ತಮಿಳು ನಟ ವಿಶಾಲ್ ಅವ್ರ ಬಹುನಿರೀಕ್ಷಿತ ಸಿನಿಮಾ ಎನಿಮಿಯನ್ನು ಕಣ್ತುಂಬಿಕೊಳ್ಳಲು ಸಿನಿಪ್ರಿಯರು ಕಾಯ್ತಾ ಇರೋವಾಗ, ಪ್ಯಾನ್ ಇಂಡಿಯಾ ಚಿತ್ರದ ಟೀಸರ್ ರಿಲೀಸ್ ಆಗಿ ಸರ್ಪ್ರೈಸ್ ಕೊಟ್ಟಿದೆ. ಪಕ್ಕಾ ಆ್ಯಕ್ಷನ್ ಥ್ರಿಲ್ಲರ್ ಎನಿಮಿ ಸಿನಿಮಾ ನೋಡೋ ತವಕದಲ್ಲಿದ್ದ ಫ್ಯಾನ್ಸ್ ಫುಲ್ ಥ್ರಿಲ್ ಆಗಿದ್ದಾರೆ. ರಾಕಿಭಾಯ್ ಗೆಳೆಯ ವಿಶಾಲ್ ಕೂಡ ಯಶ್ ಹಾದಿಯಲ್ಲೇ ಸಾಗ್ತಿದ್ದಾರೆ.
ಲಾಠಿ ಹಿಡಿದ ಯಶ್ ಗೆಳೆಯ.. ಪ್ಯಾನ್ ಇಂಡಿಯಾ ಸದ್ದು
ನಮ್ಮ ರಾಕಿಭಾಯ್ ಹಾದಿಯಲ್ಲಿ ನಟ ವಿಶಾಲ್ ದಿಟ್ಟ ಹೆಜ್ಜೆ
ಲಾಠಿ ಚಾರ್ಜ್ಗೆ ಮಾಸ್ಟರ್ಪೀಸ್ ಯಶ್ ಸ್ಪೂರ್ತಿ
ಐದು ಭಾಷೆಗಳಲ್ಲಿ ಆ್ಯಕ್ಷನ್ ಪ್ಯಾಕ್ಡ್ ಮಾಸ್ ಮಸಾಲ
ಕೆಜಿಎಫ್ ಸಿನಿಮಾದ ನಂತ್ರ ಸಾಲು ಸಾಲು ಸಿನಿಮಾಗಳು ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಅಬ್ಬರಿಸ್ತಾ ಇವೆ. ಪ್ರತಿ ಸಿನಿಮಾಗಳು ಕೂಡ ಕೆಜಿಎಫ್ ಕರಿನೆರಳಿನಲ್ಲಿ ಮಂಕಾಗದೇ ಮತ್ತೊಮ್ಮೆ ಪುಟಿದು ಬಿಗ್ ಬಜೆಟ್ ಸಿನಿಮಾಗಳ ಮೂಲಕ ಭಾರತೀಯ ಚಿತ್ರರಂಗವನ್ನು ನೆಕ್ಸ್ಟ್ ಲೆವೆಲ್ಗೆ ತೆಗೆದುಕೊಂಡು ಹೋಗ್ತಿವೆ. ಇದೀಗ ಈ ಸಾಲಿನಲ್ಲಿ ಕನ್ನಡ ನೆಲದ ಕುಡಿ, ಮನೆಮಗ, ರಾಕಿಭಾಯ್ ಗೆಳೆಯ, ತಮಿಳಿನ ಸೂಪರ್ ಸ್ಟಾರ್ ವಿಶಾಲ್ ಕೂಡ ಸೇರಿದ್ದಾರೆ.
ಕೋಲಾರದ ಜಿಕೆ ಗ್ರಾನೈಟ್ಸ್ ಉದ್ಯಮಿ, ಜಿಕೆ ರೆಡ್ಡಿ ಫ್ಯಾಮಿಲಿಯ ಸ್ಟಾರ್ ನಟ ವಿಶಾಲ್ ಬಗ್ಗೆ ಇಂಟ್ರಡಕ್ಷನ್ ಕೊಡಬೇಕಾಗಿಲ್ಲ. ಇವರ ಸೂಪರ್ ಹಿಟ್ ಸಿನಿಮಾಗಳೆ ಇವರ ಸ್ಟಾರ್ಡಮ್ಗೆ ಹಿಡಿದ ಕೈಗನ್ನಡಿ. ಕೇವಲ ತಮಿಳು ಮಾತ್ರವಲ್ಲದೆ ತೆಲುಗು ಭಾಷೆಯಲ್ಲೂ ಕೂಡ ಜನಪ್ರಿಯರಾಗಿರುವ ವಿಶಾಲ್ ಕೇವಲ ನಟನೆಯಲ್ಲಿ ಮಾತ್ರವಲ್ಲದೇ ಸಿನಿಮಾ ನಿರ್ಮಾಪಕರಾಗಿಯೂ ಕೂಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಇದೀಗ ಮೊಟ್ಟ ಮೊದಲ ಬಾರಿಗೆ ಪ್ಯಾನ್ ಇಂಡಿಯಾ ಸಿನಿಮಾಗೆ ಕೈ ಹಾಕಿದ್ದಾರೆ.
ಆಳೆತ್ತರದ ಮೋಸ್ಟ್ ಹ್ಯಾಂಡ್ಸಮ್ ನಟ ವಿಶಾಲ್ ರಾಕಿಭಾಯ್ ಯಶ್ಗೆ ಆತ್ಮೀಯ ಗೆಳೆಯ ಕೂಡ ಹೌದು. ಇವರಿಬ್ರ ಒಡನಾಟ, ಸ್ನೇಹದ ಬಗ್ಗೆ ಹೆಚ್ಚು ಹೇಳಬೇಕಾಗಿಲ್ಲ. ಇದೀಗ ಮೊದಲ ಬಾರಿಗೆ ವಿಶಾಲ್ ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ಆ್ಯಕ್ಟ್ ಮಾಡೋಕೆ ಯಶ್ ಅವರೆ ಕಾರಣ ಅನ್ನೋ ಟಾಕ್ ಓಡಾಡ್ತಿದೆ. ಯಶ್ ಮ್ಯಾನರಿಸಂ, ಅವರ ಸಾಧನೆಯನ್ನು ಬಹುವಾಗಿ ಮೆಚ್ಚಿಕೊಳ್ಳೋ ವಿಶಾಲ್ ರಾಕಿಭಾಯ್ ಅವರ ಸ್ಪೂರ್ತಿಯಿಂದಲೇ ಈ ಸಿನಿಮಾಗೆ ಒಪ್ಪಿಕೊಂಡಿದ್ದಾರೆ ಎನ್ನಲಾಗ್ತಿದೆ. ಜೊತೆಗೆ ಸಿನಿಮಾಗೆ ವಿಶಾಲ್ ಫೋಟೋ ಶೂಟ್ ಮಾಡಿಸಿದ್ದು ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಸದ್ಯ ಲಾಠಿ ಚಿತ್ರದ ಟೀಸರ್ ರಿಲೀಸ್ ಆಗಿದ್ದು ಸಖತ್ ಇಂಪ್ರೆಸ್ಸಿವ್ ಆಗಿದೆ. ಕನ್ನಡ ಸೇರಿದಂತೆ ಒಟ್ಟು ಐದು ಭಾಷೆಗಳಲ್ಲಿ ಈ ಸಿನಿಮಾ ತಯಾರಾಗ್ತಿದೆ. ರಾಣಾ ಪ್ರೊಡಕ್ಷನ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣ ಆಗ್ತಿದ್ದು, ಬಹುಕೋಟಿ ವೆಚ್ಚದಲ್ಲಿ ಅದ್ಧೂರಿಯಾಗಿ ಮೂಡಿಬರೋ ಪ್ಲಾನ್ ಮಾಡಿಕೊಂಡಿದೆ. ಎ ವಿನೋಥ್ಕುಮಾರ್ ನಿರ್ದೇಶನದಲ್ಲಿ ರಮಣ ಹಾಗೂ ನಂದಾ ಸಾರಥ್ಯದಲ್ಲಿ ತೆರೆಗೆ ಬರಲಿದೆ.
ಲಾಠಿ ಚಿತ್ರದ ಟೀಸರ್ನಲ್ಲಿ ಮನೆಯ ಮಹಡಿ ಮೇಲೆ ನೇತು ಹಾಕಿರುವ ಶರ್ಟ್ಗಳನ್ನು ತೋರಿಸಿದ್ದಾರೆ. ಶರ್ಟಿನ ಬಟನ್ಗಳ ಮೂಲಕ ಕಾಕಿಯ ಖದರ್ ಅಧ್ಬುತವಾಗಿ ತೋರಿಸಲಾಗಿದೆ. ಎಸ್ ,ಮುರುಳಿಕೃಷ್ಣ ಅನ್ನೋ ಖಡಕ್ ಪೊಲೀಸ್ ಅಧಿಕಾರಿಯಾಗಿ ನಟ ವಿಶಾಲ್ ಮಿಂಚಲಿದ್ದಾರೆ. ಅನ್ಯಾಯ, ಮೋಸದ ವಿರುದ್ಧ ಹೋರಾಡುತ್ತಾ ರೌಡಿಗಳ ಹುಟ್ಟಡಗಿಸೋ ಕಾಕಿಯ ಖದರ್ ನೋಡೋಕೆ ಇನ್ನು ಸ್ವಲ್ಪ ದಿನ ಕಾಯಲೇಬೇಕು.
ವಿಶಾಲ್ಗೆ ನಾಯಕಿಯಾಗಿ ಸುನೈನಾ ಕಾಣಿಸಿಕೊಳ್ಳಲಿದ್ದಾರೆ. ಹಿರಿಯ ನಟ ಪ್ರಭು ಕೂಡ ಸಿನಿಮಾದ ಲೀಡ್ ರೋಲ್ನಲ್ಲಿ ಅಭಿನಯಿಸಿದ್ದಾರೆ. ಈಗಾಗ್ಲೇ ಎರಡು ಶೆಡ್ಯೂಲ್ ಶೂಟಿಂಗ್ ಕಂಪ್ಲೀಟ್ ಮಾಡಿದ್ದು, ಕೊಯಮತ್ತೂರಿನಲ್ಲಿ ಉಳಿದ ಶೆಡ್ಯೂಲ್ ಕಂಪ್ಲೀಟ್ ಮಾಡಲಿದೆ. ಏನೇ ಅಗಲಿ ರಾಕಿಭಾಯ್ ಗೆಳೆಯ ಮೊದಲ ಬಾರಿಗೆ ಪೊಲೀಸ್ ಡ್ರೆಸ್ನಲ್ಲಿ ಸಿಂಗಂ ಅವತಾರ ತಾಳಿ ಬೀದಿಪುಂಡರ ಮೈ ಚಳಿ ಬಿಡಿಸಲಿದ್ದಾರೆ.
ರಾಕೇಶ್ ಅರುಂಡಿ , ಫಿಲ್ಮ್ ಬ್ಯೂರೋ ಪವರ್ ಟಿವಿ
