ಬೆಂಗಳೂರು : ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 181 ರನ್ಗಳಿಗೆ ಸರ್ವಪತನ ಕಂಡಿದೆ. ಆ ಮೂಲಕ ಭಾರತ ಸಾಧಾರಣ ಟಾರ್ಗೆಟ್ ದಾಖಲಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಹಾರ್ದಿಕ್ ಪಾಂಡ್ಯ ಪಡೆ, 40.5 ಓವರ್ ಗಳಲ್ಲಿ 181 ರನ್ಗಳಿಸಿ ಆಲೌಟ್ ಆಯಿತು. ಟೀಂ ಇಂಡಿಯಾ ಪರ ಆರಂಭಿಕ ಬ್ಯಾಟರ್ ಇಶಾನ್ 55 ಹಾಗೂ ಶುಭ್ಮನ್ ಗಿಲ್ 34 ರನ್ ಗಳಿಸಿ ಉತ್ತಮ ಆರಂಭ ನೀಡಿದರು.
ಇವರಿಬ್ಬರೂ ಔಟಾದ ಬಳಿಕ ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳು ರನ್ಗಳಿಸುವಲ್ಲಿ ವಿಫಲರಾದರು. ಸಂಜು ಸ್ಯಾಮ್ಸನ್ 9, ಹಾರ್ದಿಕ್ ಪಾಂಡ್ಯ 7, ಸೂರ್ಯ ಕುಮಾರ್ ಯಾದವ್ 24, ರವೀಂದ್ರ ಜಡೇಜಾ 10, ಅಕ್ಷರ್ ಪಟೇಲ್ 1, ಶಾರ್ದುಲ್ 16 ರನ್ ಗಳಿಸಿದರು. ವಿಂಡೀಸ್ ಪರ ಶೆಫರ್ಡ್ 3, ಗುಡಾಕೇಶ್ 3 ಹಾಗೂ ಜೋಸೆಫ್ 2 ವಿಕೆಟ್ ಪಡೆದು ಮಿಂಚಿದರು.
