ಓ ಮೈ ಲವ್ ಟೈಟಲ್ಗೆ ತಕ್ಕಂತೆ ಈ ಸಿನಿಮಾ ಸ್ನೇಹ, ಪ್ರೀತಿ, ತ್ಯಾಗದ ಸಮ್ಮಿಲನ. ಸದ್ಯ ರಾಜ್ಯಾದ್ಯಂತ ಯುವ ಮನಸ್ಸುಗಳನ್ನು ಕದ್ದಿರೋ ಸಿನಿಮಾ. ಪ್ರೀತಿಯ ಹೊಸ ಸೆಳೆತಕ್ಕೆ ಚಿತ್ರರಸಿಕರು ಆಯಸ್ಕಾಂತದಂತೆ ಆಕರ್ಷಿತರಾಗಿದ್ದಾರೆ. ಈ ಅದ್ಧೂರಿ ಚಿತ್ರದ ಹಿಂದೆ ಸ್ಮೈಲ್ ಶ್ರೀನು ಕೈಚಳಕವಿದೆ. ಪ್ರತಿ ಫ್ರೇಮಿನ ಅದ್ಭುತ ದೃಶ್ಯಗಳ ಹಿಂದೆ ಸಿನಿಮಾಂತ್ರಿಕ ಸ್ಮೈಲ್ ಶ್ರೀನು ಕರಾಮತ್ತಿದೆ.
ಅಂದು ಬಳ್ಳಾರಿ ದರ್ಬಾರ್.. ಇಂದು ಶ್ರೀನು ಲವ್ ದರ್ಬಾರ್
ಕಾಲೇಜ್ ಕ್ಯಾಂಪಸ್ ಲವ್ಸ್ಟೋರಿಗೆ ಪ್ರೇಕ್ಷಕ ಫುಲ್ ಮಾರ್ಕ್ಸ್..!
ಓ ಮೈ ಲವ್ ನಂತ್ರ ದೊಡ್ಡ ಪ್ರಾಜೆಕ್ಟ್ಗೆ ಸ್ಮೈಲ್ ಶ್ರೀನು ಪ್ಲಾನ್
ಟಾಲಿವುಡ್ ಕೈಬೀಸಿ ಕರೆದರೂ ತವರು ಮರೆಯದ ಡೈರೆಕ್ಟರ್
ಸಿನಿಮಾ ಸೆಟ್ಟೇರಿದ ದಿನದಿಂದ ಇಲ್ಲಿವರೆಗೂ ಓ ಮೈ ಲವ್ ಕ್ರೇಜ್ ನಿಂತಿಲ್ಲ. ಅಕ್ಷಿತ್ ಶಶಿಕುಮಾರ್ ಸಿನಿಕರಿಯರ್ನ ಮೊದಲ ಸಿನಿಮಾ ಇದು. ಅಕ್ಷಿತ್ರನ್ನ ಗ್ರ್ಯಾಂಡ್ ಆಗಿ ಇಂಡಸ್ಟ್ರಿಗೆ ಲಾಂಚ್ ಮಾಡೋ ಕನಸು ಕಂಡಿದ್ದರು ಸುಪ್ರಿಂ ಹೀರೋ ಶಶಿಕುಮಾರ್. ಹಾಗಾಗಿ ಮಗನನ್ನು ಮೋಸ್ಟ್ ಟ್ಯಾಲೆಂಟೆಡ್ ಡೈರೆಕ್ಟರ್ ಸ್ಮೈಲ್ ಶ್ರೀನು ಕೈಗೆ ಒಪ್ಪಿಸಿದ್ರು. ಅಂದುಕೊಂಡಂತೆ ಸ್ಮೈಲ್ ಶ್ರೀನು ಫಿಲ್ಮ್ ಮೇಕಿಂಗ್ ಸ್ಟೈಲ್ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಓ ಮೈ ಲವ್ ಚಿತ್ರಕ್ಕೆ ಬಹುಪರಾಕ್ ಅಂತಿದ್ದಾರೆ.
ಅಕ್ಷಿತ್ ಶಶಿಕುಮಾರ್ ಹಾಗೂ ಕೀರ್ತಿ ಕಲ್ಕೆರೆ ಅಭಿನಯದ ಓ ಮೈ ಲವ್ ಸಿನಿಮಾ ರಾಜ್ಯಾದ್ಯಂತ ತೆರೆಕಂಡು ಭರ್ಜರಿ ಪ್ರದರ್ಶನ ಕಾಣ್ತಿದೆ. ಸಿನಿಮಾ ನೋಡಿ ಹೊರಬಂದ ಪ್ರೇಕ್ಷಕರು ಸಿನಿಮಾದ ಕಥೆಗೆ, ಮೇಕಿಂಗ್ ಸ್ಟೈಲ್ಗೆ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಆ್ಯಕ್ಷನ್ ಸೀಕ್ವೆನ್ಸ್ ನೆಕ್ಸ್ಟ್ ಲೆವೆಲ್ನಲ್ಲಿ ಮೂಡಿ ಬಂದಿವೆ. ಇವೆಲ್ಲದರ ಹಿಂದೆ ಸ್ಮೈಲ್ ಶ್ರೀನು ಕಸರತ್ತು ಎದ್ದು ಕಾಣ್ತಿದೆ. ಸ್ಮೈಲ್ ಶ್ರೀನು ಇಟ್ಟಿರೋ ಫ್ರೇಮಿಗೆ ಸಿನಿರಸಿಕರು ಕೂಡ ಚಿಲ್ ಆಗಿದ್ದಾರೆ.
ಒಂದು ಸಿನಿಮಾ ಸೋತ್ರೆ ಅಲ್ಲಿಗೆ ಸಿನಿಮಾ ರಂಗದಿಂದ ದೂರ ಸರಿದು ಬಿಡುವ ಈ ಕಾಲದಲ್ಲಿ, ಫೀನಿಕ್ಸ್ ಹಕ್ಕಿಯಂತೆ ಮತ್ತೆ ಪುಟಿದೆದ್ದು ಓ ಮೈ ಲವ್ ಸಿನಿಮಾಗೆ ಕೈ ಹಾಕಿದ್ರು ನಿರ್ದೇಶಕ ಶ್ರೀನು. ಬಳ್ಳಾರಿ ದರ್ಬಾರ್ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಿದ್ದ ಶ್ರೀನು, ಬಳ್ಳಾರಿಯ ಗಣಿ ಬ್ಯಾಕ್ಡ್ರಾಪ್ ಮೇಲೆ ಕಥೆ ಹೆಣೆದಿದ್ದರು. ಈ ಸಿನಿಮಾ ನಿರೀಕ್ಷೆ ಯಂತೆ ಯಶಸ್ಸು ಕಾಣಲಿಲ್ಲ. ಇದೀಗ ಇಟ್ಟ ಹೆಜ್ಜೆ ಹಿಂದಿಡದ ನಿರ್ದೇಶಕ, ಓ ಮೈ ಲವ್ ಸಿನಿಮಾ ಮೂಲಕ ರಾಜ್ಯಾದ್ಯಂತ ಲವ್ ದರ್ಬಾರ್ ನಡೆಸುತ್ತಿದ್ದಾರೆ.
ಬಹುದಿನಗಳಿಂದ ಇಂತಹ ಒಂದು ಕಥೆಗೆ ಸಿನಿಮಾ ಮಾಡಬೇಕು ಅಂತ ಕಾಯ್ತಿದ್ದ ನಿರ್ದೇಶಕರಿಗೆ ಜಿ. ರಾಮಾಂಜಿನಿ ಹಣ ಹೂಡಿಕೆ ಮಾಡುವುದರ ಜೊತೆಗೆ ಕಥೆ ಕೂಡ ನೀಡಿದ್ರು. ಸ್ಮೈಲ್ ಶ್ರೀನು ಸ್ಕ್ರೀನ್ಪ್ಲೇ, ಡೈಲಾಗ್ಸ್ ಎಲ್ಲವೂ ರೋಚಕವಾಗಿ ಮೂಡಿ ಬಂದಿದ್ದು, ತೆರೆಕಂಡ ಎಲ್ಲಾ ಥಿಯೇಟರ್ಗಳಲ್ಲೂ ಓ ಮೈ ಲವ್ ಯಶಸ್ವಿಯಾಗಿ ಮುನ್ನುಗ್ತಿದೆ.
ಪಕ್ಕದ ಟಾಲಿವುಡ್ ಅಂಗಳದೊಂದೊಗೆ ಉತ್ತಮ ಬಾಂಧವ್ಯ ಹೊಂದಿರೋ ಸ್ಮೈಲ್ ಶ್ರೀನುಗೆ ಓ ಮೈ ಲವ್ಗೂ ಮುನ್ನ ಸಾಕಷ್ಟು ಮಂದಿ ಸಿನಿಮಾ ಮಾಡಲು ಓಪನ್ ಆಫರ್ ನೀಡಿದ್ರು. ಆದ್ರೆ ಮಾತೃಭಾಷೆಯಲ್ಲೇ ಸಿನಿಮಾ ಮಾಡೋ ಆಶಯದೊಂದಿಗೆ ತೆಲುಗು ಇಂಡಸ್ಟ್ರಿ ಕಡೆ ಪಯಣ ಬೆಳೆಸಲಿಲ್ಲ ಶ್ರೀನು. ಇದು ಅವ್ರ ಕನ್ನಡಾಭಿಮಾನದ ಕೈಗನ್ನಡಿಯೂ ಹೌದು. ಸದ್ಯ ಬಿಗ್ ಸ್ಟಾರ್ಗೆ ಌಕ್ಷನ್ ಕಟ್ ಹೇಳೋಕೆ ತಯಾರಿ ನಡೆಸ್ತಿರೋ ಶ್ರೀನು, ಯಾವ ಹೀರೋ ಜೊತೆ ಸಿನಿಮಾ ಅನೌನ್ಸ್ ಮಾಡ್ತಾರೆ ಅನ್ನೋದನ್ನ ಕಾದು ನೋಡಬೇಕಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ