ಬೆಂಗಳೂರು ಅಂಡರ್ವರ್ಲ್ಡ್ ಡಾನ್ ಜಯರಾಜ್ನ ಎದೆಷ್ಟೋ ಮಂದಿ ನೋಡಿಲ್ಲ. ಆದ್ರೆ ಅವ್ರ ಬಗ್ಗೆ ಕಥೆಗಳ ರೂಪದಲ್ಲಿ ಕೇಳಿರ್ತೀರಾ ಅಥ್ವಾ ಅವ್ರ ಕ್ರೈಂ ದುನಿಯಾ ಬಗ್ಗೆ ಓದಿರ್ತೀರಾ. ಇದೀಗ ಅದೇ ಜಯರಾಜ್ ರಿಲೀಸ್ ಆಗ್ತಿದ್ದಾರೆ. ಅರೇ.. ಅವ್ರು ಸತ್ತು ತುಂಬಾ ದಿನಗಳಾಯ್ತಲ್ಲಾ ಅಂತ ಹುಬ್ಬೆರಿಸೋಕೂ ಮುನ್ನ ಈ ಇಂಟರೆಸ್ಟಿಂಗ್ ಸ್ಟೋರಿ ಒಮ್ಮೆ ನೋಡಿ.
ಡಾನ್ ಜಯರಾಜ್ ರಿಲೀಸ್ಗೆ ಮುಹೂರ್ತ ಫಿಕ್ಸ್..!
ದೀಪಾವಳಿಗೆ ಹೈ ಅಲರ್ಟ್.. ಜಯರಾಜ್ ಕಮಿಂಗ್
ಎರಡು ಭಾಗಗಳಲ್ಲಿ ಹೆಡ್ಬುಷ್ ಆನ್ಸ್ಕ್ರೀನ್ ಅಬ್ಬರ
ಅಕ್ಟೋಬರ್ 21ಕ್ಕೆ ಟಗರು ಡಾಲಿ- ಚಿಟ್ಟೆ ಮೆಗಾ ಮಿಂಚು
ಸ್ಯಾಂಡಲ್ವುಡ್ನ ಮೋಸ್ಟ್ ವರ್ಸಟೈಲ್ ಹಾಗೂ ಡಿಮ್ಯಾಂಡಿಂಗ್ ನಟ ಅಂದ್ರೆ ಡಾಲಿ ಧನಂಜಯ. ಸದಾ ಭಿನ್ನ ವಿಭಿನ್ನ ಪಾತ್ರಗಳ ಮೂಲಕ ಪ್ರೇಕ್ಷಕರನ್ನ ಎಂಟರ್ಟೈನ್ ಮಾಡೋ ಇವ್ರು, ಸದ್ಯ ಡಾನ್ ಜಯರಾಜ್ನ ಕರೆತರುತ್ತಿದ್ದಾರೆ. ಅರೇ ಅವ್ರು ಸತ್ತು ಬಹಳ ವರ್ಷಗಳೇ ಆಯ್ತಲ್ಲಾ ಈಗ ಹೇಗೆ ಸಾಧ್ಯ ಅಂತ ಜಾಸ್ತಿ ತಲೆ ಕೆಡಿಸಿಕೋಬೇಡಿ. ಕಾರಣ ಡಾನ್ ಜಯರಾಜ್ ಅವತಾರದಲ್ಲಿ ತಾವೇ ಬಿಗ್ ಸ್ಕ್ರೀನ್ಗೆ ಎಂಟ್ರಿ ಕೊಡಲಿದ್ದಾರೆ ಡಾಲಿ.
ನೈಜ ಘಟನೆಗಳನ್ನ ಆಧರಿಸಿ, ಅಗ್ನಿ ಶ್ರೀಧರ್ ಕಥೆ ಬರೆದು ಶೂನ್ಯ ಡೈರೆಕ್ಟ್ ಮಾಡಿರೋ ಹೆಡ್ ಬುಷ್ ಸಿನಿಮಾ, ಬೆಂಗಳೂರಿನ ಮೊದಲ ಅಂಡರ್ವರ್ಲ್ಡ್ ಡಾನ್ ಎಂ.ಪಿ. ಜಯರಾಜ್ ಕುರಿತ ಕಥಾನಕ ಹೊಂದಿದೆ. ಡಾನ್ ಪಾತ್ರದಲ್ಲಿ ಧನಂಜಯ ಮಿಂಚಲಿದ್ದು, ಈಗಾಗ್ಲೇ ರಿಲೀಸ್ ಆಗಿರೋ ಟೀಸರ್ ಹಾಗೂ ಪೋಸ್ಟರ್ಗಳು ಸಂಚಲನ ಮೂಡಿಸಿವೆ. ಡಾಲಿ ಆ ಪಾತ್ರಕ್ಕಾಗಿ ಪರಕಾಯ ಪ್ರವೇಶ ಮಾಡಿದ್ದು, ಹೇರ್ ಸ್ಟೈಲ್ ಕೂಡ ಬದಲಾಯಿಸದೆ ಬೆಂಕಿ ಚೆಂಡಿನಂತೆ ಕಾಣಸಿಗಲಿದ್ದಾರೆ.
ಬಡವ ರಾಸ್ಕಲ್ ಬಳಿಕ ಡಾಲಿ ಸ್ವತಃ ತಾವೇ ಈ ಸಿನಿಮಾನ ನಿರ್ಮಾಣಕ್ಕೆ ಮುಂದಾಗಿದ್ದು, ತ್ರಿವಿಕ್ರಮ ಖ್ಯಾತಿಯ ನಿರ್ಮಾಪಕ ರಾಮ್ಕೋ ಸೋಮಣ್ಣ ಕೂಡ ಸಾಥ್ ನೀಡಿದ್ದಾರೆ. ಲೂಸ್ ಮಾದ ಯೋಗಿ, ವಸಿಷ್ಠ ಸಿಂಹ, ಪಾಯಲ್ ರಜಪೂತ್ ಸೇರಿದಂತೆ ದೊಡ್ಡ ತಾರಾಗಣವಿರೋ ಈ ಚಿತ್ರ ರಕ್ತಸಿಕ್ತ ಭಯಾನಕ ಕಥೆಯನ್ನ ಬಿಚ್ಚಿಡಲಿದೆ.
ಯೆಸ್.. ಹೆಡ್ ಬುಷ್ ಸಿನಿಮಾ ಎರಡು ಭಾಗಗಳಲ್ಲಿ ತೆರೆಗೆಪ್ಪಳಿಸಲಿದ್ದು, ಸದ್ಯ ಮೊದಲ ಭಾಗ ಅಕ್ಟೋಬರ್ 21ಕ್ಕೆ ರಿಲೀಸ್ ಆಗಲಿದೆ. ಈ ಭಾಗದಲ್ಲಿ ಡಾನ್ ಎಂ.ಪಿ ಜಯರಾಜ್ ಬಾಲ್ಯ ಹಾಗೂ ಯೌವ್ವನದ ಜೀವನ ಇರಲಿದೆಯಂತೆ. ಅಲ್ಲದೆ, ಆತ ಯಾವ ಕಾರಣಕ್ಕಾಗಿ ಭೂಗತಲೋಕಕ್ಕೆ ಕಾಲಿಡ್ತಾರೆ ಅನ್ನೋದಕ್ಕೂ ಉತ್ತರ ಸಿಗಲಿದೆಯಂತೆ.
ಕೊತ್ವಾಲ್ ರಾಮಚಂದ್ರ ರೋಲ್ನಲ್ಲಿ ವಸಿಷ್ಠ ಸಿಂಹ ಬಣ್ಣ ಹಚ್ಚಿದ್ದು, ಟಗರು ಚಿತ್ರದ ಡಾಲಿ- ಚಿಟ್ಟೆ ಕಾಂಬೋ ಇಲ್ಲಿಯೂ ಮುಂದುವರೆಯಲಿದೆ. ಇವರಿಬ್ಬರ ಜುಗಲ್ಬಂದಿ ಌಕ್ಷನ್ ಹಾಗೂ ಮಾಸ್ ಪ್ರಿಯರಿಗೆ ಮಸ್ತ್ ಮಜಾ ಕೊಡಲಿದೆ. ಒಟ್ಟಾರೆ ಡಾಲಿಯ ಮತ್ತೊಂದು ಡ್ರೀಮ್ ಪ್ರಾಜೆಕ್ಟ್ ಇದಾಗಿದ್ದು, ಈ ಬಾರಿಯ ದೀಪಾವಳಿಗೆ ಹೈ ಅಲರ್ಟ್ ಘೋಷಿಸೋ ಮೂಲಕ ಡಾನ್ ಜಯರಾಜ್ ಅಪರಾವತಾರದಲ್ಲಿ ಬರ್ತಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ