ರಾಯಚೂರು : ನಾಯಿ ಕಡಿತಕ್ಕೆ ಚಿಕಿತ್ಸೆ ಪಡೆಯಲು ಆಸ್ಪತ್ರೆಗೆ ಹೋಗಿದ್ದ ಮಹಿಳೆಯ ಕಣ್ಣಿಗೆ ವೈದ್ಯರು ಚಿಕಿತ್ಸೆ ನೀಡಿದ್ದು. ವೈದ್ಯರ ಎಡವಟ್ಟಿನಿಂದ ಮಹಿಳೆ ಕಣ್ಣನ್ನೇ ಕಳೆದುಕೊಳ್ಳುವ ಹಂತಕ್ಕೆ ತಲುಪಿದ್ದಾರೆ.
ರಾಯಚೂರಿನ ರಿಮ್ಸ್ ಆಸ್ಪತ್ರೆ ವೈದ್ಯರು ಈ ಎಡವಟ್ಟು ಮಾಡಿಕೊಂಡಿದ್ದು. ರಾಯಚೂರು ನಗರದ ಬೇರೊನ್ ಕಿಲ್ಲಾ ಬಡಾವಣೆ ನಿವಾಸಿ ರಾಚಮ್ಮ(೪೫) ಎಂಬ ಮಹಿಳೆಯ ಕೈಗೆ ನಾಯಿ ಕಚ್ಚಿತ್ತು. ಇದಕ್ಕೆ ಚಿಕಿತ್ಸೆ ಪಡೆಯಲು ಎಂದು ಮಹಿಳೆ ರಿಮ್ಸ್ ಆಸ್ಪತ್ರೆಗೆ ಬಂದಿದ್ದರು. ಆದರೆ ನಾಯಿ ಕಡಿತಕ್ಕೆ ಚಿಕಿತ್ಸೆ ನೀಡಬೇಕಾದ ವೈದ್ಯರು ಮಹಿಳೆಯ ಕಣ್ಣಿಗೆ ಯಾವುದೋ ಡ್ರಾಪ್ಸ್ ಹಾಕಿದ್ದಾರೆ.
ಇದನ್ನೂ ಓದಿ :ಹೆಲ್ಮಟ್ ಹಾಕದೆ ಡೆಡ್ಲಿ ಡ್ರೈವ್; ಮಕ್ಕಳ ಪ್ರಾಣಕ್ಕೆ ಕುತ್ತು ತಂದ ಮಹಿಳೆ
ವೈದ್ಯರ ಈ ಎಡವಟ್ಟಿನಿಂದ ಮಹಿಳೆಯ ಕಣ್ಣಿಗೆ ಇಂನ್ಫೆಕ್ಚನ್ ಆಗಿದ್ದು. ಮಹಿಳೆ ಕಣ್ಣನ್ನು ಕಳೆದುಕೊಳ್ಳುವ ಹಂತಕ್ಕೆ ತಲುಪಿದ್ದಾರೆ ಎಂದು ತಿಳಿದು ಬಂದಿದೆ. ರಿಮ್ಸ್ ಆಸ್ಪತ್ರೆಯ ವೈದ್ಯರ ಮೇಲೆ ಗಂಭೀರ ಆರೋಪ ಕೇಳಿ ಬಂದಿದ್ದು. ಘಟನೆ ಬಗ್ಗೆ ಇನ್ನಷ್ಟೆ ಹೆಚ್ಚಿನ ಮಾಹಿತಿ ದೊರಕಬೇಕಿದೆ.
