ಇಂಡಿಯನ್ ಪ್ರೀಮಿಯರ್ ಲೀಗ್ (IPL) 13ನೇ ಆವೃತ್ತಿ ಅಂತೂ ಇಂತೂ ನಡೆಯೋದು ಪಕ್ಕಾ ಆಗಿದೆ. ಮಾರ್ಚ್ 29ರಿಂದಲೇ ಆರಂಭವಾಗಬೇಕಿದ್ದ ಟೂರ್ನಿಗೆ ಕೊರೋನಾ ಅಡ್ಡಿಪಡಿಸಿತ್ತು. ಇದೀಗ ಯುಎಇನಲ್ಲಿ ಈ ಬಾರಿ ಟೂರ್ನಿ ನಡೆಯಲಿದೆ. ಸದ್ಯದ ಮಾಹಿತಿ ಪ್ರಕಾರ ಸೆಪ್ಟೆಂಬರ್ 19 ರಿಂದ ನವೆಂಬರ್ 8ರವರೆಗೆ ಟೂರ್ನಿ ನಡೆಯುತ್ತೆ. ಅಂದ್ರೆ ಉದ್ಘಾಟನಾ ಪಂದ್ಯ ಸೆಪ್ಟೆಂಬರ್ 19ಕ್ಕೆ ನಡೆದ್ರೆ, ಫೈನಲ್ ಮ್ಯಾಚ್ ನವೆಂಬರ್ 8ರಂದು ನಡೆಯಲಿದೆ.
ಆದ್ರೆ ದೀಪಾವಳಿ ಹಬ್ಬದ ವಾರವನ್ನು ಬಳಸಿಕೊಂಡು ಐಪಿಎಲ್ ಫೈನಲ್ನ ಕಾತುರತೆಯನ್ನು ಇನ್ನೂ ಎರಡ್ಮೂರು ದಿವಸ ಕಾಯ್ದರಿಸಿಕೊಳ್ಳುವ ಪ್ಲಾನ್ ಪ್ರಸಾರಕರದ್ದಾಗಿದೆ ಎನ್ನಲಾಗಿದೆ. IPL ಫೈನಲ್ ಮುಂದೂಡಲ್ಪಟ್ಟಿದ್ದೇ ಆದಲ್ಲಿ, ಟೀಮ್ ಇಂಡಿಯಾ ಭಾರತಕ್ಕೆ ಬಂದು ಆಸ್ಟ್ರೇಲಿಯಾಕ್ಕೆ ಹೋಗೋ ಬದಲು, ಯುಎಇಯಿಂದಲೇ ಆಸೀಸ್ ಪ್ರವಾಸ ಕೈಗೊಳ್ಳಲಿದೆ. ಅಕ್ಟೋಬರ್ 11ರಿಂದ ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಟಿ20 ಸರಣಿ ಆರಂಭವಾಗಲಿದೆ. IPL ಬಗ್ಗೆ ಶೀಘ್ರದಲ್ಲೇ ನಡೆಯಲಿರೋ ಗರ್ವನಿಂಗ್ ಕೌನ್ಸಿಲ್ ಸಭೆಯಲ್ಲಿ ಅಂತಿಮ ನಿರ್ಧಾರ ಪ್ರಕಟವಾಗಲಿದೆ.
