ಯುಟ್ಯೂಬ್ನಲ್ಲಿ 2016ರಲ್ಲಿ ಬಿಡುಗಡೆಯಾದ ಬೇಬಿ ಶಾರ್ಕ್ ಡ್ಯಾನ್ಸ್ ವಿಡಿಯೋ 10 ಬಿಲಿಯನ್ ವೀಕ್ಷಣೆ ಪಡೆದಿದೆ. ಈ ಮೂಲಕ 10 ಬಿಲಿಯನ್ ವೀಕ್ಷಣೆ ಪಡೆದ ಮೊದಲ ವಿಡಿಯೋ ಎನಿಸಿಕೊಂಡಿದೆ. ಪಿಂಕ್ಫಾಂಗ್ ಬೇಬಿ ಶಾರ್ಕ್ ಯುಟ್ಯೂಬ್ ಚಾನೆಲ್ ಬೇಬಿ ಶಾರ್ಕ್ ಡ್ಯಾನ್ಸ್ ಎನ್ನುವ ವಿಡಿಯೋವನ್ನು 2016ರ ಜೂನ್18ರಂದು ಮೊದಲ ಬಾರಿಗೆ ಹಂಚಿಕೊಂಡಿತ್ತು.
ಈವರೆಗೆ ವಿಡಿಯೋ 10 ಬಿಲಿಯನ್ ವೀಕ್ಷಣೆಗಳನ್ನು ಪಡೆದಿದೆ. ವಿಡಿಯೋದಲ್ಲಿ ಇಬ್ಬರು ಚಿಕ್ಕ ಮಕ್ಕಳು ಬೇಬಿ ಶಾರ್ಕ್ ಹಾಡಿಗೆ ಡ್ಯಾನ್ಸ್ ಮಾಡುತ್ತಾರೆ. ಅವರ ಹಿಂದೆ ಆನಿಮೇಟೆಡ್ ಶಾರ್ಕ್ ಮೀನುಗಳು ಹರಿದಾಡುವುದನ್ನು ಕಾಣಬಹುದು. ಬೇಬಿ ಶಾರ್ಕ್ ಹಾಡನ್ನು 2015 ರಲ್ಲಿ ಕೊರಿಯನ್-ಅಮೇರಿಕನ್ ಗಾಯಕ ಹೋಪ್ ಸೆಗೋಯಿನ್ ಹಾಡಿದ್ದರು. ಅವರಿಗೆ ಆಗ 10 ವರ್ಷ ವಯಸ್ಸಾಗಿತ್ತು. ಹಾಡನ್ನು 2021 ರಲ್ಲಿ ನಿಕೆಲೋಡಿಯನ್ ಪ್ರಿ-ಸ್ಕೂಲ್ ಸರಣಿ ಬೇಬಿ ಶಾರ್ಕ್ ಎನ್ನುವ ಬಿಗ್ ಶೋಗೆ ಅಳವಡಿಸಲಾಗಿದೆ.
