ಕನ್ನಡಿಗರ ಸಿನಿಮಾ ಮೇಕಿಂಗ್ ಸ್ಟೈಲ್ಗೆ ಬಾಲಿವುಡ್, ಹಾಲಿವುಡ್ ಕೂಡ ಬೆರಗಾಗಿ ನೋಡ್ತಿದೆ. ಸೌತ್ ಸಿನಿಮಾಗಳ ಆರ್ಭಟಕ್ಕೆ ಮನಸೋತ ಬಾಲಿವುಡ್ ತಾಂತ್ರಿಕ ವರ್ಗ ಕನ್ನಡಿಗರಿಗೆ ಬಿಗ್ ಆಫರ್ ಕೊಟ್ಟಿದೆ. ಶಾಕ್ ಆದ್ರೂ ಇದು ಸತ್ಯ. ಲವ್ ಜಾನರ್ ಸಿನಿಮಾಗಳ ನಿಪುಣ ಹರಿ ಸಂತುಗೆ ಬಾಲಿವುಡ್ನಿಂದ ಬಿಗ್ ಆಫರ್ ಬಂದಿದೆ.
ಬಾಲಿವುಡ್ಗೆ ಕನ್ನಡ ಡೈರೆಕ್ಟರ್.. ಲಂಡನ್ನಲ್ಲಿ ಶೂಟಿಂಗ್
ಕನ್ನಡಿಗರ ಚಾಲಾಕಿತನ ಕಂಡು ಬಾಲಿವುಡ್ ಕೂಡ ಬೆರಗು
ಬಾಲಿವುಡ್ ಪ್ರಾಜೆಕ್ಟ್ಗೆ ‘ಪಪ್ಪಿ ಲವ್’ ಟೈಟಲ್ ಫೈನಲ್
ಸಂಚಲನ ಮೂಡಿಸಲಿದೆ ಕನ್ನಡಿಗ ಹರಿಸಂತು ಕಸರತ್ತು
ಸೌತ್ ಸಿನಿಮಾಗಳು ಅಂದ್ರೆ ಮೂಗು ಮುರಿತಿದ್ದ ಕಾಲ ಬದಲಾಗಿದೆ. ಸೌತ್ ಸಿನಿಮಾ ಮೇಕಿಂಗ್ ಸ್ಟೈಲ್ ಗಾಳಿ ಬಾಲಿವುಡ್ಗೂ ಬೀಸಿದೆ. ಇಲ್ಲಿನ ಸಿನಿಮಾಗಳ ಕಥಾವಸ್ತು, ಟೆಕ್ನಿಕಲ್ಲಿ ಬದಲಾಗಿರೋ ಪರಿ ನೋಡಿ ಬೆರಗುಗಣ್ಣಿನಿಂದ ಇಡೀ ಭಾರತೀಯ ಚಿತ್ರರಂಗವೇ ನೋಡ್ತಿದೆ. ಇದಕ್ಕೆ ಸಾಕ್ಷಿಯಾಗಿ ಕನ್ನಡದ ಫೇಮಸ್ ನಿರ್ದೇಶಕನಿಗೆ ಬಾಲಿವುಡ್ ರೆಡ್ ಕಾರ್ಪೆಟ್ ವೆಲ್ಕಮ್ ಮಾಡಿದೆ. ಬಾಲಿವುಡ್ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳೋಕೆ ಬಿಗ್ ಆಫರ್ ಕೊಟ್ಟಿದೆ.
ಅಲೆಮಾರಿ, ಕಾಲೇಜು ಕುಮಾರ, ಬೈ ಟು ಲವ್ ಅಂತಾ ಹಿಟ್ ಸಿನಿಮಾ ಕೊಟ್ಟಿದ್ದ ಮೋಸ್ಟ್ ಫೇಮಸ್ ಡೈರೆಕ್ಟರ್ ಹರಿಸಂತು ಅವರಿಗೆ ಈ ಬಿಗ್ ಆಫರ್ ಸಿಕ್ಕಿದೆ. ಕನ್ನಡದ ಹಿರಿಯ ನಿರ್ದೇಶಕರಿಗೆ ಹೀಗೊಂದು ಅವಕಾಶ ಸಿಕ್ಕಿತ್ತು. ಅನೇಕ ವರ್ಷಗಳ ನಂತ್ರ ಇಂತಹ ಅದೃಷ್ಠ ಹರಿಸಂತು ಅವರಿಗೆ ಒಲಿದು ಬಂದಿದೆ. ಹರಿಸಂತು ಅವರ ನಿರ್ದೇಶನದ ಅಲೆಮಾರಿಗೆ ಪ್ರಶಸ್ತಿಯು ಒಲಿದು ಬಂದಿತ್ತು. ಹರಿಸಂತು ಅವರ ಕ್ರಿಯೇಟಿವಿಟಿ ಮೆಚ್ಚಿ ಆಫರ್ ನೀಡಲಾಗಿದೆ.
ಹಾಂಟಿಂಗ್ ಲವ್ಸ್ಟೋರಿಗಳ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಸಿಕ್ಕಾಪಟ್ಟೆ ಹೆಸರು ಮಾಡಿರೋ ಖ್ಯಾತ ನಿರ್ದೇಶಕ ಹರಿಸಂತು. ಇದೀಗ ಹಿಂದಿಯ ಪಪ್ಪಿ ಲವ್ ಅನ್ನೋ ಲವ್ಸ್ಟೋರಿ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಬಾಲಿವುಡ್ನಲ್ಲೂ ಕೂಡ ಲವ್ಸಬ್ಜೆಕ್ಟ್ನ ಆಯ್ಕೆ ಮಾಡಿಕೊಂಡಿದ್ದಾರೆ. ವೆಬ್ ಸೀರೀಸ್ ಮೂಲಕ ಹೆಸರು ಮಾಡಿದ್ದ ತನುಜ್ ವಿರ್ವಾನಿ, ತ್ರಿಧಾ ಚೌದರಿ, ಸಪ್ನಪಬ್ಬಿ ಲೀಡ್ ರೋಲ್ನಲ್ಲಿ ಆ್ಯಕ್ಟ್ ಮಾಡ್ತಿದ್ದಾರೆ.
ಪಪ್ಪಿ ಲವ್ ಸಿನಿಮಾದ ಶೂಟಿಂಗ್ ಜುಲೈ ಆರಂಭದಲ್ಲಿ ಶುರುವಾಗಲಿದ್ದು ಕಂಪ್ಲೀಟ್ ಯುಕೆ, ಲಂಡನ್ನಲ್ಲಿ ಶೂಟಿಂಗ್ ನಡೆಯಲಿದೆ. ಕನ್ನಡದ ನಿರ್ದೇಶಕನೊಬ್ಬ ಹಿಂದಿ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳ್ತಾ ಇರೋ ಸುದ್ದಿ ಕೇಳಿ ಸ್ಯಾಂಡಲ್ವುಡ್ ಕೂಡ ಹರ್ಷ ವ್ಯಕ್ತ ಪಡಿಸಿದೆ. ಹರಿಸಂತು ಸಿನಿಮಾಗಳಿಗೆ ಸ್ಯಾಂಡಲ್ವುಡ್ ಅಚೆಗೂ ಬೇಡಿಕೆ ಎಷ್ಟಿದೆ ಎಂಬುದು ತಿಳಿಯಲಿದೆ.
ನಿಕೇತ್ ಪಾಂಡೆ ಸಂಭಾಷಣೆ ಚಿತ್ರಕ್ಕಿದ್ದು, ರಾಜಾರಾಂ ಕ್ಯಾಮೆರಾ ಕೈ ಚಳಕ ಮ್ಯಾಜಿಕ್ ಮಾಡಲಿದೆ. ಬ್ಲೂ ಬ್ಲಿಂಗ್ ಪ್ರೊಡಕ್ಷನ್ಸ್ ನ ವಿಪುಲ್ ಶರ್ಮಾ ಸಹಯೋಗದಲ್ಲಿ ಈ ಸಿನಿಮಾ ನಿರ್ಮಾಣವಾಗ್ತಿದೆ. ಬಾಹುಬಲಿ, ಆರ್ಆರ್ಆರ್, ಕೆಜಿಎಫ್ ಸಿನಿಮಾಗಳ ನಂತ್ರ ಸೌತ್ ಡೈರೆಕ್ಟರ್ಗಳಿಗೆ ಭಾರಿ ಡಿಮ್ಯಾಂಡ್ ಬಂದಿರೋದು ನಿಜ. ಸಿನಿಮಾ ಭಾಷೆ ಮೀರಿದ ಮಾಧ್ಯಮ ಅನ್ನೋದು ಇದ್ರಿಂದ ಮತ್ತೊಮ್ಮೆ ಪ್ರೂವ್ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
