ಬೆಂಗಳೂರು: ಪ್ರೇಯಸಿಯಿಂದ ಅಂತರ ಕಾಯ್ದುಕೊಂಡಿದ್ದಕ್ಕೆ ಪ್ರಿಯಕರನಿಗೆ, ಯುವತಿಯು ಚಾಕು ಇರಿದು ಪರಾರಿಯಾಗಲು ಯತ್ನಿಸಿದ ಘಟನೆ ಬೆಂಗಳೂರಿನ ವಿವೇಕನಗರದಲ್ಲಿ ನಡೆದಿದೆ.
ಇದನ್ನೂ ಓದಿ: ಗೃಹಲಕ್ಷ್ಮಿಗೆ ಅರ್ಜಿಸಲ್ಲಿಸುವ ಪ್ರಕ್ರಿಯೆ ಇಂದು ಸ್ಥಗಿತ !
ಜೋಗೇಶ್ ಯುವತಿಯಿಂದ ಚಾಕು ಇರಿತಕ್ಕೊಳಗಾದ ಪ್ರೇಮಿ, ಬರೂತಿ ಜಂಟಿ ದಾಸ್ ಯುವಕನಿಗೆ ಚಾಕು ಇರಿದು ಪರಾರಿಗಿದ್ದ ಯುವತಿ, ಇತ್ತೀಚೆಗೆ ಪ್ರೇಯಸಿಯಿಂದ ಅಂತರ ಕಾಯ್ದುಕೊಂಡಿದ್ದ ಕಾರಣಕ್ಕೆ ಪ್ರಿಯಕರನ ವರ್ತನೆಗೆ ಬೇಸತ್ತ ಬರೂತಿ ಜಂಟಿ ದಾಸ್ ಪ್ರಿಯಕರನ ಮನೆಯಲ್ಲೇ ಗಲಾಟೆ ಮಾಡಿ ಚಾಕು ಇರಿದಿದ್ದಾಳೆ. ಗಾಯಾಳು ಜೋಗೇಶ್ ಸದ್ಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ.
ಅಸ್ಸಾಂ ಮೂಲದ ಪ್ರೇಮಿಗಳು ಬೆಂಗಳೂರಿನಲ್ಲಿ ವಾಸವಿದ್ದರು, ಬರೂತಿ ದಾಸ್ ಇಲ್ಲಿನ ಡೇ ಕೇರ್‌ನಲ್ಲಿ ಆಯಾ ಆಗಿ ಕೆಲಸ ಮಾಡುತ್ತಿದ್ದರೆ, ಜೋಗೇಶ್ ಸೆಕ್ಯೂರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತದ್ದ. ಆರೋಪಿ ಮಹಿಳೆಗೆ ಈ ಮೊದಲು ಮದುವೆಯೂ ಆಗಿತ್ತು, ಈ ನಡುವೆ ಮಹಿಳೆ ಜೊತೆ ಜೋಗೇಶ್ಗೆ ಪ್ರೇಮಾಂಕುರವಾಗಿತ್ತು, ಪ್ರೇಯಸಿ ಬರೂತಿ ಬಳಿ ಸಾಕಷ್ಟು ಹಣವನ್ನೂ ಪಡೆದಿದ್ದ ಈತ ಬಳಿಕ ಅಂತರ ಕಾಯ್ದುಕೊಳ್ಳಲು ಯತ್ನಿಸಿದ್ದ ಇದಕ್ಕೆ ರೋಸಿಹೋದ ಬರೂತಿ ದಾಸ್, ಅತ್ತ ಪ್ರೀತಿನೂ ಇಲ್ಲ, ಇತ್ತ ಹಣವೂ ಇಲ್ಲ ಎಂದು ಗಲಾಟೆ ತೆಗೆದು ಹೊಟ್ಟೆಗೆ ಚಾಕು ಇರಿದು ಪರಾರಿಯಾಗಿದ್ದಳು.
ಸದ್ಯ ಆರೋಪಿ ಬರೂತಿ ಜಂಟಿ ದಾಸ್ ಳನ್ನು ವಿವೇಕನಗರ ಪೊಲೀಸರು ಬಂಧಿಸಿದ್ದಾರೆ.
