ಹಾಲು- ಜೇನು ಕಥೆಯಂತಹ ಸಿನಿಮಾ ಕನಸು ಕಂಡಿದ್ದ ಅಪ್ಪು
ಅಣ್ಣಾವ್ರ ಹಾಲು-ಜೇನು ಕಥೆಯಂತಹ ಸಿನಿಮಾವೊಂದು ಮಾಡಲು ರಾಷ್ಟ್ರ ಪ್ರಶಸ್ತಿ ವಿಜೇತ ನಿರ್ದೇಶಕ ಸತ್ಯ ಪ್ರಕಾಶ್ ಬಳಿ ಹೇಳಿಕೊಂಡಿದ್ರು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್. ಆದ್ರೆ ಅದಕ್ಕೂ ಮುನ್ನ ಮ್ಯಾನ್ ಆಫ್ ದಿ ಮ್ಯಾಚ್ ಕೇಳಿ ಅಪ್ಪು ಹಣ ಹೂಡೋಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ರು. ಅದ್ರ ಟ್ರೈಲರ್ ರಿಲೀಸ್ ಆಗಿದ್ದು, ಒಟಿಟಿಗೆ ಲಗ್ಗೆ ಇಡ್ತಿದೆ ಸಿನಿಮಾ.
ಚಿತ್ರರಂಗದಲ್ಲಿ ಹೊಸ ಜಾನರ್ಗೆ ನಾಂದಿ ಹಾಡಿದ ಸತ್ಯ ಪ್ರಕಾಶ್:
ಇದು ಒಟಿಟಿಯಲ್ಲಿ ರಿಲೀಸ್ ಆಗ್ತಿರೋ ಮ್ಯಾನ್ ಆಫ್ ದಿ ಮ್ಯಾಚ್ ಚಿತ್ರದ ಟ್ರೈಲರ್. ರೀಸೆಂಟ್ ಆಗಿ ಈ ಟ್ರೈಲರ್ ರಿಲೀಸ್ ಆಗಿದ್ದು, ದಿವಂಗತ ಪುನೀತ್ ರಾಜ್ಕುಮಾರ್ ನಿರ್ಮಾಣದಲ್ಲಿ ತಯಾರಾದ ಅವ್ರ ಕನಸಿನ ಕೂಸು ಕೂಡ ಹೌದು. ರಾಮಾ ರಾಮಾ ರೇ ಚಿತ್ರದ ಖ್ಯಾತಿಯ ನಿರ್ದೇಶಕ ಸತ್ಯ ಪ್ರಕಾಶ್ ಈ ಸಿನಿಮಾಗೆ ಌಕ್ಷನ್ ಕಟ್ ಹೇಳಿದ್ದು, ಒಂದು ವಿಶಿಷ್ಟ ಬಗೆಯ ಜಾನರ್ಗೆ ನಾಂದಿ ಹಾಡೋ ಮನ್ಸೂಚನೆ ನೀಡಿದೆ.
ಹಾಲು- ಜೇನು ಸಿನಿಮಾ ಎಷ್ಟೇ ದಶಕಗಳು ಕಳೆದ್ರೂ ಎವರ್ಗ್ರೀನ್. ಕಾರಣ ಚಿತ್ರದ ಕಥೆ, ಪಾತ್ರಗಳು ಹಾಗೂ ಮಾಧುರ್ಯಭರಿತ ಸಂಗೀತ. ಪುನೀತ್ ಕೂಡ ಅಣ್ಣಾವ್ರ ಹಾಲು- ಜೇನು ಕಥೆಯಂತಹ ಸಿನಿಮಾ ಮಾಡಲು ನ್ಯಾಷನಲ್ ಅವಾರ್ಡ್ ಪಡೆದ ಡೈರೆಕ್ಟರ್ ಸತ್ಯ ಪ್ರಕಾಶ್ರಿಗೆ ಹೇಳ್ತಾರೆ. ಆದ್ರೆ ಸತ್ಯ ಪ್ರಕಾಶ್ ಎಷ್ಟು ಪ್ರಯತ್ನ ಪಟ್ರೂ ಅದು ಸಾಕಾರವಾಗಲಿಲ್ಲ. ಕೊನೆಗೆ ಅದಕ್ಕೂ ಮುನ್ನ ಹೊಳೆದ ಒಂದು ಲೈನ್ ಕಥೆಯನ್ನ ಅಪ್ಪು ಮೆಚ್ಚಿ, ಅದಕ್ಕೆ ಹಣ ಹೂಡಲು ಅವ್ರೇ ಸ್ವತಃ ಮುಂದಾಗ್ತಾರೆ.
ಟ್ರೈಲರ್ ಸೂಪರ್.. ಸಿನಿಮಾ ಕಣ್ತುಂಬಿಕೊಳ್ಳೋಕೆ ವೆಯ್ಟಿಂಗ್ :
ಕಡಿಮೆ ಬಜೆಟ್, ಕಡಿಮೆ ಸಮಯದಲ್ಲಿ ತಯಾರಿಸಬಹುದಾದ ಈ ಸಿನಿಮಾನ ಖುದ್ದು ಪುನೀತ್ ಅವ್ರೇ ಪ್ರೀತಿಯಿಂದ ತಮ್ಮ ಪಿಆರ್ಕೆ ಬ್ಯಾನರ್ನಡಿ ನಿರ್ಮಿಸಲು ಗ್ರೀನ್ ಸಿಗ್ನಲ್ ಕೊಡ್ತಾರೆ. ಆದ್ರೆ ಇಂದು ಅಪ್ಪು ನಮ್ಮೊಂದಿಗಿಲ್ಲ. ಆದ್ರೆ ಅವ್ರು ಓಕೆ ಮಾಡಿದ ಸ್ಕ್ರಿಪ್ಟ್, ಸಿನಿಮಾ ರೂಪದಲ್ಲಿ ನಮ್ಮ ಮುಂದಿದೆ.
ರಾಮಾ ರಾಮಾ ರೇ ಚಿತ್ರದ ನಾಯಕ ದೀಪಕ್ ಈ ಚಿತ್ರದ ನಾಯಕನಟ. ಇನ್ನು ಧರ್ಮಣ್ಣ ಹಾಸ್ಯನ ಹೊನಲು ಹರಿಸಲಿದ್ದಾರೆ. ವೀಣಾ ಸುಂದರ್ ದಂಪತಿ ಪೋಷಕ ಪಾತ್ರಗಳಲ್ಲಿ ನೋಡುಗರಿಗೆ ಫ್ರೆಶ್ ಫೀಲ್ ಕೊಡಲಿದೆ. ಸಿನಿಮಾ ಆಡಿಷನ್ಸ್ಗೆ ಬರೋರಿಗೆ ಡೈರೆಕ್ಟರ್ ಏನೆಲ್ಲಾ ಮಾಡ್ತಾನೆ ಅನ್ನೋದೇ ಈ ಚಿತ್ರದ ಅಸಲಿ ಕಥೆ. ನೋಡೋಕೆ ಬಹಳ ಸಹಜ ಹಾಗೂ ಸ್ವಾಭಾವಿಕವಾಗಿ ಮೂಡಿಬಂದಿದ್ದು, ಟ್ರೈಲರ್ಗೆ ಎಲ್ಲೆಡೆಯಿಂದ ಉತ್ತಮ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳು ಬರ್ತಿವೆ.
ವಾಸುಕಿ ವೈಭವ್, ಅಥರ್ವ ಪ್ರಕಾಶ್, ಮಯೂರಿ ನಟರಾಜ್, ಬೃಂದಾ ವಿಕ್ರಮ್, ಶ್ರೀ ದತ್ತ, ಮಂಜುನಾಥ ಹೀಗೆ ದೊಡ್ಡ ತಾರಾಗಣವಿರೋ ಈ ಸಿನಿಮಾ ಹತ್ತು ಹಲವು ವಿಶೇಷತೆಗಳಿಂದ ನೋಡುಗರ ತಲೆಗೆ ಹುಳ ಬಿಡ್ತಿದೆ. ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವ್ರೇ ಸದ್ಯ ಈ ಸಿನಿಮಾದ ಒಟಿಟಿ ರಿಲೀಸ್ ಉಸ್ತುವಾರಿ ವಹಿಸಿಕೊಂಡಿದ್ದು, ಈ ವಾರ ಅಮೆಜಾನ್ ಪ್ರೈಮ್ಗೆ ಲಗ್ಗೆ ಇಡ್ತಿದೆ. ಇದು ನೋಡುಗರಿಗೆ ರುಚಿಸುತ್ತಾ ಇಲ್ವಾ ಅನ್ನೋದು ಕಾದು ನೋಡಬೇಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
