ಬೆಂಗಳೂರು : ವಿಶ್ವಕಪ್ನಲ್ಲಿ ಇಂದು ನಡೆದ ಅಫ್ಘಾನಿಸ್ತಾನ ಹಾಗೂ ನೆದರ್ಲೆಂಡ್ಸ್ ನಡುವಿನ ಪಂದ್ಯದಲ್ಲಿ ಅಫ್ಘಾನ್ ಬೌಲರ್ಗಳು ಮೇಲುಗೈ ಸಾಧಿಸಿದರು.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ನೆದರ್ಲೆಂಡ್ಸ್ ಲೆಕ್ಕಾಚಾರವನ್ನು ಅಫ್ಘಾನ್ ಬೌಲರ್ಗಳು ಉಲ್ಟಾ ಮಾಡಿದರು. ಪರಿಣಾಮ ನೆದರ್ಲೆಂಡ್ಸ್ 46.3 ಓವರ್ಗಳಲ್ಲಿ 179 ರನ್ಗಳಿಗೆ ಸರ್ವಪತನ ಕಂಡಿತು.
ನೆದರ್ಲೆಂಡ್ಸ್ ಪರ ಸಿಬ್ರಾಂಡ್ ಎಂಗೆಲ್ಬ್ರೆಕ್ಟ್ ಆಕರ್ಷಕ ಅರ್ಧಶತಕ (58) ಸಿಡಿಸಿ ಮಿಂಚಿದರು. ಮ್ಯಾಕ್ಸ್ ಒಡೌಡ್ 42, ಕಾಲಿನ್ ಅಕರ್ಮನ್ 29 ರನ್ ಗಳಿಸಿದರು. ಅಫ್ಘಾನಿಸ್ತಾನ ಪರ ನೂರ್ ಅಹ್ಮದ್ 2, ಮೊಹಮ್ಮದ್ ನಬಿ 2 ಹಾಗೂ ಮುಜೀಬ್ ಒಂದು ವಿಕೆಟ್ ಪಡೆದರು. ಉಳಿದಂತೆ ನೆದರ್ಲೆಂಡ್ಸ್ನ ನಾಲ್ವರು ಬ್ಯಾಟರ್ಗಳು ರನೌಟ್ ಆದರು.
