ಸೀತಾ ರಾಮಂ ಚಿತ್ರದಲ್ಲಿ ಮೊದಲ ಬಾರಿಗೆ ವಿಭಿನ್ನ ಗೆಟಪ್ನಲ್ಲಿ ಶ್ರೀವಲ್ಲಿ ರಶ್ಮಿಕಾ ಮಿಂಚ್ತಿದ್ದಾರೆ. ಇದಕ್ಕೂ ಮುನ್ನ ಹಿಜಾಬ್ ಧರಿಸಿ, ಕೈಯಲ್ಲಿ ಗನ್ ಹಿಡಿದು ಪೋಸ್ ಕೊಟ್ಟಿದ್ದ ಕೊಡಗಿನ ಕುವರಿ ಚಿತ್ರರಸಿಕರ ತಲೆಯಲ್ಲಿ ಹುಳ ಬಿಟ್ಟಿದ್ದರು. ಇದೀಗ ರಶ್ಮಿಕಾ ಡಿಫರೆಂಟ್ ಗೆಟಪ್ನಲ್ಲಿರೋ ಫೋಸ್ಟರ್ವೊಂದನ್ನ ಶೇರ್ ಮಾಡಿದ್ದು, ಸಖತ್ ವೈರಲ್ ಆಗಿದೆ. ಯಾವ ಗೆಟಪ್..? ಏನ್ ಆ ಫೋಟೊ ಅಂತೀರಾ..?
ಹಿಜಾಬ್ ಧರಿಸಿ ಈದ್ ಶುಭಾಶಯ ಕೋರಿದ ರಶ್ಮಿಕಾ
ಮುಸ್ಲಿಂ ರೋಲ್ನಲ್ಲಿ ಕೊಡಗಿನ ಬೆಡಗಿ ರೋರಿಂಗ್..!
ಆರ್ಮಿ ಗೆಟಪ್ನಲ್ಲಿ ದುಲ್ಕರ್.. ಕಾಶ್ಮೀರಿ ಹುಡುಗಿಯಾಗಿ ಶ್ರೀವಲ್ಲಿ
ಮಲಯಾಳಂ ಸಿನಿಮಾದಲ್ಲೂ ರಶ್ಮಿಕಾ ಮಂದಣ್ಣ ಮಿಂಚಿಂಗ್..!
ಸೌತ್ ಸಿನಿಮಾ ರಂಗದಲ್ಲೇ ಸಖತ್ ಸೆನ್ಸೇಷನ್ ಕ್ರಿಯೇಟ್ ಮಾಡಿರುವ ಸಿನಿಮಾ ಸೀತಾ ರಾಮಂ. ತಮಿಳು, ತೆಲುಗು, ಮಲಯಾಳಂ ಭಾಷೆಗಳಲ್ಲಿ ತೆರೆಗೆ ಬರ್ತಿರೋ ಈ ಸಿನಿಮಾ ಬೇಜಾನ್ ಹೈಪ್ ಕ್ರಿಯೇಟ್ ಮಾಡಿದೆ. ಯೋಧನೊಬ್ಬನ, ಯಾರು ಕಂಡು ಕೇಳಿರದ ಮನಮುಟ್ಟುವ ಪ್ರೇಮಕಥೆಯನ್ನು ಹೇಳೋಕೆ ಸಿನಿಮಾ ಸಜ್ಜಾಗಿದೆ, ಟೀಸರ್ ನೋಡಿದವ್ರು ಕೂಡ ಪ್ರಾಮಿಸಿಂಗ್ ಸಿನಿಮಾ ಎಂದು ಹಾಡಿ ಹೊಗಳಿದ್ದಾರೆ. ದುಲ್ಖರ್ ಸಲ್ಮಾನ್, ರಶ್ಮಿಕಾ, ಮೃಣಾಲ್ ಠಾಕೂರ್ ಅಭಿನಯದಲ್ಲಿ ಸೀತಾ ರಾಮಂ ಮೂಡಿ ಬರ್ತಿದೆ.
ಕಾಶ್ಮೀರ ಕಣಿವೆಯಲ್ಲಿ ರೊಮ್ಯಾಂಟಿಕ್ ಪ್ರೇಮಕಥೆಯನ್ನು ಹೇಳಲು ಹೊರಟಿರುವ ಚಿತ್ರತಂಡ ಪೋಸ್ಟರ್ಗಳ ಮೂಲಕವೇ ಎಲ್ಲರ ಗಮನ ಸೆಳಿತಿದೆ. ಈ ಸಿನಿಮಾದ ಒಂದು ಪೋಸ್ಟರ್ ಆರಂಭದಲ್ಲಿ ಸಖತ್ ವೈರಲ್ ಆಗಿತ್ತು. ಯೆಸ್.. ಕೊಡಗಿನ ಕುವರಿ, ಬಹುಭಾಷಾ ನಟಿಯಾಗಿ ಅಬ್ಬರಿಸ್ತಾ ಇರೋ ಬ್ಯೂಟಿ ಕ್ವೀನ್ ರಶ್ಮಿಕಾ ಮಂದಣ್ಣ ಹಿಜಾಬ್ ಗೆಟಪ್ನಲ್ಲಿ ಕಾಣಿಸಿಕೊಂಡಿದ್ದರು.
ಕೈಯಲ್ಲಿ ಗನ್ ಹಿಡಿದು ಪೋಸ್ ಕೊಟ್ಟಿದ್ದ ರಶ್ಮಿಕಾ ಯಾವುದೋ ಧಾರ್ಮಿಕ ಸಂಘರ್ಷದ ಕಥೆಯಲ್ಲಿ ಕಾಣಿಸಿಕೊಳ್ತಿದ್ದಾರೆ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದರು. ಇದೀಗ ಮತ್ತೊಮ್ಮೆ ಹಿಜಾಬ್ ಗೆಟಪ್ನಲ್ಲಿ ಈದ್ ಹಬ್ಬಕ್ಕೆ ಶುಭಾಶಯ ಕೋರುವ ಮೂಲಕ ಸದ್ದು ಮಾಡ್ತಿದ್ದಾರೆ. ಮುಸ್ಲಿಂ ಬಾಂಧವರಿಗೆ ರಶ್ಮಿಕಾ ವಿಭಿನ್ನವಾಗಿ ವಿಶ್ ಮಾಡಿ ಶುಭ ಕೋರಿದ್ದಾರೆ.
ಟಾಪ್ ಸ್ಠಾರ್ ನಟಿಯರಲ್ಲಿ ಒಬ್ಬರಾಗಿರೋ ರಶ್ಮಿಕಾ ಕನ್ನಡ, ತೆಲುಗು, ಮಲಯಾಳಂನಲ್ಲೂ ಮಿಂಚ್ತಿದ್ದಾರೆ. ಸೀತಾ ರಾಮಂ ಸಿನಿಮಾ ಮೂಲಕ ಮಲಯಾಳಂ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿರೋ ರಶ್ಮಿಕಾ ಕಾಶ್ಮೀರಿ ಮುಸ್ಲಿಂ ಹುಡುಗಿಯಾಗಿ ಕಾಣಿಸಿಕೊಳ್ತಿದ್ದಾರೆ. ಕ್ಲಾಸಿಕ್ ಟೈಟಲ್ ಸೀತಾ ರಾಮಂ ಸಿನಿಮಾದಲ್ಲಿ ರಶ್ಮಿಕಾ ಹಿಜಾಬ್ ಗೆಟಪ್ ಎಲ್ಲರ ಕುತೂಹಲವನ್ನು ಕೆರಳಿಸಿದೆ.
ಈಗಾಗಲೇ ಈ ಚಿತ್ರದ ಹಾಡು, ಟೀಸರ್ ಸಖತ್ ಹಿಟ್ ಆಗಿದ್ದು, ಸಿಕ್ಕಾಪಟ್ಟೆ ಮೆಚ್ಚುಗೆಗೆ ಪಾತ್ರವಾಗಿದೆ. ಇದ್ರ ನಡುವೆ ರಶ್ಮಿಕಾ ಅವರ ಲೇಟೆಸ್ಟ್ ಲುಕ್ ವೈರಲ್ ಆಗಿದೆ. ಸೀತಾ ರಾಮಂ ಚಿತ್ರವನ್ನು ಹನು ರಾಗವಪುಡಿ ನಿರ್ದೇಶನ ಮಾಡುತ್ತಿದ್ದಾರೆ. ದಿವಾಕರ್ ಮಣಿ ಮತ್ತು ಪಿ.ಎಸ್.ವಿನೋದ್ ಅವರ ಕ್ಯಾಮರಾ ವರ್ಕ್ ಚಿತ್ರಕ್ಕಿದ್ದು, ವಿಶಾಲ್ ಚಂದ್ರಶೇಖರ್ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಅಶ್ವಿನಿ ದತ್ ಹಾಗೂ ಪ್ರಿಯಾಂಕ ದತ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಆಗಸ್ಟ್ 05 ರಂದು ವರ್ಲ್ಡ್ ವೈಡ್ ತೆರೆಗೆ ಬರಲಿದೆ. ಅದೇನೆ ಇರಲಿ ಹಿಜಾಬ್ ಸಂಘರ್ಷದ ನಡುವೆ ರಶ್ಮಿಕಾ ಪಾತ್ರ ಯಾವ ಸಂದೇಶ ಕೊಡಲಿದೆ ಅನ್ನೋ ಕುತೂಹಲ ಎಲ್ಲರಿಗೂ ಇದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
