ಲಾ ಗೊತ್ತೆ ಇದೆ. ಟೈಗರ್ ಪ್ರಭಾಕರ್ ಅವರ ಪುತ್ರ ವಿನೋದ್ ಪ್ರಭಾಕರ್ ಮರಿಟೈಗರ್ ಅವತಾರದಲ್ಲಿ ಸಾಲು ಸಾಲು ಸಿನಿಮಾಗಳಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ರು. ಅವರ ಅಜಾನುಬಾಹು ದೇಹ, ರಗಡ್ ವಾಯ್ಸ್, ಎದೆಯುಬ್ಬಿಸಿ ಗಜಗಾಂಭೀರ್ಯದೊಂದಿಗೆ ನಡೆದು ಬರೋ ಸ್ಟೈಲ್ ಎಲ್ಲವೂ ಕನ್ನಡಿಗರ ಮನಸೆಳೆಯುವಂತೆ ಮಾಡಿದೆ. ಅವರ ಫಿಟ್ನೆಸ್ಗೆ , ಅದ್ಭುತ ಆ್ಯಕ್ಟಿಂಗ್ಗೆ ಬ್ರೇಕ್ ಕೊಡೋ ಸಿನಿಮಾಗಳು ಬಂದಿರಲಿಲ್ಲ. ಇದೀಗ ಅವರ ಬ್ಯಾನರ್ನಲ್ಲಿ ಲಂಕಾಸುರ ತೆರೆಗೆ ಬರೋಕೆ ಸಜ್ಜಾಗಿದೆ.
ವಿನೋದ್ ಪ್ರಭಾಕರ್ ಅವರ ಪತ್ನಿ ನಿಶಾ ವಿನೋದ್ ಪ್ರಭಾಕರ್ ಮೊದಲ ಬಾರಿಗೆ ಲಂಕಾಸುರ ಚಿತ್ರದ ಮೂಲಕ ನಿರ್ಮಾಪಕಿಯಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಟೈಗರ್ ಟಾಕೀಸ್ ಸಂಸ್ಥೆಯ ಚೊಚ್ಚಲ ಸಿನಿಮಾ ಲಂಕಾಸುರ ಚಿತ್ರದ ಟೀಸರ್ ರಿಲೀಸ್ ಮಾಡಿದ್ದ ಕ್ರೇಜಿಸ್ಟಾರ್ ರವಿಚಂದ್ರನ್ ಸಿನಿಮಾಗೆ ಶುಭ ಹಾರೈಸಿ ಗುಡ್ಲಕ್ ತಿಳಿಸಿದ್ದರು. ಟೀಸರ್ ಎಫೆಕ್ಟ್ಗೆ ಸ್ಟನ್ ಆಗಿದ್ದ ಚಿತ್ರಪ್ರೇಮಿಗಳಿಗೆ ಮತ್ತೊಂದು ಸರ್ಪ್ರೈಸಿಂಗ್ ನ್ಯೂಸ್ ಸಿಕ್ಕಿದೆ. ಲಂಕಾಸುರ ಟೈಟಲ್ ಟ್ರ್ಯಾಕ್ ರಿಲೀಸ್ ಆಗಿದ್ದು, ಬಿಜಿಎಮ್ ಸೌಂಡ್ಗೆ ಫಿದಾ ಆಗಿದ್ದಾರೆ.
- ಮಾಡರ್ನ್ ಲಂಕಾಧಿಪತಿ ಗೆಟಪ್ನಲ್ಲಿ ವಿನೋದ್
- ಅಣ್ಣ ಗನ್ ಹಿಡಿದು ನಿಂತ ಅಂದ್ರೆ ಭಸ್ಮಾಸುರ..!
ಯೆಸ್.. ವಿನೋದ್ ಪ್ರಭಾಕರ್ ನ್ಯೂ ಲುಕ್, ಗೆಟಪ್, ಟೀಸರ್ನಲ್ಲಿ ಅವ್ರ ಆ್ಯಕ್ಷನ್ ಸೀನ್ಸ್ ನೋಡಿದವ್ರಿಗೆ ಹೀಗೊಂದು ಅನುಮಾನ ಶುರುವಾಗಿದೆ. ಈ ಸಿನಿಮಾ ಆರ್ಡಿನರಿ ಕಥೆಯಲ್ಲ. ಆರ್ಮುಗಂ ರವಿಶಂಕರ್, ಡೈನಾಮಿಕ್ ಸ್ಟಾರ್ ದೇವರಾಜ್ ಕಾಂಬಿನೇಷನ್ ನಡುವೆ ಲಂಕಾಸುರನ ಅಸಲಿ ಕಥೆ ಬೇರೆ ಇದೆ ಅನಿಸುತ್ತೆ. ಈ ನಡುವೆ ಟೈಟಲ್ ಟ್ರ್ಯಾಕ್ ಸಿನಿಮಾಗೆ ಬಿಗ್ ಬ್ರೇಕ್ ಕೊಟ್ಟಿದ್ದು ಚಿತ್ರರಸಿಕರಿಗೆ ರೋಮಾಂಚನವಾಗಿದೆ. ಜೇಮ್ಸ್ ಡೈರೆಕ್ಟರ್ ಚೇತನ್ಕುಮಾರ್ ಅವರ ಸಾಹಿತ್ಯದಲ್ಲಿ ಹಾಡು ರಣರೋಚಕವಾಗಿದೆ.
ಅಣ್ಣ ಗನ್ ಹಿಡಿದು ನಿಂತ ಅಂದ್ರೆ ಭಸ್ಮಾಸುರ, ಲಾಂಗ್ ಹಿಡಿದು ನಡ್ಕೊಂಡು ಬಂದ್ರೆ ಲಂಕಾಸುರ ಅನ್ನೋ ಆರಂಭದ ಸಾಲುಗಳು ಥ್ರಿಲ್ಲಿಂಗ್ ಫೀಲ್ ಕೊಡುತ್ತವೆ. ಹಾಡಿನ ಪೂರ್ತಿ ಈ ರೀತಿಯ ಮೈ ನವಿರೇಳಿಸುವ ಸಾಲುಗಳಿದ್ದು ಮ್ಯೂಸಿಕ್ ಎಕ್ಸ್ಟ್ರಾ ಕಿಕ್ ಕೊಡುತ್ತದೆ. ಅಂತೂ ನಿರೀಕ್ಷೆ ಮಾಡಿದಂತೆ ಲಂಕಾಸುರನ ಹಾವಳಿ ಡಬಲ್ ಆಗಿದೆ. ಎದುರಾಳಿಗಳ ಎದೆಸೀಳೋಕೆ ಹತ್ತು ತಲೆಯ ಲಂಕಾಧಿಪತಿ ಕಾಲು ಕೆರೆದು ನಿಂತಿದ್ದಾನೆ. ವಿಜೇತ ಕೃಷ್ಣ ಅವ್ರ ದನಿಯಲ್ಲಿ ಟೈಟಲ್ ಟ್ರ್ಯಾಕ್ ಮತ್ತೆ ಮತ್ತೆ ಕೇಳ್ಬೇಕು ಅನಿಸುತ್ತೆ.
ಲಂಕಾಸುರ ಚಿತ್ರದ ಪೋಸ್ಟರ್, ಟೀಸರ್, ಟೈಟಲ್ ಟ್ರ್ಯಾಕ್ ಎಲ್ಲವೂ ಸಖತ್ ಇಂಪ್ರೆಸ್ಸಿವ್ ಆಗಿದ್ದು, ಬೆಳ್ಳಿ ತೆರೆಯ ಮೇಲೆ ವಿನೋದ್ ಪ್ರಭಾಕರ್ ಆರ್ಭಟ ನೋಡೋಕೆ ಕೊಂಚ ಕಾಯಲೇಬೇಕು. ಇದ್ರ ಜತೆಗೆ ಈ ಸಿನಿಮಾದಲ್ಲಿ ಲೂಸ್ ಮಾದ ಯೋಗಿ ಕೂಡ ಮರಿಟೈಗರ್ಗೆ ಸಾಥ್ ಕೊಟ್ಟಿದ್ದಾರೆ. ಡೈನಾಮಿಕ್ ಸ್ಟಾರ್ ದೇವರಾಜ್, ರವಿಶಂಕರ್ ಸೇರಿ ಅನೇಕ ಕಲಾವಿದರ ಸಂಗಮವಿದೆ. ವಿಜೇತ ಕೃಷ್ಣ ಮ್ಯೂಸಿಕ್ ಕಂಪೋಸಿಂಗ್, ಪ್ರಮೋದ್ ಕುಮಾರ್ ನಿರ್ದೇಶನ, ಸುಗ್ನಾನ್ ಕ್ಯಾಮೆರಾ ಕಣ್ಣಲ್ಲಿ ಸಿನಿಮಾ ಅದ್ಧೂರಿಯಾಗಿ ಮೂಡಿ ಬರಲಿದೆ. ಸದ್ಯ ಎಲ್ಲೆಲ್ಲೂ ಲಂಕಾಸುರ ಟೈಟಲ್ ಟ್ರ್ಯಾಕ್ ಟಾಕ್ ಆಫ್ ದಿ ಟೌನ್ ಆಗಿದೆ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
