ಧುಮ್ಮಿಕ್ಕಿ ಬರೋ ಅಲೆಯನ್ನು ತಡೆಯೋಕೆ ಯಾರಿಂದಲು ಸಾದ್ಯವಿಲ್ಲ. ಕನ್ನಡ ಚಿತ್ರರಂಗದ ತಾಕತ್ತನ್ನು ವಿಶ್ವ ಮಟ್ಟದಲ್ಲಿ ತಲೆಎತ್ತಿ ನಿಲ್ಲಿಸಬೇಕು ಎಂದು ಕನಸು ಕಂಡಿದ್ದ ಗಂಡೆದೆ ಧೀರ ರಾಕಿಭಾಯ್. ಇದೀಗ ಸಂಭಾವನೆಯ ಲೆಕ್ಕಾಚಾರದಲ್ಲಿ ಶತಕ ದಾಟಿರುವ ಶೂರ ಈ ಸುಲ್ತಾನ. ಯೆಸ್.. ಎಂಟೆದೆಯ ಬಂಟ ರಾಕಿಭಾಯ್ ಮುಂದೆ ಒಟ್ಟು ನಾಲ್ಕು ಬಿಗ್ ಪ್ರಾಜೆಕ್ಟ್ಗಳಿವೆ. ಈ ಸಿನಿಮಾಗಳಿಗೆ ಜಗಮೆಚ್ಚಿದ ನಿರ್ದೇಶಕರು ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಶಾಕ್ ಆಗ್ಬೇಡಿ..! ನೀವೇ ಓದಿ.
- ಧರೆಯೇ ಉರಿದು ನಿಂತರು ನಿಲ್ಲದ ಯಶ್ ನಾಗಾಲೋಟ
ನರಾಚಿಯಲ್ಲಿ ಹೆದರಿ ನಿಂತ ಕಂಗಳ ನೀರ ಒರೆಸೋಕೆ ತೊಡೆ ತಟ್ಟಿ ಬಂದವನೇ ರಾಕಿಭಾಯ್. ಕೆಜಿಎಫ್ ಯಶಸ್ಸಿನ ನಂತ್ರ ರಾಕಿಂಗ್ ಸ್ಟಾರ್ ಬೇಡಿಕೆ ನೆಕ್ಸ್ಟ್ ಲೆವೆಲ್ ತಲುಪಿದೆ. ಸಣ್ಣ ಪುಟ್ಟ ಪ್ರಾಜೆಕ್ಟ್ಗಳಂತು ಯಶ್ ಕೈಲಿಲ್ಲ. ವಿಶ್ವಮಟ್ಟದಲ್ಲಿ ತನ್ನ ಬ್ರಾಂಡ್ ಇಮೇಜ್ನ್ನು ದೊಡ್ಡ ಮಟ್ಟದಲ್ಲಿ ಕ್ರಿಯೇಟ್ ಮಾಡಿರುವ ರಾಕಿಭಾಯ್ ಕಾಲ್ಶೀಟ್ ಸಿಗೋದು 100 % ಅನುಮಾನ. ಇತ್ತ ಕೆಜಿಎಫ್-3 ಸಿನಿಮಾ ಕೂಡ ಬರೋ ಮುನ್ಸೂಚನೆ ಚಿತ್ರರಸಿಕರ ಎದೆಯಲ್ಲಿ ಕುತೂಹಲದ ಜ್ವಾಲಾಮುಖಿ ಉಕ್ಕಿಸಿದೆ.
ರಾಕಿಂಗ್ ಸ್ಟಾರ್ ಯಶ್ ನೆಕ್ಸ್ಟ್ ಯಾವ ಸಿನಿಮಾದಲ್ಲಿ ನಟಿಸಲಿದ್ದಾರೆ ಅನ್ನೋ ಕ್ಯೂರಿಯಾಸಿಟಿ ಕೋಟ್ಯಂತರ ಅಭಿಮಾನಿಗಳಲ್ಲಿ ಇದೆ. ಇತ್ತ ನೂರರ ಗಡಿ ದಾಟಿರುವ ಯಶ್ ಸಂಭಾವನೆಗೆ ಸಣ್ಣ ಪುಟ್ಟ ನಿರ್ಮಾಪಕರು ಕೂಡ ಯಶ್ ಮನೆ ಬಾಗಿಲು ತಟ್ಟುವಂತಿಲ್ಲ. ಸಾವಿರ ಕೋಟಿಯ ಲೆಕ್ಕಾಚಾರದಲ್ಲಿರೋ ಯಶ್ ಬತ್ತಳಿಕೆಯಲ್ಲಿ ಸದ್ಯ ನಾಲ್ಕು ಪ್ರಖ್ಯಾತ ನಿರ್ದೇಶಕರ ಹೆಸರುಗಳು ಓಡಾಡ್ತಿವೆ. ಅಂದುಕೊಂಡಂತೆ ಈ ಸ್ಟಾರ್ ನಿರ್ದೇಶಕರ ಜೊತೆ ಯಶ್ ಸಿನಿಮಾ ಮಾಡಿದ್ರೆ, ಅಭಿಮಾನಿಗಳಿಗಂತೂ ಮನರಂಜನೆಯ ಮಾರಿಹಬ್ಬ.
- ರೋಬೋ ಪಳಗಿಸಿದ್ದ ಶಂಕರ್ ಕಣ್ಣಲ್ಲಿ ರಾಕಿಭಾಯ್..!
- ನೂರು ಕೋಟಿಗೂ ಸೈ.. ದಿಲ್ರಾಜು -ಯಶ್ ಕಾಂಬೋ
ಕನ್ನಡ ಸಿನಿಮಾಗಳಂದ್ರೆ ಅಸಡ್ಡೆಯಿಂದ ನೋಡ್ತಾ ಇದ್ದ ಸ್ಟಾರ್ ನಿರ್ದೇಶಕರು ಯಶ್ ಕಾಲ್ಶೀಟ್ಗೆ ವೇಯ್ಟ್ ಮಾಡ್ತಿದ್ದಾರೆ. ಭಯದ ಬೆವರ ಇಳಿಸಿ ಕನ್ನಡದ ಧ್ವಜವನ್ನು ಗಗನದೆತ್ತರಕ್ಕೆ ಹಾರಿಸಿದ ನಟ ರಾಖಿಭಾಯ್. ಇದೀಗ ತಮಿಳಿನ ಸ್ಟಾರ್ ಡೈರೆಕ್ಟರ್ ಶಂಕರ್ ಕೂಡ ಯಶ್ಗೆ ಆ್ಯಕ್ಷನ್ ಕಟ್ ಹೇಳಲಿದ್ದಾರಂತೆ. ಶಂಕರ್ ನಿರ್ದೇಶನದ ಐ, ರೋಬೋ, 2.0 ಸಿನಿಮಾಗಳ ದರ್ಬಾರ್ ಎಲ್ರಿಗೂ ಗೊತ್ತು. ಇನ್ನು ರಾಕಿಭಾಯ್ಗೆ ಶಂಕರ್ ಆ್ಯಕ್ಷನ್ ಕಟ್ಹೇಳಿದ್ರೆ ಹಾಲಿವುಡ್ ರೇಂಜ್ಗೆ ಹಾವಳಿ ಮಾಡೋದು ಖಂಡಿತ.
ಮಫ್ತಿ ಚಿತ್ರದ ಮೂಲಕ ಮೂಲಕ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾ ಕೊಟ್ಟ ನರ್ತನ್ ಯಶ್ಗಾಗಿಯೇ ವಿಭಿನ್ನ ಕಥೆ ರೆಡಿ ಮಾಡಿಕೊಂಡಿದ್ದಾರೆ. ಹಿಂದೆಂದೂ ಕೇಳಿರದ ಮಾಸ್ ಕಥೆಯೊಂದನ್ನು ಸಿದ್ದಪಡಿಸಿಕೊಂಡಿರೋ ನರ್ತನ್ ಯಶ್ ಕಾಲ್ಶೀಟ್ಗಾಗಿ ಕಾಯ್ತಿದ್ದಾರೆ. ಡೇಟ್ ಫಿಕ್ಸ್ ಆದ್ರೇ ಶೂಟಿಂಗ್ ಶುರುವಾಗೋದು ಪಕ್ಕಾ ಆಗಲಿದೆ.
ಇನ್ನೂ ಅಚ್ಚರಿಯ ವಿಷ್ಯ ಅಂದ್ರೆ, ತೆಲುಗಿನ ಅದ್ದೂರಿ ಸಿನಿಮಾಗಳನ್ನ ನಿರ್ಮಾಣ ಮಾಡಿದ ದಿಲ್ರಾಜು ಯಶ್ಗೆ ನೂರು ಕೋಟೊ ಸಂಭಾವನೆ ಕೊಟ್ಟು ಮುಂದಿನ ಸಿನಿಮಾಗೆ ಬುಕ್ ಮಾಡಿದ್ದಾರೆ ಎನ್ನಲಾಗ್ತಿದೆ. ಸಂಭಾವನೆಯೇ ನೂರು ಕೋಟಿ ಅಂದ್ರೆ ಪ್ಯಾನ್ ಇಂಡಿಯಾ ಸಿನಿಮಾದ ಮೇಕಿಂಗ್ ಯಾವ ರೀತಿ ಇರಲಿದೆ ಜಸ್ಟ್ ಇಮ್ಯಾಜಿನ್ ಮಾಡ್ಕೋಳಿ.
ರಾಕಿಭಾಯ್ ಬರೋವರೆಗು ಮಾತ್ರ ಬೇರೆಯವರ ಹವಾ ಇತ್ತು. ರಾಕಿ ಬಂದ್ಮೇಲೆ ಪೂರ ಇವದ್ದೇ ಹವಾ ಶುರುವಾಗಿದೆ. ಯೆಸ್.. ಕೆಜಿಎಫ್ ಚಾಪ್ಟರ್ 2 ಸಿನಿಮಾ 1500 ಕೋಟಿ ಕಲೆಕ್ಷನ್ ಮಾಡಿತು. ಇನ್ನು ನೀಲ್ ಮೇಕಿಂಗ್ ಸ್ಟೈಲ್ ಮೆಚ್ಚಿಕೊಂಡಿರೋ ಫ್ಯಾನ್ಸ್ ಕೆಜಿಎಫ್ 3 ಸಿನಿಮಾಗಾಗಿ ಕಾಯ್ತಾ ಇದ್ದಾರೆ. ಸಲಾರ್ ಪ್ರಾಜೆಕ್ಟ್ ಮುಗಿದ ಮೇಲೆ ನೀಲ್ ನೇರವಾಗಿ ಕೆಜಿಎಫ್ 3 ಸಿನಿಮಾ ಕೈಗೆತ್ತಿಕೊಳ್ಳಲಿದ್ದಾರೆ ಅನ್ನೋ ಟಾಕ್ ಶುರುವಾಗಿದೆ. ಎನಿವೇ ರಾಕಿಭಾಯ್ ಒಟ್ಟು ನಾಲ್ಕು ಭರ್ಜರಿ ಸಿನಿಮಾಗಳ ಸರದಾರನಾಗಿ ಮೆರೆಯಲಿದ್ದಾರೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ.
