ಬೆಂಗಳೂರು : ‘ಕಾಟೇರ’ ಸಕ್ಸಸ್ನಲ್ಲಿರುವ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ನಟ ಚಿಕ್ಕಣ್ಣರಿಗೆ ಶಾಕಿಂಗ್ ಗಿಫ್ಟ್ ನೀಡಿದ್ದಾರೆ.
ಚಿಕ್ಕಣ್ಣ ಮೊದಲ ಬಾರಿಗೆ ನಾಯಕನಾಗಿ ಅಭಿನಯಿಸಿರುವ ‘ಉಪಾಧ್ಯಕ್ಷ’ ಸಿನಿಮಾ ಬಿಡುಗಡೆ ಹಿನ್ನೆಲೆ ಸ್ವತಃ ದರ್ಶನ್ ಅವರೇ 60 ಅಡಿ ಎತ್ತರದ ಕಟೌಟ್ ಮಾಡಿಸಿದ್ದಾರೆ.
ಚಿತ್ರ ರಿಲೀಸ್ ವೇಳೆ ಚಿತ್ರತಂಡ ಕಟೌಟ್ ಮಾಡಿಸುವುದು ಸಾಮಾನ್ಯ. ಅದರೆ, ನಟ ದರ್ಶನ್ ಕಟೌಟ್ ಮಾಡಿಸಿರುವ ವಿಚಾರವನ್ನು ಸೀಕ್ರೆಟ್ ಆಗಿಯೇ ಇಟ್ಟಿದ್ದರು. ಇದು ಉಪಾಧ್ಯಕ್ಷ ಚಿಕ್ಕಣ್ಣರಿಗೆ ತಿಳಿದಿದ್ದು, ಅಚ್ಚರಿಯಾಗಿದ್ದಾರೆ.
ಆನಂದ್ ಆರ್ಟ್ಸ್ ತಂಡದವರು 60 ಅಡಿ ಕಟೌಟ್ ಸಿದ್ಧಪಡಿಸುತ್ತಿದ್ದು, ನಾಳೆ ಚಿತ್ರ ಪ್ರದರ್ಶನಗೊಳ್ಳುವ ಗಾಂಧಿನಗರದ ಮುಖ್ಯ ಚಿತ್ರಮಂದಿರದ ಮುಂದೆ ತಲೆ ಎತ್ತಲಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಟ ಚಿಕ್ಕಣ್ಣ, ನಿಜಕ್ಕೂ ಈ ವಿಷಯ ತಿಳಿದು ಅಚ್ಚರಿ ಆಗಿದೆ. ನನ್ನ ಸ್ವಂತ ಅಣ್ಣ ಇದ್ದರೂ ಈ ರೀತಿ ಪ್ರೀತಿ ತೋರಿಸುತ್ತಿರಲಿಲ್ಲ ಅನಿಸುತ್ತದೆ. ಡಿ ಬಾಸ್ಗೆ ಧನ್ಯವಾದ ಎಂದು ಹೇಳಿದ್ದಾರೆ.
ನಾಳೆ ‘ಉಪಾಧ್ಯಕ್ಷ’ಗ್ರ್ಯಾಂಡ್ ರಿಲೀಸ್
ಕಾಮಿಡಿ ಮೂಲಕ ಪ್ರೆಕ್ಷಕರ ಮನ ಗೆದ್ದ ಚಿಕ್ಕಣ್ಣ ನಾಯಕನಾಗಿ ಅಭಿನಯಿಸಿರುವ ಉಪಾಧ್ಯಕ್ಷ ಸಿನಿಮಾ ಶುಕ್ರವಾರ (ನಾಳೆ) ರಾಜ್ಯಾದ್ಯಂತ ರಿಲೀಸ್ ಆಗಲಿದೆ. ಉಮಾಪತಿ ಶ್ರೀನಿವಾಸ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಅನಿಲ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ. ಚಿಕ್ಕಣ್ಣ ಜೊತೆಗೆ ಮಲೈಕಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.
ಚಿಕ್ಕಣ್ಣ ರವರು ನಾಯಕನಾಗಿ ಅಭಿನಯದ “ಉಪಾಧ್ಯಕ್ಷ” ಚಿತ್ರ ಇದೇ ಶುಕ್ರವಾರ ಜನವರಿ 26 ರಿಂದ ರಾಜ್ಯದಾದ್ಯಂತ ನಿಮ್ಮ ಹತ್ತಿರದ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದ್ದು ಚಿತ್ರ ಅಭೂತಪೂರ್ವ ಯಶಸ್ಸು ಕಾಣಲೆಂದು ನಮ್ಮ ಪ್ರೀತಿಯ ಬಾಕ್ಸ್ ಆಫೀಸ್ ಸುಲ್ತಾನ್ ಚಾಲೆಂಜಿಂಗ್ ಸ್ಟಾರ್ @dasadarshan ರವರು ಚಿತ್ರ ತಂಡಕ್ಕೆ ಶುಭಾ ಹಾರೈಸಿದರು.😍 pic.twitter.com/SQUeDmbf7i
— D Company(R)Official (@Dcompany171) January 25, 2024
