ಬೆಂಗಳೂರು : ಸಮಾವೇಶದ ವೇಳೆ ಹೂಗುಚ್ಛ ತಂದು ಕೊಟ್ಟಿಲ್ಲ ಅಂತ ತೆಲಂಗಾಣ ಗೃಹ ಸಚಿವ ಮೊಹ್ಮದ್ ಅಲಿ ತಮ್ಮ ಭದ್ರತಾ ಸಿಬ್ಬಂದಿಗೆ ಕಪಾಳ ಮೋಕ್ಷ ಮಾಡಿದ್ದಾರೆ.
ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ ಗೃಹಸಚಿವರು ಸಂಪುಟ ಸಹೋದ್ಯೋಗಿ ಟಿ. ಶ್ರೀನಿವಾಸ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿ, ಆಲಂಗಿಸಿದರು. ಈ ವೇಳೆ ಹೂಗುಚ್ಛ ನೀಡಲು ಸನ್ನೆ ಮಾಡಿದ ಗೃಹಸಚಿವರಿಗೆ ಭದ್ರತಾ ಸಿಬ್ಬಂದಿ ಹೂಗುಚ್ಚ ನೀಡಿರಲಿಲ್ಲ. ಇದರಿಂದ ಕುಪಿತರಾರ ಗೃಹ ಸಚಿವರು ಭದ್ರತಾ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿದ್ದಾರೆ.
ಇದನ್ನು ಗಮನಿಸಿದ ಟಿ. ಶ್ರೀನಿವಾಸ್, ಭದ್ರತಾ ಸಿಬ್ಬಂದಿಯ ಬೆನ್ನುತಟ್ಟಿ ಬೇಸರ ಮಾಡಿಕೊಳ್ಳಬೇಡ ಎಂದು ಸಂತೈಸಿದ್ದಾರೆ. ಅಷ್ಟರಲ್ಲೇ ಹೂಗುಚ್ಛ ಸಚಿವರ ಕೈಗೆ ಬಂದಿದೆ. ಕೊನೆಗೆ ಶಾಲು ಹೊದಿಸಿ, ಹೂ ನೀಡಿ ಸನ್ಮಾನ ಮಾಡಿದ್ದಾರೆ. ಈ ದೃಶ್ಯ ಎಲ್ಲಡೆ ವೈರಲ್ ಆಗ್ತಿದ್ದು ಗೃಹ ಸಚಿವರ ನಡೆಗೆ ಭಾರೀ ಟೀಕೆ ವ್ಯಕ್ತವಾಗ್ತಿದೆ.
ಅಲಿ ನಡೆಗೆ ಬಿಜೆಪಿ ಖಂಡನೆ
ಗೃಹ ಸಚಿವ ಅಲಿ ಅವರು ತಮ್ಮ ಭದ್ರತಾ ಸಿಬ್ಬಂದಿಗೆ ಕಪಾಳಮೋಕ್ಷ ಮಾಡಿರುವ ಘಟನೆಯನ್ನು ಬಿಜೆಪಿ ಖಂಡಿಸಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ಬಿಜೆಪಿ ಸಂಸದ ಅರವಿಂದ ಧರ್ಮಪುರಿ ಅವರು, ಅಲಿ ಅವರು ಗನ್ಮ್ಯಾನ್ಗೆ ಹೊಡೆದ ಘಟನೆಯನ್ನು ಬಲವಾಗಿ ಖಂಡಿಸುತ್ತೇನೆ. ಪರಸ್ಪರ ಗೌರವಿಸುವುದು ಹಾಗೂ ಶಿಷ್ಟಾಚಾರ ಪಾಲನೆಯಿಂದ ನಾಯಕತ್ವ ಬೆಳೆಯಲಿದೆ. ಅಲಿ ಅವರ ವರ್ತನೆ ಸ್ವೀಕಾರಆರ್ಹವಲ್ಲ ಎಂದು Xನಲ್ಲಿ ಪೋಸ್ಟ್ ಮಾಡಿದ್ದಾರೆ.
#Telangana #HomeMinister Mahmood Ali loses cool, #slaps his gunman on stage (it appears like this) for delaying to get a bouquet, while he greets minister Talasani Srinivas Yadav, during the launching of CM KCR’s #BreakfastScheme in a govt school, today.#MahmoodAli #Hyderabad pic.twitter.com/a5jKJwYtEt
— Surya Reddy (@jsuryareddy) October 6, 2023
