ಕಾಲ ಚೇಂಜ್ ಆದ ಹಾಗೆ ಜನರ ಟೇಸ್ಟ್ ಕೂಡ ಚೇಂಜ್ ಹಾಗತ್ತೆ. ಯೆಸ್, ಈಗೆಲ್ಲಾ ಱಪ್ ಸಾಂಗ್ಗಳ ಜಮಾನ.. ಪಬ್, ಕ್ಲಬ್ಬು, ಪಾರ್ಟಿ ಎಲ್ಲೆಲ್ಲೂ ಱಪ್ ಸಾಂಗ್ಗಳ ದರ್ಬಾರ್ ಶುರುವಾಗಿದೆ. ಅಸಲಿಗೆ ಮ್ಯಾಟ್ರು ಏನಪ್ಪಾ ಅಂದ್ರೆ ಕೆಲ ದಿನಗಳ ಹಿಂದೆ ಜಗಳವಾಡಿಕೊಂಡಿದ್ದ ಕನ್ನಡದ ಟಾಪ್ ರ‍್ಯಾಪರ್ಸ್ ಚಂದನ್ ಶೆಟ್ಟಿ, ಅಲೋಕ್ ಇದೀಗ ಮತ್ತೆ ಒಂದಾಗಿದ್ಧಾರೆ.
- ಕೊನೆಗೂ ಒಂದಾದ ಕನ್ನಡ ಱಪರ್ಸ್ ಅಲೋಕ್-ಚಂದನ್..!
- ಬ್ಯಾಂಗ್ ಬ್ಯಾಂಗ್ ಹಾಡಿಗೆ ದನಿಯಾದ ರ‍್ಯಾಪರ್ಸ್
- ‘ಅನ್ಸಿದ್ದು’ ಹಾಡಿನಲ್ಲಿ ಸಖತ್ ಕಿಚಾಯಿಸಿದ್ದ ಡಿಟ್ಟೋ
- ಕಾಣೆಯಾದವರು ಬ್ಯಾಂಕಾಕ್ನಲ್ಲಿ ಮತ್ತೆ ಒಂದಾಗಿದ್ದೇಗೆ.?
ಮ್ಯುಸಿಕಲ್ ಪ್ಯಾಟರ್ನ್ ಈಗ ಕಂಪ್ಲೀಟ್ ಚೇಂಜ್ ಆಗಿದೆ. ಸಾಹಿತ್ಯ, ಟ್ಯೂನ್, ಸಿಂಗಿಂಗ್ ಫರ್ಮ್ಯಾಟ್ ಎಲ್ಲವೂ ಫುಲ್ ಚೇಂಜ್ ಬಯಸೋ ಕಾಲ ಇದು. ಆ ವಿಭಾಗದಲ್ಲಿ ಕನ್ನಡದ ಟಾಪ್ ರ‍್ಯಾಪರ್ಗಳಾಗಿ ಮಿಂಚ್ತಾ ಇರೋದು ಆಂದ್ರೆ ಅಲೋಕ್, ಚಂದನ್ಶೆಟ್ಟಿ, ರಾಹುಲ್ ಡಿಟ್ಟೋ.. ತಮ್ಮದೇ ಫ್ಯಾನ್ಸ್ ಫಾಲ್ಲೊಯಿಂಗ್ ಒಂದಿರೋ ಈ ಮೂವರು ಱಪ್ ಸಾಂಗ್ ಹೊರತಾಗಿ ಒಬ್ಬರಿಗೊಬ್ಬರು ಕಾಲು ಎಳೆಯುವ ಮೂಲಕವೂ ಸಖತ್ ಸುದ್ದಿಯಲ್ಲಿರ್ತಾರೆ.
ರಾಹುಲ್ ಡಿಟ್ಟೋ, ಅಲೋಕ್ ಈ ಹಿಂದೆ ಚಂದನ್ಶೆಟ್ಟಿಯನ್ನು ಪರೋಕ್ಷವಾಗಿ ಹಾಡಿನ ಮೂಲಕ ಕಾಲೆಳೆಯುವ ಮೂಲಕ ಸುದ್ದಿಯಲ್ಲಿದ್ರು. ಬಹಿರಂಗವಾಗಿ ಟೀಕಿಸದಿದ್ರು ಅಲೋಕ್ಗೆ ಚಂದನ್ಶೆಟ್ಟಿ ಮೇಲಿರೋ ಕೋಪ ಈ ರ‍್ಯಾಪ್ ಸಾಂಗಿನಲ್ಲಿ ಎದ್ದು ಕಾಣುತ್ತೆ ಅಂತ ಅಭಿಮಾನಿಗಳು ಗುಸುಗುಸು ಮಾತನಾಡಿಕೊಂಡಿದ್ರು. ಆದ್ರೆ ಇದೀಗ ತೆರೆಮರೆಯ ಹಿಂದೆ ಜಗಳವಾಡಿಕೊಂಡಿದ್ದ ಇಬ್ರು ಒಂದೇ ಹಾಡಿನಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ.
ರಾಹುಲ್ ಡಿಟ್ಟೋ ಹಾಗೂ ಅಲೋಕ್ ಟೀಮ್ ಜೊತೆಯಾಗಿ ಈ ಹಿಂದೆ ಸಾಂಗ್ ರಿಲೀಸ್ ಮಾಡಿತ್ತು. ಈ ಹಾಡು ಸೋಶಿಯಲ್ ಮೀಡಿಯಾದಲ್ಲೂ ಭರ್ಜರಿಯಾಗಿ ಸೌಂಡ್ ಮಾಡಿದ್ದಲ್ಲದೆ ಎಲ್ಲ ಕಡೆ ಹಾಟ್ ಟಾಪಿಕ್ ಆಗಿತ್ತು. ಯಾಕಂದ್ರೆ ಸಾಂಗ್ನಲ್ಲಿದ್ದ ಪ್ರತಿಯೊಂದು ಸಾಲುಗಳು ಚಂದನ್ಶೆಟ್ಟಿ ಕಡೆ ಬೊಟ್ಟು ಮಾಡಿ ತೋರಿಸ್ತಾ ಇತ್ತು.ನಂಗನ್ಸಿದ್ದು ಅನ್ನೋ ಟೈಟಲ್ ಕೊಟ್ಟು, ಹಾಡಿನ ಆರಂಭದಲ್ಲಿ ಈ ಹಾಡು ಯಾರಿಗೂ ಅನ್ವಯಿಸೊಲ್ಲ ಅಂತಾ ಸೂಚನೆ ಕೂಡ ಕೊಟ್ಟಿದ್ರು.
ಱಪ್ ಸಾಂಗ್ ಏನು ಅಂತ ಗಂಧ ಗಾಳಿಯೇ ಗೊತ್ತಿಲ್ಲ. ಚೀಪ್ ಟ್ರಿಕ್ಸ್ ಮಾಡ್ಕೊಂಡು ಮೆರಿತಾವ್ರೆ ಅಂತೆಲ್ಲಾ ಇದ್ದ ಹಾಡಿನ ಸಾಲುಗಳು ಎಲ್ಲರ ಕಣ್ಣು ಕುಕ್ಕಿಸಿದ್ವು. ಒಟ್ನಲ್ಲಿ ಅಲೋಕ್, ಡಿಟ್ಟೋ ಜೊತೆ ಚಂದನ್ ಶೆಟ್ಟಿಯ ಶೀತಲ ಸಮರ ನಡಿತಿರೋದು ಪಕ್ಕಾ ಆಗಿತ್ತು. ಅದ್ರೆ ಈ ಎಲ್ಲಾ ಗಾಸಿಪ್ ನಡುವೆ ಅಲೋಕ್ ಜೊತೆ ‘ಕಾಣೆಯಾದವರ ಬಗ್ಗೆ ಪ್ರಕಟಣೆ’ ಚಿತ್ರದ ಹಾಡೊಂದ್ರಲ್ಲಿ ಚಂದನ್ ಶೆಟ್ಟಿ ಕಾಣಿಸಿಕೊಳ್ಳೋ ಮೂಲಕ ಎಲ್ಲಾ ವಿವಾದಗಳಿಗೆ ತೆರೆ ಎಳೆದಿದ್ದಾರೆ.
ರವಿಶಂಕರ್, ಚಿಕ್ಕಣ್ಣ, ರಂಗಾಯಣ ರಘು ಅವರ ಬಹುತಾರಾಗಣದಲ್ಲಿ ‘ಕಾಣೆಯಾದವರ ಬಗ್ಗೆ ಪ್ರಕಟಣೆ’ ಸಿನಿಮಾ ಮೂಡಿ ಬರ್ತಿದೆ. ಅನಿಲ್ ಕುಮಾರ್ ಆಕ್ಷನ್ ಕಟ್ ಹೇಳ್ತಿರೋ ಈ ಚಿತ್ರದಲ್ಲಿ ಬ್ಯಾಂಗ್ ಬ್ಯಾಂಗ್ ಬ್ಯಾಂಕಾಕ್ ಅನ್ನೋ ಸಾಂಗಿಗೆ ಇಬ್ರು ದನಿಯಾಗಿದ್ದು ಈ ಹಾಡು ಯ್ಯೂ ಟ್ಯೂಬ್ ಹಲ್ಚಲ್ ಎಬ್ಬಿಸ್ತಿದೆ. ಒಟ್ನಲ್ಲಿ ವೈಮನಸ್ಸಿನಿಂದ ಕಾಣೆಯಾಗಿದ್ದ ಗೆಳೆತನ ಒಂದಾಗಲು ಈ ಚಿತ್ರತಂಡ ವೇದಿಕೆಯಾಗಿದ್ದು ಅಭಿಮಾನಿಗಳಿಗೆ ಖುಷಿ ಕೊಟ್ಟಿದೆ..
ಫಿಲ್ಮ್ ಬ್ಯೂರೋ.. ಪವರ್ ಟಿವಿ.
