ಕಾಡ ಹುಲಿಯ ಘರ್ಜನೆಗೆ ಸ್ಯಾಂಡಲ್ವುಡ್ ಬೆಸ್ತು ಬಿದ್ದಿದೆ. ಬೈರಾಗಿಯ ಅಸಲಿ ಅವತಾರ ನೋಡಿ ಚಿತ್ರರಸಿಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಸ್ವೀಟ್ 60 ಶಿವಣ್ಣನಿಗೆ ಖಂಡಿತ ವಯಸ್ಸಾಗಲ್ಲಾ ಬಿಡಿ ಸ್ವಾಮಿ ಅಂತಾ ಬಾಯಿ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ. ಯೆಸ್.. ಬೈರಾಗಿ ಸಿನಿಮಾದ ಮೇಕಿಂಗ್ ಆಫ್ ವೀಡಿಯೋ ರಿಲೀಸ್ ಆಗಿದ್ದು ಫ್ಯಾನ್ಸ್ ಶಿವಣ್ಣನ ಎನರ್ಜಿ ಕಣ್ಣಾರೆ ಕಂಡು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಶಿವಣ್ಣನ ರಿಯಲ್ ಎನರ್ಜಿಯ ಫಿಟ್ನೆಸ್ ಪ್ರೂಫ್ ಇಲ್ಲಿದೆ.
- ಶಿವಣ್ಣನ ಎನರ್ಜಿಗೆ ಶಿವಣ್ಣನೇ ಸಾಟಿ.. ಫಿಟ್ನೆಸ್ ಪ್ರೂಫ್
ದೊಡ್ಮನೆ ಫ್ಯಾಮಿಲಿಯ ಪ್ರತಿಯೊಬ್ಬ ಸ್ಟಾರ್ ಕೂಡ ಒಂದೊಂದು ಮುತ್ತು. ಫಿಟ್ನೆಸ್ ಕಾ ಬಾಪ್ ನಮ್ಮ ಅಪ್ಪು ಅವರನ್ನ ಮರೆಯೋಕೆ ಸಾಧ್ಯ ಇಲ್ಲ ಬಿಡಿ. ಇನ್ನೂ ಬಂಗಾರ ಸನ್ ಆಫ್ ಬಂಗಾರದ ಮನುಷ್ಯ ಡಾ. ಶಿವಣ್ಣ ಅವ್ರ ಫಟ್ನೆಸ್ ಬಗ್ಗೆ ಹೇಳ್ತಾ ಹೋದ್ರೇ ಪದಗಳೆ ಸಾಲದು. 123 ಸಿನಿಮಾಗಳ ಸರದಾರ ನಮ್ ಹ್ಯಾಟ್ರಿಕ್ ಹೀರೋ ಶಿವಣ್ಣ. ಇಂದಿಗೂ 16ರ ಹರೆಯದ ಹುಡುಗನ ಎನರ್ಜಿ. ಆ್ಯಕ್ಷನ್ ಸೀಕ್ವೆನ್ಸ್ಗಳಲ್ಲಿ ಶಿವಣ್ಣನ ಎನರ್ಜಿಗೆ ಸರಿಸಾಟಿಯಾಗೋ ಇನ್ನೊಬ್ಬ ನಟ ಇರೋಕೆ ಸಾಧ್ಯವೇ ಇಲ್ಲ. ಅದಕ್ಕೆ ಸಾಕ್ಷಿಯಂತಿದೆ ಬೈರಾಗಿ ಚಿತ್ರದ ಮೇಕಿಂಗ್ ಆಫ್ ವೀಡಿಯೋ.
ಶಿವಣ್ಣ ಅವರಿಗೆ ಡ್ಯಾನ್ಸಿಂಗ್ ಇರಲಿ ಆ್ಯಕ್ಟಿಂಗ್ ಇರಲಿ, ಡ್ಯೂಪ್ ಇಲ್ಲದ ಆ್ಯಕ್ಷನ್ ಸೀಕ್ವೆನ್ಸ್ ಇರಲಿ ಅದೇ ಹುಮ್ಮಸ್ಸು, ಅದೇ ತೇಜಸ್ಸು. ಶೂಟಿಂಗ್ ಸೆಟ್ನಲ್ಲಿ ಶಿವಣ್ಣ ಇದ್ರೆ ಸಹಜವಾಗಿ ಎಲ್ರಿಗೂ ಎನರ್ಜಿ ಪಾಸ್ ಅಗುತ್ತೆ. ಲವಲವಿಕೆಯ ಭಜರಂಗಿಯ ಲವಲವಿಕೆಯನ್ನ ಕಣ್ಣಾರೆ ಕಂಡವ್ರು ಹೇಳೋ ಮಾತು ಒಂದೇ. ಶಿವಣ್ಣ ನಿಮಗೆ ವಯಸ್ಸೇ ಆಗಲ್ವಾ ಅಂತಾ. ಈ ಮಾತನ್ನು ನಾವು ಒಪ್ಪಿಕೊಳ್ಳಲೇಬೇಕು. ಯಾಕಂದ್ರೆ ಶಿವಣ್ಣನ ಎನರ್ಜಿ ಈ ವೀಡಿಯೋದಲ್ಲಿ ಎದ್ದು ಕಾಣ್ತಿದೆ.
- ಮಳೆ ಇರಲಿ, ಚಳಿ ಇರಲಿ, ಶಿವಣ್ಣ ಫುಲ್ ಆಫ್ ಆ್ಯಕ್ಟಿವ್..!
- ಪ್ರತಿ ಫ್ರೇಮ್ನಲ್ಲೂ ಎಗರಿ ಬರೋ ಹುಲಿಯಾಗಿ ಡಾ.ಶಿವಣ್ಣ
ಶಿವಣ್ಣನ ಜೊತೆ ತೆರೆ ಹಂಚಿಕೊಂಡ ಪ್ರತಿಯೊಬ್ಬ ಸ್ಟಾರ್ ನಟ ಕೂಡ ಅವ್ರ ಎನರ್ಜಿ ಮ್ಯಾಚ್ ಮಾಡೋದೆ ಕಷ್ಟ ಅಂತಾ. ಇದೀಗ ಬೈರಾಗಿ ಸಿನಿಮಾದಲ್ಲಿ ಅದು ಮತ್ತೆ ಪ್ರೂವ್ ಆಗಿದೆ. ಬೈರಾಗಿ ಸಿನಿಮಾದ ಮೇಕಿಂಗ್ ಆಫ್ ವೀಡಿಯೋದಲ್ಲಿ ಶೂಟಿಂಗ್ನ ಕೆಲವು ತುಣುಕುಗಳನ್ನು ಹಂಚಿಕೊಂಡಿದೆ. ಪ್ರತಿ ಫ್ರೇಮಿನಲ್ಲೂ ಶಿವಣ್ಣ ಜಾಸ್ತಿ ಡ್ಯೂಪ್ ಮಾಡದೇ ಆ್ಯಕ್ಷನ್ ಸೀಕ್ವೆನ್ಸ್ಗಳಲ್ಲಿ ಸ್ಟಂಟ್ ಮಾಡಿದ್ದಾರೆ. ಈ ವೀಡಿಯೋ ಹೊರತುಪಡಿಸಿ ಹೆಚ್ಚು ಆ್ಯಕ್ಷನ್ ಸೀನ್ಸ್ಗಳು ಸಿನಿಮಾದಲ್ಲಿವೆ.
ಬೈಕ್ ಏರಿ ವೀಲಿಂಗ್ ಮಾಡೋದ್ರಲ್ಲೂ ಶಿವಣ್ಣ ಫಸ್ಟ್ ಕ್ಲಾಸ್. ಎತ್ತರದ ಕಂಬವನ್ನು ಚಿರತೆಯಂತೆ ವೇಗವಾಗಿ ಏರಿ ರೌಡಿಗಳ ಮೇಲೆ ಎಗರೋ ಕಾಡಹುಲಿಯಾಗಿ ಗಂಡುಗಲಿ ಶಿವಣ್ಣ ಮಿಂಚಿದ್ದಾರೆ. ರಿಧಮ್ ಆಫ್ ಶಿವಪ್ಪನ ಖದರ್ಗೆ ಎಲ್ಲರೂ ಇಂಪ್ರೆಸ್ ಅಗಿದ್ದಾರೆ. ಈ ವಯಸ್ಸಲ್ಲು ಭಜರಂಗಿಯ ಗತ್ತು, ಗಮ್ಮತ್ತು, ತಾಕತ್ತು ಎಲ್ಲರೂ ಮೆಚ್ಚಿ ಕೊಂಡಾಡುವಂತಿದೆ.
ವಿಜಯ್ ಮಿಲ್ಟನ್ ನಿರ್ದೇಶನದಲ್ಲಿ, ಕೃಷ್ಣ ಸಾರ್ಥಕ್ ನಿರ್ಮಾಣದಲ್ಲಿ ಬೈರಾಗಿ ಯಶಸ್ವಿ ಪ್ರದರ್ಶನ ಕಾಣ್ತಿದೆ. ಪಕ್ಕಾ ಫ್ಯಾಮಿಲಿ ಓರಿಯೆಂಟೆಡ್ ಸಿನಿಮಾ ಬೈರಾಗಿ ಅಂತಾ ಪ್ರೇಕ್ಷಕರು ಪಾಸಿಟಿವ್ ರೆಸ್ಪಾನ್ಸ್ ಕೊಟ್ಟಿದ್ದಾರೆ. ಟಗರು ಡಾಲಿ, ಶಿವಣ್ಣ, ದಿಯಾ ಪೃಥ್ವಿ ಕಾಂಬಿನೇಷನ್ಗೆ ಫ್ಯಾನ್ಸ್ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ. ಎಲ್ಲಾ ಥಿಯೇಟರ್ನಲ್ಲು ಫುಲ್ ಹೌಸ್ ಪ್ರದರ್ಶನ ಕಾಣ್ತಿದೆ. ಇದೀಗ ಬೈರಾಗಿ ಚಿತ್ರತಂಡ ಶೇರ್ ಮಾಡಿರೋ ಮೇಕಿಂಗ್ ಆಫ್ ವೀಡಿಯೋ ಮೂಲಕ ಶಿವಣ್ಣ ಅವ್ರ ಫಿಟ್ನೆಸ್ ಮತ್ತೆ ಮುನ್ನೆಲೆಗೆ ಬಂದಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
