ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಪೆನ್ ಬಿಟ್ಟು ಗನ್ ಹಿಡಿಯುತ್ತಿದ್ದಾರೆ. ರಗ್ಬಿ ಅಂಗಳಿಂದ ಹೊಸ ಫೀಲ್ಡ್ಗೆ ಎಂಟ್ರಿ ಕೊಡೋಕೆ ಅಪ್ಪು ತಯಾರಿ ನಡೆಸುತ್ತಿದ್ದಾರೆ. ‘ಭರಾಟೆ’ ಡೈರೆಕ್ಟರ್ ಚೇತನ್ ಕುಮಾರ್ ಅಪ್ಪು ಜೊತೆ ಸೇರಿ ‘ಭರ್ಜರಿ’ ಸಿನಿಮಾವೊಂದನ್ನು ಮಾಡಲು ಸಕಲ ಸನ್ನದ್ಧರಾಗಿದ್ದಾರೆ. ಅಪ್ಪು-ಚೇತನ್ ಕಾಂಬಿನೇಷನ್ನ ಮೂವಿ ಸೆಟ್ಟೇರೋಕೆ ರೆಡಿಯಾಗಿದೆ.
ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಫ್ಯಾನ್ಸ್ ಸದ್ಯ ‘ಯುವರತ್ನ’ ಟೀಸರ್ ನೋಡಿ ಕಳೆದೋಗಿದ್ದಾರೆ. ಯಾವಗಪ್ಪಾ ಸಿನಿಮಾ ರಿಲೀಸ್ ಆಗುತ್ತೆ ಅಂತ ಕಾಯ್ತಿದ್ದಾರೆ. ವರ್ಷಾರಂಭದಲ್ಲಿ ‘ ನಟಸಾರ್ವಭೌಮ’ ನಾಗಿ ಮಿಂಚಿದ್ದ ಅಪ್ಪು, ‘ಯುವರತ್ನ’ನಾಗಿ ಸದ್ದು ಮಾಡುವ ತವಕದಲ್ಲಿದ್ದಾರೆ. ‘ಯುವರತ್ನ’ನ ಪವರ್ ಕಣ್ತುಂಬಿಕೊಳ್ಳುವ ಕಾತುರದಲ್ಲಿದ್ದಾರೆ ಅಭಿಮಾನಿಗಳು.
ಈ ನಡುವೆ ಫ್ಯಾನ್ಸ್ಗೆ ಮತ್ತೊಂದು ಸ್ವೀಟ್ ನ್ಯೂಸ್ ಸಿಕ್ಕಿದೆ. ಅಪ್ಪು ಹೊಸ ಸಿನಿಮಾ ಶೂಟಿಂಗ್ ಆರಂಭಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಸ್ಟಾರ್ ಡೈರೆಕ್ಟರ್ ಭರ್ಜರಿ ಚೇತನ್ ಕುಮಾರ್ ಆ್ಯಕ್ಷನ್ ಕಟ್ ಹೇಳಲಿರೋ ಸಿನಿಮಾ ಅದಾಗಿರೋದ್ರಿಂದ ನಿರೀಕ್ಷೆ ಸಿಕ್ಕಾಪಟ್ಟೆ ದೊಡ್ಡದಾಗಿಯೇ ಇದೆ. ಅಪ್ಪು- ಚೇತನ್ ಕಾಂಬಿನೇಷನ್ನ ಆ ಸಿನಿಮಾ ಈಗಾಗಲೇ ಸಖತ್ ಸದ್ದು ಮಾಡ್ತಿದೆ..! ನೀವೂ ಕೂಡ ಆ ಸಿನಿಮಾದ ಮೋಶನ್ ಪೋಸ್ಟರ್ ನೋಡಿದ್ದೀರಿ. ನಿಮ್ಮ ಕುತೂಹಲವೂ ಗರಿಗೆದರಿದೆ.
ಹೌದು. ಪುನೀತ್ ರಾಜ್ಕುಮಾರ್ ಮತ್ತು ಚೇತನ್ ಕಾಂಬಿನೇಷನ್ನ ಹೊಸ ಮೂವಿ ಬಗ್ಗೆ ನಿಮ್ಗೆ ಈಗಾಗಲೇ ಗೊತ್ತಾಗಿದೆ. ಅಪ್ಪು-ಚೇತು ಜೋಡಿಯ ಹೊಸ ಸಿನಿಮಾ ‘ಜೇಮ್ಸ್’. ಅಪ್ಪು ಬರ್ತ್ಡೇ ದಿನ, ಅಂದ್ರೆ ಮಾರ್ಚ್ 17ರಂದು ಜೇಮ್ಸ್ ಮೋಷನ್ ಪೋಸ್ಟರ್ ರಿಲೀಸ್ ಆಗಿತ್ತು. ಪೋಸ್ಟರ್ ನೋಡಿಯೇ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ಪೋಸ್ಟರ್ನಿಂದ ಗಮನ ಸೆಳೆದಿದ್ದ ‘ಜೇಮ್ಸ್’ ಸೆಟ್ಟೇರೋಕೆ ಇಷ್ಟು ದಿನ ಘಳಿಗೆ ಕೂಡಿ ಬಂದಿರ್ಲಿಲ್ಲ. ಒಂದ್ಕಡೆ ಸಂತೋಷ್ ಆನಂದ್ ರಾಮ್ ನಿರ್ದೇಶನದ ‘ಯುವರತ್ನ’ ಸಿನಿಮಾದಲ್ಲಿ ಅಪ್ಪು ಬ್ಯುಸಿ ಇದ್ದಾರೆ. ಇನ್ನೊಂದ್ ಕಡೆ ಡೈರೆಕ್ಟರ್ ಚೇತನ್ ಕುಮಾರ್ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ‘ ಭರಾಟೆ’ ಯಲ್ಲಿ ಬ್ಯುಸಿ. ಸದ್ಯದಲ್ಲೇ ಈ ಎರಡು ಸಿನಿಮಾ ಕೆಲಸ ಕಂಪ್ಲೀಟ್ ಆಗಲಿದೆ. ಎಲ್ಲಾ ಅಂದುಕೊಂಡಂತೆ ಆದ್ರೆ, ಈ ಎರಡೂ ಸಿನಿಮಾಗಳು ಶೀಘ್ರದಲ್ಲೇ ರಿಲೀಸ್ ಕೂಡ ಆಗುತ್ತಿವೆ. ಈಗ ಅಪ್ಪು-ಚೇತು ಹೊಸ ಪ್ರಾಜೆಕ್ಟ್ ಕೆಲಸಕ್ಕೆ ಕೈ ಹಾಕಲಿದ್ದಾರೆ.
ನವೆಂಬರ್ನಲ್ಲಿ ಜೇಮ್ಸ್ ಚಿತ್ರೀಕರಣ ಆರಂಭವಾಗಲಿದೆ. ಯುವರತ್ನ ಸಿನಿಮಾದಲ್ಲಿ ಕಾಲೇಜು ವಿದ್ಯಾರ್ಥಿಯಾಗಿ, ರಗ್ಬಿ ಆಟಗಾರನಾಗಿರುವ ಪುನೀತ್ ರಾಜ್ಕುಮಾರ್ ಜೇಮ್ಸ್ನಲ್ಲಿ ವಿಭಿನ್ನ ಗೆಟಪ್, ಲುಕ್ನಲ್ಲಿ ಕಾಣಿಸಿಕೊಳ್ಳಲಿದ್ದು, ಹಿಂದೆಂದೂ ಕಾಣದ ಪವರ್ ಸ್ಟಾರ್ ದರ್ಶನ ಭಾಗ್ಯ ಅಭಿಮಾನಿಗಳಿಗೆ ಸಿಗಲಿದೆ.
ಬಹದ್ದೂರ್, ಭರ್ಜರಿ ಅಂಥಾ ಬಿಗ್ ಹಿಟ್ ಸಿನಿಮಾಗಳನ್ನು ನೀಡಿರುವ ಡೈರೆಕ್ಟರ್ ಚೇತನ್ ಕುಮಾರ್ ನಿರ್ದೇಶನದ ಭರಾಟೆ ಸಿನಿಮಾ ಈಗಾಗಲೇ ಸಿಕ್ಕಾಪಟ್ಟೆ ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಬಾಕ್ಸ್ ಆಫೀಸಲ್ಲಿ ಈ ಸಿನಿಮಾ ಸಖತ್ ಸೌಂಡ್ ಮಾಡುವ ಎಲ್ಲಾ ಲಕ್ಷಣಗಳೂ ಕಂಡು ಬರ್ತಾ ಇವೆ.
ಇನ್ನು, ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರ ‘ಯುವರತ್ನ’ ಕೂಡ ಸಖತ್ ಸದ್ದು ಮಾಡ್ತಿದೆ. ರಿಲೀಸ್ ಆದ್ಮೇಲೆ ಬಾಕ್ಸ್ ಆಫೀಸನ್ನು ಯುವರತ್ನ ಆಳುವ ಎಲ್ಲಾ ಲಕ್ಷಣಗಳು ಕಂಡುಬರ್ತಾ ಇವೆ. ಈ ಸ್ಟಾರ್ ಡೈರೆಕ್ಟರ್- ಸ್ಟಾರ್ ಆ್ಯಕ್ಟರ್ ಕಾಂಬಿನೇಷನ್ನ ‘ಜೇಮ್ಸ್ ‘ ಶೂಟಿಂಗ್ ಅಖಾಡಕ್ಕೆ ಇಳಿಯುವ ಮುನ್ನವೇ ಭರ್ಜರಿ ಸೌಂಡು ಮಾಡ್ತಾ ಇದ್ದು, ನಮ್ ಕಡೆಯಿಂದಲೂ ಅಪ್ಪು- ಚೇತು ಅಂಡ್ ಟೀಮ್ಗೆ ಶುಭಹಾರೈಕೆ.
