ಬೆಂಗಳೂರು : ನಮ್ಮ ಮೆಟ್ರೋ ಪ್ರಯಾಣಿಕರಿಗೆ BMRCL ಒಂದಲ್ಲಾ ಒಂದು ಖುಷಿ ಸುದ್ದಿಯನ್ನು ನೀಡುತ್ತಿದೆ. ಈಗ ಮತ್ತೊಂದು ಗುಡ್ ನ್ಯೂಸ್ ನೀಡಿದೆ.
ತನ್ನ ಪ್ರಯಾಣಿಕರಿಗೆ ಪ್ರಯಾಣವನ್ನು ಸುಲಭಗೊಳಿಸಲು ಮೆಟ್ರೋ ಹೊಸ ಮಾರ್ಗಕ್ಕೆ ಮುಂದಾಗಿದೆ. ಇನ್ಮುಂದೆ ನೀವು ಮೆಟ್ರೋದಲ್ಲಿ ಸೈಕಲ್ ಕೊಂಡೊಯ್ಯಬಹುದು. ಈ ಹಿಂದೆ BMRCL, ಮೆಟ್ರೋ ಒಳಗೆ ಕೊಂಡೊಯ್ಯಬಹುದಾಗಿರುವ ಬೈಸಿಕಲ್ನ ತೂಕ 15 ಕೆ.ಜಿಗಿಂತಲೂ ಹೆಚ್ಚು ಇರುವಂತಿಲ್ಲ. 60 CM x 45 CM x 25 CM ಅಳತೆಯನ್ನು ಮೀರುವಂತಿಲ್ಲ ಎಂದಿತ್ತು.
ಈಗ ಯುವಕರ ಗುಂಪೊಂದು ಮಡಚುವ ಸೈಕಲ್ನೊಂದಿಗೆ ಮೆಟ್ರೋ ಪ್ರಯಾಣ ಬೆಳೆಸಿದ್ದು ಸಾಮಾಜಿಕ ಜಾಲತಾಣದಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇತ್ತೀಚೆಗೆ ಪ್ರಾರಂಭಿಸಲಾದ ಪರ್ಪಲ್ ಲೈನ್ ಮೆಟ್ರೋದೊಳಗೆ ಮಡಚುವ ಸೈಕಲ್ನೊಂದಿಗೆ ಪ್ರಯಾಣ ಮಾಡಿದ ಫೋಟೋಗಳನ್ನು ವಿಕ್ರಮ್ ಲಿಮ್ಸೇ ಎಂಬ ಉದ್ಯಮಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
Making full of #Nammametro #purpleline to Whitefield on our @BromptonBicycle s.. super feeling .. @east_bengaluru @NammaMetro_ @ChristinMP_ @PCMohanMP @Tejasvi_Surya pic.twitter.com/15ORsriV35
— Vikram Limsay (@VikramLimsay) October 15, 2023
