ಬೆಂಗಳೂರ: ನಗರದಲ್ಲಿ ಮನೆ ಬಾಡಿಗೆ ಕೊಡುವ ನೆಪದಲ್ಲಿ ವಂಚನೆಗಳು ಹೆಚ್ಚಾಗಿದ್ದು, ಲೀಸ್ಗೆ ಮನೆ ಕೊಡುತ್ತೇನೆ ಎಂದು ಬೇರೆಯವರ ಮನೆ ತೋರಿಸಿ ಮಹಿಳೆಗೆ 8 ಲಕ್ಷದ 30, ಸಾವಿರ ವಂಚನೆ ಮಾಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ನೋ ಬ್ರೋಕರ್ನಲ್ಲಿ ಮನೆ ಲೀಸ್ಗೆ ಇರೋದನ್ನ ನೋಡಿದ ಮಹಿಳೆ ಅಲ್ಲಿದ್ದ ನಂಬರ್ಗೆ ಕಾಲ್ ಮಾಡಿದ್ದಾರೆ. ಅದಕ್ಕೆ ನೀವು ಕೇಳುವ ಮನೆ ಇಲ್ಲ. ಬೇರೆ ಮನೆ ಲೀಸ್ಗೆ ಇದೆ ಎಂದು ಆರೋಪಿ ಮೊಹಮದ್ ಸುಫಿಯಾನ್ ಹೇಳಿದ್ದ. ಕೆಂಪಾಪುರದ ಅಪಾರ್ಟ್ಮೆಂಟ್ ಮನೆ ತೋರಿಸಿ 10 ಲಕ್ಷಕ್ಕೆ ವ್ಯವಹಾರ ಡೀಲ್ ಮಾಡಿದ್ದ. ಆತನ ಮಾತು ನಂಬಿ ಮನೆ ನೋಡಿ ಇಷ್ಟಪಟ್ಟು ಟೋಕನ್ ಅಡ್ವಾನ್ಸ್ ಅಂತ 50 ಸಾವಿರ ನೀಡಿದ್ದಳು.
ಇದನ್ನೂ ಓದಿ: ನಟ ನಾಗಭೂಷಣ್ ಮೇಲೆ ಮತ್ತೊಂದು FIR
ಬಳಿಕ ಹಂತಹಂತವಾಗಿ ಒಟ್ಟು 8 ಲಕ್ಷದ 30, ಸಾವಿರ ಹಣವನ್ನ ಆರೋಪಿ ಹೇಳಿದ್ದ ಅಕೌಂಟ್ಗೆ ಕಳುಹಿಸಿದ್ದಾಳೆ. ಹಣ ತಲುಪಿದ ಮೇಲೆ ಮಹಿಳೆಗೆ ಮನೆ ಕೀ ಕೂಡ ಕೊಟ್ಟಿದ್ದ. ಆದರೆ ಮನೆ ಬೀಗ ತೆರೆಯಲು ಹೋದರೆ ಬೀಗ ತೆರೆಯಲು ಹೋದಾಗ ಅಸಲೀ ಸತ್ಯ ಬಯಲಿಗೆ ಬಂದಿದೆ.
ಮನೆಯ ಬಾಗಿಲು ತೆರೆಯಲು ಹೋದಾಗ ಅಪಾರ್ಟ್ಮೆಂಟ್ನ ಸೆಕ್ಯೂರಿಟಿ ಬಳಿ ವಿಚಾರಿಸಿದ್ದಾರೆ. ಈ ಮನೆಗೆ ಶ್ರೀನಿವಾಸ್ ಎಂಬ ಬೇರೆ ಓನರ್ ಇರುವುದಾಗಿ ಮಾಹಿತಿ ನೀಡಿದ್ದಾರೆ. ಕೂಡಲೇ ಈ ಬಗ್ಗೆ ನೋ ಬ್ರೋಕರ್ ಡಾಟ್. ಕಾಂ ಸೇರಿದಂತೆ ಮೂವರ ವಿರುದ್ದ ಅಮೃತಹಳ್ಳಿ ಠಾಣೆಗೆ ಮಹಿಳೆ ದೂರು ನೀಡಿದ್ದಾರೆ.
