ಸುಪ್ರೀಂ ಹೀರೋ ತನಯ ಅಕ್ಷಿತ್ ಶಶಿಕುಮಾರ್ ಪಕ್ಕಾ ಕ್ಲಾಸ್, ಮಾಸ್ ರೋಲ್ನಲ್ಲಿ ಮಿಂಚೋಕೆ ಸಜ್ಜಾಗಿದ್ದಾರೆ. ಕೆಜಿಎಫ್ ಮಾಸ್ ಪ್ರೇಕ್ಷಕರನ್ನು ಸೆಳೆದರೆ, 777ಚಾರ್ಲಿ ಕ್ಲಾಸ್ ಪ್ರೇಕ್ಷಕರನ್ನ ಇಂಪ್ರೆಸ್ ಮಾಡಿತ್ತು. ಇದೀಗ ಕ್ಲಾಸ್ ಅಂಡ್ ಮಾಸ್ ವೆಂಚರ್ನಲ್ಲಿ ಅಬ್ಬರಿಸೊಕೆ ಓ ಮೈ ಲವ್ ಸಿನಿಮಾ ಬರ್ತಿದೆ. ಹಾಡೊಂದು ಹೊಸ ದಾಖಲೆ ಬರೆದಿದೆ.
ಮಿಲಿಯನ್ ಹಿಟ್ಸ್ ದಾಖಲಿಸಿದ ‘ಓ ಮೈ ಲವ್’ ಸಾಂಗ್
ಎಲ್ಲಾ ಪ್ಲಾಟ್ಫಾರ್ಮ್ಗಳಲ್ಲೂ ಡ್ಯಾಡಿ ಸಾಂಗ್ ವೈರಲ್
ಹಿರಿಯ ನಟ ಶಶಿಕುಮಾರ್ ಅವ್ರ ಪುತ್ರ ಅಕ್ಷಿತ್ ಶಶಿಕುಮಾರ್ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಓ ಮೈ ಲವ್. ಸ್ಯಾಂಡಲ್ವುಡ್ನ ಮೂಲೆ ಮೂಲೆಯಲ್ಲೂ ಓ ಮೈ ಲವ್ ಚಿತ್ರದ ಬಗ್ಗೆಯೇ ಟಾಕು. ಟೀಸರ್ ಹಾಗೂ ಸಾಂಗ್ಸ್ ನೋಡಿ ಕಾತರರಾಗಿರೋ ಸಿನಿಪ್ರಿಯರು, ರಿಲೀಸ್ ಡೇಟ್ನೇ ಎದುರು ನೋಡ್ತಿದ್ದಾರೆ. ಅಕ್ಷಿತ್ ಮ್ಯಾನರಿಸಂ, ರೊಮ್ಯಾಂಟಿಕ್ ಲುಕ್, ಆ್ಯಕ್ಷನ್ಗೆ ಫಿದಾ ಆಗಿದ್ದು, ಕನ್ನಡಕ್ಕೊಬ್ಬ ಭರವಸೆಯ ನಾಯಕನಟನ ಆಗಮನ ಆಗ್ತಿದೆ.
ಈಗಾಗ್ಲೇ ಪ್ರತಿ ಹಂತದಲ್ಲೂ ಸಿನಿಮಾ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ. ರಿಯಲ್ ಸ್ಟಾರ್ ಉಪೇಂದ್ರ, ಚಿತ್ರದ ಮೊದಲ ಹಾಡನ್ನ ಲಾಂಚ್ ಮಾಡಿ ಶುಭ ಹಾರೈಸಿದ್ರು. ಇದಾದ ನಂತ್ರ, ಟಾಲಿವುಡ್ ಚಿತ್ರಬ್ರಹ್ಮ ಕೆ. ರಾಘವೇಂದ್ರರಾವ್ ಟೀಸರ್ ವೀಕ್ಷಿಸಿ ಮೇಕಿಂಗ್ ಸ್ಟೈಲ್, ಹಾಗೂ ಸಿನಿಮಾ ಟೀಂ ಪರಿಶ್ರಮಕ್ಕೆ ಫುಲ್ ಫಿದಾ ಆಗಿದ್ರು. ಜೊತೆಗೆ ಬೆನ್ನು ತಟ್ಟಿ ಶುಭ ಹಾರೈಸಿದ್ದರು.
ಸದಾ ಕನ್ನಡದ ಸಿನಿಮಾಗಳ ಬಗ್ಗೆ ವಿಮರ್ಶೆ ಮಾಡುತ್ತಾ ಸುದ್ದಿಯಲ್ಲಿರೋ ಮಾಜಿ ಪೊಲೀಸ್ ಆಯುಕ್ತರಾದ ಭಾಸ್ಕರ್ ರಾವ್, ನಿನ್ನ ಡ್ಯಾಡಿ ನಂಗೆ ಹಾಡನ್ನ ರಿಲೀಸ್ ಮಾಡಿ ಚಿತ್ರದ ಕುರಿತು ಪ್ರಶಂಸೆಯ ಮಾತುಗಳನ್ನಾಡಿದ್ರು. ಹೀಗೆ, ರಿಲೀಸ್ಗೂ ಮುನ್ನವೇ ಬೇಜಾನ್ ಹೈಪ್ ಕ್ರಿಯೇಟ್ ಮಾಡಿರೋ ಓ ಮೈ ಲವ್ ಸಿನಿಮಾ, ಮತ್ತೊಮ್ಮೆ ಯೂಟ್ಯೂಬ್ನಲ್ಲಿ ಟಾಪ್ ಟ್ರೆಂಡಿಂಗ್ ಸೆಟ್ ಮಾಡಿದೆ. ನಿನ್ನ ಡ್ಯಾಡಿ ನಂಗೆ ಸಾಂಗ್ ಮಿಲಿಯನ್ ಹಿಟ್ಸ್ ದಾಖಲೆ ಬರೆಯುವ ಮೂಲಕ ಸಖತ್ ಸೌಂಡ್ ಮಾಡ್ತಿದೆ.
ಯ್ಯೂಟ್ಯೂಬ್, ಟಿಕ್ ಟಾಕ್, ಫೇಸ್ಬುಕ್, ಇನ್ಸ್ಟಾಗ್ರಾಂ, ಮೋಜೊ, ಹೀಗೆ ಎಲ್ಲಾ ಸೋಶಿಯಲ್ ಮೀಡಿಯಾದಲ್ಲೂ ಈ ಹಾಡು ಎಲ್ಲರ ಗುಂಗಿಡಿಸಿದೆ. ನಿನ್ನ ಡ್ಯಾಡಿ ನಂಗೆ ಸಾಂಗಿನ ಮತ್ತಿನಲ್ಲಿ ಎಲ್ಲರೂ ತಲೆದೂಗುತ್ತಿದ್ದಾರೆ. ಅಕ್ಷಿತ್ ಶಶಿಕುಮಾರ್, ಕೀರ್ತಿ ಆರ್ ಕಲ್ಕೇರಿ ಹಾಡಿನಲ್ಲಿ ಮಸ್ತ್ ಸ್ಟೆಪ್ಸ್ ಹಾಕಿದ್ದಾರೆ. ಡಾ ವಿ. ನಾಗೆಂದ್ರ ಪ್ರಸಾದ್ ಕ್ಯಾಚಿ ಸಾಹಿತ್ಯಕ್ಕೆ ಎಲ್ಲರೂ ಮರುಳಾಗಿದ್ದಾರೆ. ಜಿ ರಾಮಾಂಜಿನಿ ನಿರ್ಮಾಣದಲ್ಲಿ, ಸ್ಮೈಲ್ ಶ್ರೀನು ನಿರ್ದೇಶನಕ್ಕೆ ಪ್ರೇಕ್ಷಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಸಾಧು ಕೋಕಿಲ, ಪವಿತ್ರಾ ಲೋಕೇಶ್ ತಾರಾಗಣದಲ್ಲಿ ಸದ್ಯದಲ್ಲೇ ಓ ಮೈ ಲವ್ ಪ್ಯಾರ್ ಕಹಾನಿ ತೆರೆಕಂಡು ಕನ್ನಡ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆಯಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ