ಬೆಂಗಳೂರು: ಸಾರಿಗೆ ನೌಕರರಿಗೆ ನ್ಯಾಯ ಕೊಡಿಸುತ್ತೇನೆ ಎಂದು ಹೋರಾಟ ಮಾಡುವ ನೆಪದಲ್ಲಿ 35 ಕೋಟಿ ಡೀಲ್ ನಡೆಸಿದ ಕೋಡಿಹಳ್ಳಿ ಚಂದ್ರಶೇಖರ್ ಮುಖವಾಡವನ್ನು ನಿಮ್ಮ ಪವರ್ ಟಿವಿ ರಾಜ್ಯದ ಜನತೆ ಮುಂದೆ ಇಟ್ಟಿದೆ.
ಚಂದ್ರಶೇಖರ್ ಅಸಲಿ ಮುಖ ತಿಳಿದ ಜೆಡಿಎಸ್ ಕಾರ್ಯಕರ್ತರು ಇಂದು ಕಳ್ಳನಾಯಕನ ಮಲ್ಲೇಶ್ವರಂ ನಿವಾಸದ ಮುಂದೆ ಪ್ರತಿಭಟನೆ ನಡೆಸಿದ್ರು. ಕೋಡಿಹಳ್ಳಿ ಕಾರ್ಗೆ ಮೊಟ್ಟೆ ಹೊಡೆದ ಕಾರ್ಯಕರ್ತರು ರಾಜ್ಯ ಅಧ್ಯಕ್ಷ ಬೋರ್ಡ್ ಕಿತ್ತು, ಬೆಂಕಿ ಹಂಚಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದೇ ವೇಳೆ ಕೋಡಿಹಳ್ಳಿ ಚಂದ್ರಶೇಖರ್ನ್ನ ಕೂಡಲೇ ಬಂಧಿಸುವಂತೆ ಹೋರಾಟಗಾರರು ಆಗ್ರಹಿಸಿದ್ದಾರೆ.
