ದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಪ್ರತಿ ವರ್ಷ ಬೋರ್ಡ್ ಪರೀಕ್ಷೆಗಳಿಗೆ ಮುನ್ನ ವಿದ್ಯಾರ್ಥಿಗಳೊಂದಿಗೆ ‘ಪರೀಕ್ಷೆಗಳ’ ಬಗ್ಗೆ ಚರ್ಚಿಸುತ್ತಾರೆ. ಈ ಸರಣಿಯಲ್ಲಿ, ಸೋಮವಾರ, ಪರೀಕ್ಷೆಯ ಕುರಿತಾದ ಚರ್ಚೆಯ 8ನೇ ಆವೃತ್ತಿಯಲ್ಲಿ ಅವರು ದೇಶದ ವಿವಿಧ ರಾಜ್ಯಗಳ 10 ಮತ್ತು 12 ನೇ ತರಗತಿಯ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದರು ಮತ್ತು ಒತ್ತಡ ಮುಕ್ತವಾಗಿರಲು ಸಲಹೆಗಳನ್ನು ನೀಡಿದರು.
ಕಾರ್ಯಕ್ರಮದ ಸಮಯದಲ್ಲಿ, ಬಿಹಾರದ 12 ನೇ ತರಗತಿ ವಿದ್ಯಾರ್ಥಿ ವಿರಾಜ್ ಪ್ರಧಾನಿ ಮೋದಿಯವರನ್ನು ‘ಸರ್, ನೀವು ಅಷ್ಟು ದೊಡ್ಡ ಜಾಗತಿಕ ನಾಯಕ. ನೀವು ರಾಜಕೀಯದಲ್ಲಿ ಹಲವು ಪ್ರಮುಖ ಹುದ್ದೆಗಳನ್ನು ಅಲಂಕರಿಸಿದ್ದೀರಿ. ಜೀವನದಲ್ಲಿ ಮುಂದುವರಿಯಲು ನಮಗೆ ಸಹಾಯ ಮಾಡುವ ನಾಯಕತ್ವದ ಗುಣಗಳ ಕುರಿತು ಮಾಹಿತಿ ನೀಡಿ ಎಂದು ಕೇಳಿದನು.
ಇದನ್ನೂ ಓದಿ :ಶ್ರೀ ಇಷ್ಟಕಾಮೇಶ್ವರಿ ದೇವಿಯ ದೇವಾಲಯ ನಿರ್ಮಾಣ ಕಾರ್ಯ ಆರಂಭ
ಈ ಪ್ರಶ್ನೆಗೆ ಉತ್ತರಿಸುದ ಪ್ರಧಾನಿ ಮೋದಿ ‘ಬಿಹಾರದ ಜನರು ತುಂಬಾ ಬುದ್ಧಿವಂತರು. ನಾಯಕತ್ವ ಎಂದರೆ ಕೇವಲ ಕುರ್ತಾ-ಪೈಜಾಮ ಧರಿಸಿ ವೇದಿಕೆಯ ಮೇಲೆ ಭಾಷಣ ಮಾಡುವುದಲ್ಲ. ನೀವು ನಿಮ್ಮನ್ನು ಮಾದರಿಯಾಗಿಟ್ಟುಕೊಳ್ಳಬೇಕು. ತರಗತಿಯ ಮೇಲ್ವಿಚಾರಕನು ಇತರ ವಿದ್ಯಾರ್ಥಿಗಳನ್ನು ಸಮಯಕ್ಕೆ ಸರಿಯಾಗಿ ಬರಲು ಹೇಳುತ್ತಾನೆ ಆದರೆ ಸ್ವತಃ ಮೇಲ್ವಿಚಾರಕನೇ ಸಮಯಕ್ಕೆ ಸರಿಯಾಗಿ ಬರದಿದ್ದರೆ, ಅದು ಕೆಲಸ ಮಾಡುವುದಿಲ್ಲ. ಮೊದಲು ಅವನು ಸಮಯಕ್ಕೆ ಸರಿಯಾಗಿ ಬಂದು ಕೆಲಸ ಮಾಡಬೇಕು. ಆಗ ಮಾತ್ರ ಅವನಿಗೆ ಗೌರವ ಸಿಗುತ್ತದೆ ಎಂದು ಹೇಳಿದರು.
ಮುಂದುವರಿದು ಮಾತನಾಡಿದ ಮೋದಿ ‘ ನೀವು ನಿಮ್ಮ ನಡವಳಿಕೆಯನ್ನು ಬದಲಾಯಿಸಿಕೊಳ್ಳಬೇಕು. ಆಗ ನಿಮ್ಮ ಸುತ್ತಲಿನ ಜನರು ನಿಮ್ಮನ್ನು ನಾಯಕನೆಂದು ಸ್ವೀಕರಿಸುತ್ತಾರೆ. ಒಬ್ಬ ನಾಯಕನಿಗೆ ತಂಡದ ಕೆಲಸ ಕಲಿಯುವುದು ಬಹಳ ಮುಖ್ಯ. ನೀವು ಯಾರಿಗಾದರೂ ಕೆಲಸ ಕೊಟ್ಟರೆ, ಅವರ ಕಷ್ಟವನ್ನು ಕಂಡುಹಿಡಿಯಬೇಕಾಗುತ್ತದೆ. ಒಂದು ತತ್ವವನ್ನು ರೂಪಿಸಿ -ಎಲ್ಲಿ ಕಡಿಮೆ ಇದೆಯೋ, ಅಲ್ಲಿ ನಾವು ಇದ್ದೇವೆ. ಜನರ ನಂಬಿಕೆ ಮಾತ್ರ ನಿಮ್ಮ ನಾಯಕತ್ವಕ್ಕೆ ಮನ್ನಣೆ ನೀಡುತ್ತದೆ ಎಂದು ವಿದ್ಯಾರ್ಥಿಗಳಿಗೆ ನಾಯಕತ್ವ ಗುಣದ ಬಗ್ಗೆ ತಿಳುವಳಿಕೆ ನೀಡಿದರು.
