ರಾಮನಗರ: ಬೆಂಗಳೂರು-ಮೈಸೂರು ರಸ್ತೆಯಲ್ಲಿ ದರೋಡೆ ನಡೆಸಲು ಯತ್ನಿಸುತ್ತಿದ್ದಾರೆ ಎಂಬ ವಿಚಾರದ ಕುರಿತು ಸ್ಪಷ್ಟನೆ ನೀಡಿರುವ ರಾಮನಗರ ಪೊಲೀಸರು, ರಾತ್ರಿ ವೇಳೆ ಗಾರೆಕೆಲಸದವರು ರಸ್ತೆ ದಾಟಲು ಸಾರ್ವೆ ಮರ ಹಿಡಿದು ರಸ್ತೆ ದಾಟಿದ್ದಾರೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ವೈರಲ್ ಆಗಿತ್ತು. ಈ ವಿಡಿಯೋದಲ್ಲಿ ಬೆಂಗಳೂರು ಮತ್ತು ಮೈಸೂರು ರಸ್ತೆಯಲ್ಲಿ ಕೆಲ ದುಷ್ಕರ್ಮಿಗಳು ರಸ್ತೆಯಲ್ಲಿ ಸಾರ್ವೆ ಮರವನ್ನು ಅಡ್ಡವಿಟ್ಟು ದರೋಡೆ ಮಾಡಲು ಯತ್ನಿಸುತ್ತಿದ್ದಾರೆ ಎಂದು ಹೇಳಲಾಗಿತ್ತು.
ಇದನ್ನೂ ಓದಿ : ‘ಮುಂದಿನ ಮುಖ್ಯಮಂತ್ರಿ ಸತೀಶ್ ಜಾರಕಿಹೋಳಿ’ : ದೇವರ ಮೊರೆ ಹೋದ ಅಭಿಮಾನಿಗಳು !
ಇದೀಗ ಈ ವಿಡಿಯೋ ಬಗ್ಗೆ ರಾಮನಗರ ಪೊಲೀಸರು ಫ್ಯಾಕ್ಟ್ ಚೆಕ್ ಮಾಡಿ ಸ್ಪಷ್ಟನೆ ನೀಡಿದ್ದು. ‘ಸಾರ್ವಜನಿಕರು ಯಾವುದೇ ಗೊಂದಲಕ್ಕೆ ಒಳಗಾಗದೇ ಹೆದ್ದಾರಿಯಲ್ಲಿ ಪ್ರಯಾಣಿಸಬಹುದು ಎಂದು ಪ್ರಕಟಣೆ ಹೊರಡಿಸಿದ್ದಾರೆ ಹಾಗೂ ಗಾರೆ ಕೆಲಸದವರು ಸಾರ್ವೆ ಮರವನ್ನು ಅಡ್ಡವಾಗಿಟ್ಟು ರಸ್ತೆ ದಾಟತ್ತಿದ್ದರು ಎಂದು ಹೇಳಿದ್ದಾರೆ.
