ಸ್ಯಾಂಡಲ್ವುಡ್ ಸಲಗನಾಗಿ ಅಬ್ಬರಿಸಿ ಬೊಬ್ಬಿರಿದ ಕರಿಚಿರತೆ ದುನಿಯಾ ವಿಜಯ್, ಭೀಮ ಚಿತ್ರದಲ್ಲಿ ಸಖತ್ ಬ್ಯುಸಿ ಆಗಿದ್ದಾರೆ. ಮೊದಲ ಪ್ರಯತ್ನದಲ್ಲೇ ಸಲಗ ಸಕ್ಸಸ್ ಮೂಲಕ ದಿ ಬೆಸ್ಟ್ ಡೈರೆಕ್ಟರ್ ಪಟ್ಟ ಗಿಟ್ಟಿಸಿಕೊಂಡ ವಿಜಯ್, ಭೀಮ ಶೂಟಿಂಗ್ ಗರಡಿಯಲ್ಲಿದ್ದಾರೆ. ಸೈಲೆಂಟ್ ಆಗಿ ಫಸ್ಟ್ ಶೆಡ್ಯೂಲ್ ಮುಗಿಸಿರೋ ಟೀಂ. ಮೇಕಿಂಗ್ ರಿವೀಲ್ ಮಾಡಿದೆ.
- ಅಜ್ಜಿಯಿಂದ ಪ್ಯಾಕಪ್ ಆಯ್ತು ಭೀಮನ ಫಸ್ಟ್ ಶೆಡ್ಯೂಲ್..!
- ಸಲಗ ಟೆಕ್ನಿಷಿಯನ್ಸ್ ಜೊತೆ ಮತ್ತೆ ಡೈರೆಕ್ಟರ್ ಕ್ಯಾಪ್ ತೊಟ್ಟ ವಿಜಿ
- ಬಾಲಯ್ಯ ಸಿನಿಮಾಗೂ ಮುನ್ನ ಕಂಪ್ಲೀಟ್ ಆಗುತ್ತಾ ಭೀಮ..?
ಮಹಾಭಾರತದ ಸಮರವೀರ, ಕದನಕಲಿ, ಭೀಮನ ಮಹಾಪರಾಕ್ರಮದ ಬಗ್ಗೆ ನಿಮಗೆಲ್ಲಾ ಗೊತ್ತೆ ಇದೆ. ದುಶ್ಯಾಸನನ ಎದೆ ಸೀಳಿದ ಮಹಾ ಕೋಪಿಷ್ಟ. ಯೆಸ್.. ಸಲಗ ಸಿನಿಮಾ ನಂತ್ರ ದುನಿಯಾ ವಿಜಯ್ ಭೀಮ ಚಿತ್ರಕ್ಕೆ ಕಥೆ ಬರೆದು, ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಭೀಮನನ್ನು ಕೆಣಕದಿದ್ರೆ ಕ್ಷೇಮ ಅನ್ನೋ ಕ್ಯಾಪ್ಷನ್ ಕೂಡ ಚಿತ್ರಕ್ಕಿದೆ. ಅಂದ್ಮೇಲೆ ಚಿತ್ರದಲ್ಲಿ ಡೆಡ್ಲಿ ಆ್ಯಕ್ಷನ್ ಸೀನ್ಸ್ ಅಬ್ಬರ ಯಾವ ಲೆವೆಲ್ಗೆ ಇರಲಿದೆ ಜಸ್ಟ್ ಇಮ್ಯಾಜಿನ್ ಮಾಡ್ಕೊಳಿ.
ಭೀಮ ಚಿತ್ರದ ಟೈಟಲ್, ಪೋಸ್ಟರ್ ಈಗಾಗ್ಲೇ ಎಲ್ರಿಗೂ ಕೂತೂಹಲ ಕೆರಳಿಸಿವೆ. ಚಿತ್ರದಲ್ಲಿ ವಿಜಯ್ ರೋಲ್ ಏನು ಅನ್ನೋ ಕ್ಯೂರಿಯಾಸಿಟಿಗೆ ಇನ್ನೂ ಉತ್ತರ ಸಿಕ್ಕಿಲ್ಲ. ಜೀವನದಲ್ಲಿ ನಡೆದ ಕೆಲವು ನೈಜ ಘಟನೆಗಳನ್ನು ಆಧರಿಸಿ ಚಿತ್ರದ ಕಥೆ ಹೆಣೆಯಲಾಗಿದೆಯಂತೆ. ರಾ ಅಂಡ್ ರಗಡ್ ಪಾತ್ರಗಳಲ್ಲಿ ನಟಿಸುತ್ತಾ ಬಹುದೊಡ್ಡ ಅಭಿಮಾನಿ ಬಳಗ ಸಂಪಾದಿಸಿಕೊಂಡಿರೋ ವಿಜಯ್ ದುನಿಯಾದಲ್ಲಿ ಮತ್ತೊಂದು ಭೂಗತ ಪಾತಕಿಗಳ ರೌಡಿಸಂ ಚಿತ್ರ ಸೇರ್ಪಡೆಯಾಗಿದೆ. ಭೀಮ ಚಿತ್ರದ ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಮಾಸ್ ಮಸಾಲ ದೃಶ್ಯಗಳ ಮೇಕಿಂಗ್ ಝಲಕ್ ವೈರಲ್ ಆಗಿದೆ.
ಸದಾ ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡೋ ದುನಿಯಾ ವಿಜಯ್, ಈ ಸಿನಿಮಾದಲ್ಲಿ ಬ್ಲ್ಯಾಕ್ ಡ್ರ್ಯಾಗನ್ ಪಾತ್ರಕ್ಕೆ ಮಂಜುನಾಥ್ ಅನ್ನೋ ನ್ಯಾಷನಲ್ ಲೆವೆಲ್ ಬಾಡಿ ಬಿಲ್ಡರ್ನ ಇಂಟ್ರಡ್ಯೂಸ್ ಮಾಡ್ತಿದ್ದಾರೆ. ಮುಹೂರ್ತದಲ್ಲಿ ಅವ್ರ ದೈತ್ಯಾಕಾರ ನೋಡಿ, ಭೀಮ ವಿಜಯ್ ಅವ್ರಾ ಅಥ್ವಾ ಬ್ಲ್ಯಾಕ್ ಡ್ರ್ಯಾಗನ್ನಾ ಅಂತ ಕನ್ಫ್ಯೂಸ್ ಆಗಿದ್ರು. ಇದೀಗ ಆ ವಿಲನ್ನ ಕೆಣಕೋ ದೃಶ್ಯಗಳು ಮೇಕಿಂಗ್ನಲ್ಲಿ ಕಾಣಸಿಕ್ಕಿವೆ. ಸಲಗ ಸಿನಿಮಾಟೋಗ್ರಫರ್ ಶಿವಸೇನ ಕ್ಯಾಮೆರಾದಲ್ಲಿ ಒಂದೊಂದು ದೃಶ್ಯ ಕೂಡ ಸಖತ್ ಥ್ರಿಲ್ಲಿಂಗ್ ಅನಿಸಿವೆ.
ಸ್ಯಾಂಡಲ್ವುಡ್ನ ಬ್ಯುಸಿಯೆಸ್ಟ್ ನಟರಲ್ಲಿ ದುನಿಯಾ ವಿಜಯ್ ಕೂಡ ಒಬ್ರು. ಸಲಗ ಚಿತ್ರದ ನಂತ್ರ ಬ್ಲ್ಯಾಖ್ ಕೋಬ್ರಾ ಡಿಮ್ಯಾಂಡ್ ಕೂಡ ಜಾಸ್ತಿ ಆಗಿದೆ. ಈ ನಡುವೆ ಟಾಲಿವುಡ್ಗೂ ಎಂಟ್ರಿ ಕೊಟ್ಟಿರುವ ವಿಜಯ್, ಬಾಲಯ್ಯನ 107ನೇ ಚಿತ್ರದಲ್ಲಿ ಖಡಕ್ ವಿಲನ್ ರೋಲ್ನಲ್ಲಿ ಮಿಂಚ್ತಿದ್ದಾರೆ.
ಈ ವಿಡಿಯೋದಲ್ಲಿ ಸ್ಯಾಂಡಲ್ವುಡ್ನ ವರ್ಸಟೈಲ್ ಆ್ಯಕ್ಟರ್ ಅಚ್ಯುತ್ಕುಮಾರ್ ರಾಯಲ್ ಎನ್ಫೀಲ್ಡ್ ಮೇಲೆ ಸವಾರಿ ಮಾಡ್ತಿದ್ದಾರೆ. ದರ್ಗಾ, ಪೋಲೀಸ್ ಸ್ಟೇಷನ್ ಸೇರಿದಂತೆ ಸಣ್ಣ ಸಣ್ಣ ಬೀದಿಗಳಲ್ಲಿ ಫೈಟ್ ದೃಶ್ಯಗಳನ್ನ ಚಿತ್ರಿಸಲಾಗಿದೆ. ಜೊತೆಗೆ ದೇವಸ್ಥಾನ ಒಂದರಲ್ಲಿ ದುನಿಯಾ ವಿಜಯ್, ನವಜೋಡಿಗೆ ಮದ್ವೆ ಮಾಡಿಸ್ತಿರೋ ದೃಶ್ಯವಿದೆ. ಈ ಝಲಕ್ಗಳನ್ನು ನೋಡಿದ್ರೆ, ಭೀಮನಿಗೆ ಸಹಾಯ ಮಾಡೋ ದೊಡ್ಡ ಮನಸ್ಸಿದೆ ಅನ್ಸುತ್ತೆ. ಜೊತೆಗೆ ಶೂಟ್ ಆಗಿರೋ ರಾ ಫೂಟೇಜ್ ನೋಡಿ ಟೆಕ್ನಿಕಲ್ ಟೀಮ್ ಜೊತೆ ಸೇರಿ ವಿಜಯ್ ಮಸ್ತ್ ಮಜಾ ಮಾಡಿದ್ದಾರೆ
ಭೀಮನ ದುನಿಯಾದಲ್ಲಿ ಅಚ್ಯುತ್ ಕುಮಾರ್ ಸೇರಿ ವಿಜಯ್ಗೆ ತಾಯಿಯಾಗಿ ಹಿರಿಯ ನಟಿ ಕಲ್ಯಾಣಿ ನಟಿಸ್ತಿದ್ದಾರೆ. ಚಿತ್ರಕ್ಕೆ ಕೃಷ್ಣ ಸಾರ್ಥಕ್ ಹಾಗೂ ಜಗದೀಶ್ ಬಂಡವಾಳ ಹೂಡಿದ್ದು, ಯಥಾವತ್ ವಿಜಿ ಬಳಗದ ಮಾಸ್ತಿಯ ಮಾಸ್ ಸಂಭಾಷಣೆ ಇರಲಿದೆ. ಚರಣ್ ರಾಜ್ ಮ್ಯೂಸಿಕ್ ಕಂಪೋಸ್ ಮಾಡಲಿದ್ದಾರೆ. ಪಕ್ಕಾ ರೌಡಿಸಂ ಬ್ಯಾಕ್ ಡ್ರಾಪ್ ಇರೋ ಭೀಮನ ಆರ್ಭಟ ನೋಡೋಕೆ ಇನ್ನೂ ಸ್ವಲ್ಪ ದಿನ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
