ಬೆಂಗಳೂರು : ವಿಶ್ವಕಪ್-2023 ಟೂರ್ನಿಯ 13ನೇ ಪಂದ್ಯದಲ್ಲಿ ಅಫ್ಘಾನ್ ದಾಳಿಗೆ ಹಾಲಿ ಚಾಂಪಿಯನ್ಸ್ ಆಂಗ್ಲರು ಹೀನಾಯ ಸೋಲು ಕಂಡರು.
ನವದೆಹಲಿಯ ಅರುಣ್ ಜೇಟ್ಲಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಅಫ್ಘಾನಿಸ್ತಾ ತಂಡ ಇಂಗ್ಲೆಂಡ್ ವಿರುದ್ಧ 69 ರನ್ಗಳ ಅಮೋಘ ಗೆಲುವು ಸಾಧಿಸಿತು. ಇದು ಅಫ್ಘಾನ್ಗೆ ಈ ವಿಶ್ವಕಪ್ ಟೂರ್ನಿಯಲ್ಲಿ ಮೊದಲ ಗೆಲುವಾದರೆ, ಇಂಗ್ಲೆಂಡ್ಗೆ ಎರಡನೇ ಸೋಲಾಗಿದೆ.
ಟಾಸ್ ಗೆದ್ದ ಇಂಗ್ಲೆಂಡ್ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡ 284 ರನ್ ಗಳಿಸಿತು. 285 ರನ್ಗಳ ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ಇಂಗ್ಲೆಂಡ್ 40.3 ಓವರ್ಗಳಲ್ಲಿ 215 ರನ್ಗಳಿಗೆ ಸರ್ವಪತನ ಆಗುವ ಮೂಲಕ ಹೀನಾಯ ಸೋಲು ಅನುಭವಿಸಿದರು.
ಇಂಗ್ಲೆಂಡ್ ಪರ ಬ್ರೂಕ್ 66, ಮಲಾನ್ 32, ಆದಿಲ್ 12 ರನ್ ಗಳಿಸಿದರು. ಉಳಿದಂತೆ ಜೋ ರೂಟ್, ಲಿವಿಂಗ್ಸ್ಟೋನ್, ಜಾನಿ ಬೈಸ್ಟೋ, ಜೋಸ್ ಬಟ್ಲರ್, ಸ್ಯಾಮ್ ಕರನ್ ಅಫ್ಘಾನ್ ತೂಫಾನ್ ಬೌಲಿಂಗ್ಗೆ ಪೆವಿಲಿಯನ್ ಪೆರೇಡ್ ನಡೆಸಿದರು. ಅಫ್ಘಾನ್ ಪರ ರೆಹಮಾನ್ ಹಾಗೂ ರಶೀದ್ ಖಾನ್ 3, ನಬಿ 2, ನವೀನ್ ಹಾಗೂ ಫಾರುಕ್ ತಲಾ ಒಂದು ವಿಕೆಟ್ ಪಡೆದರು.
