ಮತ್ತೆ ರಾಕಿಭಾಯ್ ಅಬ್ಬರ ಶುರು – ನವೆಂಬರ್​ನಲ್ಲಿ ಕೆಜಿಎಫ್ ಹವಾ!

ರಾಕಿಂಗ್ ಸ್ಟಾರ್ ಅಭಿನಯದ ಕೆಜಿಎಫ್ ಪಂಚ ಭಾಷೆಗಳಲ್ಲಿ ಸದ್ದು ಮಾಡಿದ ಸಿನಿಮಾ. ಪ್ರಶಾಂತ್ ನೀಲ್ ನಿರ್ದೇಶನದ ಈ ಸಿನಿಮಾ ಸಪ್ತ ಸಾಗರದಾಚೆಗೂ ಸೌಂಡು ಮಾಡಿತ್ತು. ಕನ್ನಡ ಮಾತ್ರವಲ್ಲದೆ ಹಿಂದಿ, ತೆಲುಗು, ತಮಿಳು, ಮಲೆಯಾಳಂ ಭಾಷೆಗಳಲ್ಲಿ ಸಿನಿಮಾ ರಿಲೀಸ್ ಆಗಿತ್ತು. ಈ ಸಿನಿಮಾ ರಾಕಿಂಗ್ ಸ್ಟಾರ್ ಯಶ್​ ರನ್ನು ನ್ಯಾಷನಲ್ ಸ್ಟಾರ್ ಮಾಡಿತು. ಕೆಜಿಎಫ್ ರಿಲೀಸ್ ಆದ ಬಳಿಕ ಪರಭಾಷಾ ಮಾಧ್ಯಮಗಳು ಯಶ್ ಅವರನ್ನು ಕೆಜಿಎಫ್ ಸ್ಟಾರ್ ಎಂದೇ ಕರೆಯುತ್ತಿವೆ.
ಕನ್ನಡದ ಬ್ರಾಂಡ್​ ವ್ಯಾಲ್ಯುವನ್ನು ಹೆಚ್ಚಿಸಿದ ಕನ್ನಡದ ಗೋಲ್ಡನ್ ಫಿಲ್ಮ್​ ಕೆಜಿಎಫ್​ನ ಚಾಪ್ಟರ್ 2 ಚಿತ್ರೀಕರಣ ನಡೀತಾ ಇದೆ. ಈ ನಡುವೆ ಚಾಪ್ಟರ್ 1 ರೀ ರಿಲೀಸ್ ಆಗುವ ಸುದ್ದಿ ಬಂದಿದೆ. ನವೆಂಬರ್ 1ರಂದು ಕೆಜಿಎಫ್ ಚಾಪ್ಟರ್ 1 ರೀ ರಿಲೀಸ್ ಆಗ್ತಿದೆ.
ಹೌದು ಹೊಂಬಾಳೆ ಫಿಲ್ಮ್ಸ್​ನ ಕಾರ್ತಿಕ್ ಗೌಡ ಟ್ವೀಟ್ ಮೂಲಕ ಈ ವಿಷಯ ತಿಳಿಸಿದ್ದಾರೆ. ಸಿನಿಮಾ 25 ರಿಂದ 30 ಥಿಯೇಟರ್​ಗಳಲ್ಲಿ ತೆರೆ ಕಾಣಲಿದೆ. ಬೆಂಗಳೂರಿನ ಊರ್ವಶಿ, ಕಾವೇರಿ, ಗೋಪಾಲನ್ ಆರ್ಚ್​, ಸಂಧ್ಯಾ ಮಾನಸ ಸೇರಿದಂತೆ ರಾಜ್ಯದ ನಾನಾ ಥಿಯೇಟರ್ ಗಳಲ್ಲಿ ಸಿನಿಮಾ ರಿಲೀಸ್ ಆಗಿದೆ.

#KGFChapter1 releases in around 25 to 30 screens on Nov1st for a day at few centres and for a week at few. Catch the film at @Urvashi4KCinema #Cauvery #GopalanArch #Sandhya #Manasa and many other places throughout the state. Relive the madness. #RockyBhaiisBack pic.twitter.com/gijv4inJWr

— Karthik Gowda (@Karthik1423) October 29, 2019