ಸಿಟ್ಟು, ದ್ವೇಷ, ಕೋಪ, ಅಸೂಯೆ ಹೀಗೆ ಮನುಷ್ಯರ ನಡುವಿನ ಸಂಬಂಧಗಳು ಹಳಸಿ ಹಾಳಾಗಿವೆ. ನಿಯತ್ತು , ಪ್ರೀತಿಗೆ ಹೆಸರಾದ ಶ್ವಾನವನ್ನು ಇಟ್ಟುಕೊಂಡು ಥಿಯೇಟರ್ ಒಳಗಿದ್ದ ಪ್ರೇಕ್ಷಕರಿಗೆ ಕಣ್ಣೀರಾಕಿಸಿದ್ದು 777ಚಾರ್ಲಿ. ಇಲ್ಲಿ ಚಾರ್ಲಿಯೇ ಹೀರೋ. ಚಾರ್ಲಿ ಮೌನವಾಗಿ ಚಿತ್ರದ ತುಂಬಾ ಮಾತನಾಡಿದ್ದಾಳೆ. ವೀಕೆಂಡ್ಗೆ ಚಾರ್ಲಿ ಬೆಸ್ಟ್ ಚಾಯ್ಸ್ ಹೌದಾ..? ಅಲ್ವಾ..? ನಾವ್ ಹೇಳ್ತೀವಿ ಈ ಸ್ಟೋರಿ ನೋಡಿ.
ರಕ್ಷಿತ್ ಗತ್ತು.. ನಾಯಿಯ ನಿಯತ್ತು.. ಪ್ರೇಕ್ಷಕರಿಂದ ಮುತ್ತು
ಭಾವತೀರದಲ್ಲಿ ‘777ಚಾರ್ಲಿ’ ಜೊತೆ ಪ್ರೀತಿಯ ಪಯಣ
ಗಂಟೆಗೆ 180ಕಿಮೀ ಸ್ಪೀಡ್ ಅಲ್ಲಿ ಓಡ್ತಾ ಇರೋ ಫಾಸ್ಟ್ ಲೈಫಲ್ಲಿ ಪ್ರೀತಿ, ವಿಶ್ವಾಸಕ್ಕೆ ಹೆಚ್ಚಾಗಿ ಜಾಗ ಇಲ್ಲ ಅಂತ ನಮಗೆಲ್ಲಾ ಗೊತ್ತು. ಒಬ್ಬರನ್ನ ಕಂಡ್ರೆ ಒಬ್ಬರಿಗೆ ಆಗಲ್ಲ. ಪ್ರಾಮಾಣಿಕ ಪ್ರೀತಿಯಂತೂ ಗಗನಕುಸುಮವಾಗಿದೆ. ಹಾಗಾಗಿ, ನಾವೆಲ್ಲಾ ಪ್ರಾಣಿಗಳನ್ನೇ ಹೆಚ್ಚಾಗಿ ನಂಬುತ್ತೇವೆ. ಪೆಟ್ ಅನಿಮಲ್ಗಳಲ್ಲಿ ಅನಾದಿಕಾಲದಿಂದಲೂ ಶ್ವಾನಗಳೊಂದಿಗೆ ಮನುಷ್ಯನ ಒಡನಾಟ ಹೆಚ್ಚು. ನಿಯತ್ತಿಗೆ, ನಿಷ್ಠೆಗೆ ನಾಯಿಗಳು ಏವನ್. ಹೊಸ ಕಥೆಯ ಎಳೆಯೊಂದಿಗೆ, 777ಚಾರ್ಲಿ ಪ್ರೇಕ್ಷಕನಿಗೆ ಹೊಸ ಫೀಲ್ ಕೊಟ್ಟಿದೆ.
ಶೆಟ್ರ ಸಿನಿಮಾಗಳಂದ್ರೆ ಪ್ರೇಕ್ಷಕರಿಗೆ ಎಲ್ಲಿಲ್ಲದ ಹುಚ್ಚು. ಗಟ್ಟಿ ಕಥೆಯೊಂದಿಗೆ ಪಕ್ಕಾ ಪೈಸಾ ವಸೂಲ್ ಸಿನಿಮಾ ಅನ್ನೋ ಬಲವಾದ ನಂಬಿಕೆ. ಹಾಗಾಗಿಯೇ ಯಾವುದೇ ಕನ್ಫ್ಯೂಶನ್ ಇಲ್ಲದೆ ಥಿಯೇಟರ್ ಒಳಗೆ ಕೂರಬಹುದು. 777ಚಾರ್ಲಿ ಕೂಡ ರಿಲೀಸ್ಗೂ ಮುನ್ನ ಭರವಸೆಗಳ ಬೆಟ್ಟವನ್ನೇ ಹೊರಿಸಿತ್ತು. ಚಾರ್ಲಿ ಅನ್ನೋ ನಾಯಿ ಈ ಚಿತ್ರದಲ್ಲಿ ಹೇಗೆಲ್ಲಾ ಆ್ಯಕ್ಟ್ ಮಾಡಿರಬಹುದು ಅನ್ನೋ ಕೂತೂಹಲವಿತ್ತು. ಹಾಗಾದ್ರೆ , 777ಚಾರ್ಲಿ ಪಾಸಾ, ಫೇಲಾ..? ಚಿತ್ರದ ಪ್ಲಸ್, ಮೈನಸ್ಗಳ ಬಗ್ಗೆ ಕಂಪ್ಲೀಟ್ ಆಗಿ ಹೇಳ್ತೀವಿ ಈ ಸ್ಟೋರಿ ನೋಡಿ.
ಚಿತ್ರ: 777 ಚಾರ್ಲಿ
ನಿರ್ದೇಶನ: ಕಿರಣ್ರಾಜ್ ಕೆ
ನಿರ್ಮಾಣ: ರಕ್ಷಿತ್ ಶೆಟ್ಟಿ, ಜಿ.ಎಸ್. ಗುಪ್ತಾ
ಸಂಗೀತ: ನೊಬಿನ್ ಪೌಲ್
ಸಿನಿಮಾಟೋಗ್ರಫಿ: ಅರವಿಂದ್ ಎಸ್ ಕಶ್ಯಪ್
ತಾರಾಗಣ: ರಕ್ಷಿತ್ ಶೆಟ್ಟಿ, ರಾಜ್ ಬಿ ಶೆಟ್ಟಿ, ಸಂಗೀತಾ ಶೃಂಗೇರಿ, ಬಾಬಿ ಸಿಂಹ, ಡ್ಯಾನಿಶ್ ಶೇಠ್, ಚಾರ್ಲಿ ಶ್ವಾನ ಮುಂತಾದವರು.
777 ಚಾರ್ಲಿಯ ಸ್ಟೋರಿಲೈನ್
ಚಿತ್ರದ ಹೀರೋ ಧರ್ಮ ಅಲಿಯಾಸ್ ರಕ್ಷಿತ್ ಒಂಟಿ ಪಿಶಾಚಿ. ಏಕಾಂತವೇ ಉಸಿರು, ಎರಡು ಇಡ್ಲಿ, ಸಿಗರೇಟ್, ಫ್ಯಾಕ್ಟರಿ, ಮನೆ, ಬಿಯರ್ ಇಷ್ಟು ಬಿಟ್ಟರೆ ಬೇರೆ ಜಗತ್ತೇ ಗೊತ್ತಿಲ್ಲ. ಈ ಏಕಾಂಗಿ ಲೈಫ್ಗೆ ಕಾರಣ ಕೂಡ ಇದೆ. ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿ ಮಾಡ್ತಿದ್ದ ತಂದೆ, ತಾಯಿ, ಮುದ್ದಿನ ತಂಗಿ ಚಿಕ್ಕ ವಯಸ್ಸಲ್ಲೇ ಕಾರ್ ಆಕ್ಸಿಡೆಂಟ್ನಲ್ಲಿ ಸಾವನ್ನಪ್ಪುತ್ತಾರೆ. ಸದಾ, ಇನ್ಸೆಕ್ಯೂರಿಟಿ ಫೀಲ್ನಲ್ಲಿ ಯಾರ ಪ್ರೀತಿಯ ಆಸರೆಯಿಲ್ಲದೆ ದಿನಗಳನ್ನು ದೂಡೋದು ಧರ್ಮನ ಕರ್ಮ.
ಕುಂಟುತ್ತಾ ಸಾಗೋ ಧರ್ಮನ ಜೀವನದಲ್ಲಿ ಅಚಾನಕ್ಕಾಗಿ ಚಾರ್ಲಿ ಅನ್ನೋ ಶ್ವಾನ ಪ್ರವೇಶ ಮಾಡ್ತಾಳೆ. ಅವಳ ಕಿರಿಕಿರಿಗೆ ಇಡೀ ಕಾಲೋನಿಯೇ ಸುಸ್ತಾಗಿ ಹೋಗುತ್ತೆ. ಬೀದೀಲಿ ಸಿಕ್ಕ ಚಾರ್ಲಿಯನ್ನ ಯಾರಿಗಾದರೂ ಮಾರಿಬಿಡೋ ಪ್ಲ್ಯಾನ್ ಧರ್ಮನದ್ದು. ಆದ್ರೆ, ಆಸ್ಪತ್ರೆಯಲ್ಲಿದ್ದ ಧರ್ಮನ ನೋಡೋಕೆ ಆ್ಯಂಬುಲೆನ್ಸ್ ಹಿಂದೆ ಓಡಿ ಬರೋ ಚಾರ್ಲಿಯ ಪ್ರೀತಿ ನಿಷ್ಕಲ್ಮಶ ಅನ್ನೋದು ಧರ್ಮನಿಗೆ ತಿಳಿಯುತ್ತೆ. ಅಲ್ಲಿಂದ ಚಾರ್ಲಿ, ಧರ್ಮನ ಫ್ರೆಂಡ್ಶಿಪ್ ಬಾಂಡಿಂಗ್ ಸ್ಟ್ರಾಂಗ್ ಆಗುತ್ತೆ. ಚಾರ್ಲಿಗೆ ಹಿಮದ ಮೇಲೆ ಆಟ ಆಡ್ಬೇಕು ಅನ್ನೋ ಆಸೆ. ಈ ಕನಸನ್ನು ಈಡೇರಿಸೋಕೆ ಕಾಶ್ಮೀರಕ್ಕೆ ಟ್ರಾವೆಲ್ ಮಾಡೋ ಧರ್ಮನ ಬಾಳಲ್ಲಿ ಏನೆಲ್ಲಾ ಫಜೀತಿಯಾಗುತ್ತೆ ಅನ್ನೋದೇ ಅಸಲಿ ಕಥೆ.
777 ಚಾರ್ಲಿಯ ಆರ್ಟಿಸ್ಟ್ ಪರ್ಫಾಮೆನ್ಸ್ :
ಚಿತ್ರದಲ್ಲಿ ಚಾರ್ಲಿಯೇ ನಾಯಕಿ ಅಂದ್ರೆ ತಪ್ಪಾಗಲಾರದು. ಪ್ರತಿ ಫ್ರೇಮ್ನಲ್ಲೂ ಅವಳ ಅಭಿನಯಕ್ಕೆ ಶಿಳ್ಳೆ ಚಪ್ಪಾಳೆಗಳ ಸುರಿಮಳೆಯಾಗುತ್ತೆ. ನಾಯಕನಾಗಿ ರಕ್ಷಿತ್ ಅನೇಕ ಕಡೆ ಚಾರ್ಲಿಯ ಮುಂದೂ ಸೋಲುತ್ತಾರೆ . ಆ ಮಟ್ಟಿಗೆ ನೋಡುಗರ ಮನ ಕಲಕುವ ಚಾರ್ಲಿ, ದಿ ಬೆಸ್ಟ್ ಆ್ಯಕ್ಟರ್ ಆಗಿ ಕಮಾಲ್ ಮಾಡಿದ್ದಾಳೆ. ಚಾರ್ಲಿಯ ತರಲೆ, ತಮಾಷೆ, ಚೇಷ್ಠೆ ನೋಡುಗರ ಹೊಟ್ಟೆಯೊಳಗೆ ನಗುವಿನ ಚಿಟ್ಟೆ ಹೊರಹೊಮ್ಮಿಸಿದ್ದಾಳೆ.
ರಕ್ಷಿತ್ ಮುಖದ ಭಾವ ನಿಮ್ಮನ್ನು ಕಂಬನಿಯ ಭಾವತೀರಕ್ಕೆ ಕರೆದೊಯ್ಯೋದು ಪಕ್ಕಾ. ಇಲ್ಲಿಯವರೆಗಿನ ಸಿನಿಮಾಗಳಿಗಿಂತ ಇಲ್ಲಿ ಪಕ್ವವಾಗಿ ನಟಿಸಿದ್ದಾರೆ ರಕ್ಷಿತ್. ಚಾರ್ಲಿ ಮೇಲಿನ ಪ್ರೇಮದ ಪರಾಕಾಷ್ಠೆಯನ್ನು ಎಕ್ಸ್ಪ್ರೆಸ್ ಮಾಡಿರೋ ರಕ್ಷಿತ್, ಎಲ್ಲರ ಕಣ್ಣನ್ನ ಒದ್ದೆಯಾಗಿಸ್ತಾರೆ. ಡಾಕ್ಟರ್ ರೋಲ್ನಲ್ಲಿ ರಾಜ್ ಬಿ ಶೆಟ್ಟಿಯದ್ದು 100% ಕಾಮಿಡಿ. ನಾಯಕಿಯಾಗಿ ಸಂಗೀತ ಶೃಂಗೇರಿ ಬೆಸ್ಟ್ ಫರ್ಮಾಮೆನ್ಸ್. ಡ್ಯಾನಿಶ್ ಶೇಟ್ ಎಂಟ್ರಿ ಡ್ಯಾಶಿಂಗ್ ಆಗಿಲ್ಲದಿದ್ದರೂ, ಕಥೆಗೆ ಅವರ ರೋಲ್ ಹೈಲೆಟ್.
777 ಚಾರ್ಲಿಯ ಪ್ಲಸ್ ಪಾಯಿಂಟ್ಸ್ :
1. ಚಾರ್ಲಿಯ ಅನ್ಬೀಟಬಲ್ ಆ್ಯಕ್ಟಿಂಗ್
2. ಧರ್ಮ- ಚಾರ್ಲಿಯ ಫ್ರೆಂಡ್ಶಿಪ್
3. ರಾಜ್ ಬಿ ಶೆಟ್ಟಿ ಕಾಮಿಡಿ ಕಚಗುಳಿ
4. ಚಾರ್ಲಿಯ ಕನಸಿಗೆ ರೆಕ್ಕೆಯಾಗೋ ಧರ್ಮ
5. ನಿರೀಕ್ಷೆ ಮಾಡದ ಕ್ಲೈಮ್ಯಾಕ್ಸ್
6. ಹೃದಯ ಕಲಕುವ ಸನ್ನಿವೇಶಗಳು
7. ಗುಂಗಿಡಿಸೋ ನೊಬಿನ್ ಪೌಲ್ ಸಂಗೀತ
777 ಚಾರ್ಲಿ ಮೈನಸ್ ಪಾಯಿಂಟ್ಸ್ :
ಮಾತು ಬಾರದ ಮೂಕಪ್ರಾಣಿ ಚಾರ್ಲಿಯನ್ನು ಕೇಂದ್ರಬಿಂದುವಾಗಿಟ್ಟುಕೊಂಡು, ಯಾರೂ ನಿರೀಕ್ಷೆ ಮಾಡದ ಬೆಸ್ಟ್ ಫರ್ಮಾಮೆನ್ಸ್ ನಟನೆಯನ್ನು ತೆಗೆದಿರುವಾಗ, ಸಿನಿಮಾದಲ್ಲಿ ನೆಗಟಿವ್ ಅಂಶಗಳನ್ನು ಹುಡುಕೋಕೆ ಸ್ವಲ್ಪ ಕಷ್ಠವಾದರೂ ಅಲ್ಲಲ್ಲಿ ಸಣ್ಣ ಪುಟ್ಟ ತಪ್ಪುಗಳು ಕಾಣಬಹುದು. ಸಿನಿಮಾದ ಮೊದಲಾರ್ಧ ಸ್ವಲ್ಪ ನಿಧಾನ ಎನಿಸುತ್ತದೆ. ಮಸಾಲೆ ಕೊಂಚ ಜಾಸ್ತಿ ಆಗಿದ್ದಿದ್ರೆ, ಕಿಕ್ ಕೂಡ ಜಾಸ್ತಿ ಸಿಗ್ತಿತ್ತು. ಎನಿವೇ ಸೆಕೆಂಡ್ ಹಾಫ್ ಸಖತ್ ಅಗಿ ವರ್ಕೌಟ್ ಆಗಿದೆ. ಚಿತ್ರಪ್ರೇಮಿಗಳಿಗೆ ಎಮೋಷನಲ್ ಟ್ರಾವೆಲ್ ಫೀಲ್ ಕೊಡುತ್ತದೆ.
777 ಚಾರ್ಲಿಗೆ ಪವರ್ ಟಿವಿ ರೇಟಿಂಗ್: 4/5
777 ಚಾರ್ಲಿಯ ಫೈನಲ್ ಸ್ಟೇಟ್ಮೆಂಟ್ :
ನಾಯಕ ರಕ್ಷಿತ್ ಹಾಗೂ ಚಾರ್ಲಿ ಹಠಕ್ಕೆ ಬಿದ್ದವರಂತೆ ಪಾತ್ರದೊಳಗೆ ಇಳಿದಿದ್ದಾರೆ. ಪ್ರತಿ ಸನ್ನಿವೇಶದಲ್ಲೂ ಚಾರ್ಲಿ, ರಕ್ಷಿತ್ ಜೊತೆ ಹೊಂದಿಕೊಂಡು ನಟಿಸಿದ್ದಾಳೆ. ಕಾಶ್ಮೀರ ಕಣಿವೆಯ ಕೊರೆಯುವ ಚಳಿಯಲ್ಲಿನ ಇವರಿಬ್ರ ನಟನೆಗೆ ಸಿನಿಮಾ ಹಾಲ್ನಲ್ಲಿದ್ದವರೆಲ್ಲಾ ಎದ್ದು ನಿಂತು ಗೌರವ ಸಲ್ಲಿಸಬೇಕು. ಚಾಲೆಂಜಿಂಗ್ ಪಾತ್ರದಲ್ಲಿ ರಕ್ಷಿತ್ ಅಭಿನಯಕ್ಕೆ, ಚಾರ್ಲಿಯ ಟ್ರೈನಿಂಗ್ ಮಾಡಿರೋ ಟೀಚರ್ಗೆ ಹ್ಯಾಟ್ಸ್ ಆಫ್ ಹೇಳಲೇಬೇಕು. ದೊಡ್ಡಮ್ಮನ ಆರ್ಭಟದ ಸದ್ದಿನಿಂದ ಹೊರಬಂದು ಕಾಶ್ಮೀರದ ಸುಂದರ ಲೋಕೇಷನ್ಗಳಲ್ಲಿ ವಿಹರಿಸಬೇಕಾದ್ರೆ 777ಚಾರ್ಲಿ ಸಿನಿಮಾ ನೋಡಬೇಕು. ಇದು ನಿರ್ದೇಶಕ ಕಿರಣ್ ರಾಜ್ರ ಕ್ರಿಯಾಶೀಲತೆಯ ಕೈಗನ್ನಡಿಯೂ ಹೌದು. ವೀಕೆಂಡ್ಗೆ ಯಾವ ಸಿನಿಮಾ ನೋಡಲಿ ಅಂತ ನಮ್ಮನ್ನ ಕೇಳಿದ್ರೆ, ಮುಲಾಜಿಲ್ಲದೆ 777ಚಾರ್ಲಿ ಫಸ್ಟ್ ನೋಡಿ ಅಂತೀವಿ. ಡೋಂಟ್ ಪೈರಸಿ. ಕನ್ನಡ ಸಿನಿಮಾಗಳನ್ನ ಉಳಿಸಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ