ಲಖನೌ : ಹೃದಯ ಯಾವ ಭಾಗದಲ್ಲಿರುತ್ತೆ..? ಅರೆ, ಏನ್ರಿ.. ರೀ ಇದೊಂದು ಕ್ವಷನ್ನಾ? ಆಟ ಆಡೋ ಮಕ್ಕಳನ್ನು ಕೇಳಿದ್ರೂ ಹೇಳ್ತಾರೆ, ಎಡಭಾಗದಲ್ಲಿ ಅಂತ. ನೀವೇನು ವಿಶೇಷವಾಗಿ ಕೇಳ್ತಿದ್ದೀರಾ ಅನ್ನೋದು ನಿಮ್ಮ ಪ್ರಶ್ನೆ ಅಲ್ವಾ? ಆದರೆ ಇದೊಂದು ಸೋಜಿಗದ ಸ್ಟೋರಿ..ವ್ಯಕ್ತಿಯೊಬ್ಬರಿಗೆ ಎಡಭಾಗದ ಬದಲು ಬಲ ಭಾಗದಲ್ಲಿ ಹೃದಯವಿದೆ..!
ಅಚ್ಚರಿ ಆದ್ರೂ ಇದು ಸತ್ಯ.. ಸತ್ಯ .. ಸತ್ಯ..! ಉತ್ತರ ಪ್ರದೇಶದ ಖುಷಿನಗರದ ಜಮಾಲುದ್ದೀನ್ ಅನ್ನೋ ವ್ಯಕ್ತಿ ಬಲಭಾಗದಲ್ಲಿ ಹೃದಯ ಹೊಂದಿರುವವರು..! ಜಮಾಲುದ್ದೀನ್ ಅವರಿಗೂ ಮೊನ್ನೆ ಮೊನ್ನೆ ತನಕ ಈ ವಿಷಯ ಗೊತ್ತಿರ್ಲಿಲ್ಲ…!
ಇತ್ತೀಚೆಗೆ ಸಿಕ್ಕಾಪಟ್ಟೆ ಹೊಟ್ಟೆ ನೋವು ಅಂತ ಅವರು ಗೋರಖ್ಪುರ ಆಸ್ಪತ್ರೆಗೆ ಹೋಗಿದ್ರು. ಡಾಕ್ಟರ್ ಸ್ಕ್ಯಾನಿಂಗ್ ಮಾಡ್ದಾಗ ಈ ಅಚ್ಚರಿ ಸಂಗತಿ ಬಯಲಾಗಿದೆ.
ಜಮಾಲುದ್ದೀನ್ ದೇಹದಲ್ಲಿ ಅಂಗಾಗಳು ಇರಬೇಕಾದ ಜಾಗದಲ್ಲಿ ಇಲ್ಲ..! ಹೃದಯ ಮಾತ್ರವಲ್ಲ ಎಲ್ಲಾ ಒಳ ಅಂಗಾಗಳು ಕೂಡ ಉಲ್ಟಾಪಲ್ಟಾ..ಅಂದರೆ ಕನ್ನಡಿಯಲ್ಲಿ ನೋಡಿದಾಗ ಕಾಣುವಂತೆ ‘ರಿವರ್ಸ್’ ಆಗಿವೆ. ಇದನ್ನು ಸೈಟಸ್ ಇನ್ ವರ್ಸಸ್ ಅಂತ ಕರೀತಾರೆ. ಇದು ಬಹಳ ಅಪರೂಪದಲ್ಲಿ ಅಪರೂಪದ ಪ್ರಕರಣ. ವಿಶ್ವದ ಕೆಲವೇ ಕೆಲವು ಮಂದಿಯಲ್ಲಿ ಮಾತ್ರ ಈ ರೀತಿ ರಚನೆ ಆಗಿರುತ್ತಂತೆ. ಇದರಿಂದ ವ್ಯಕ್ತಿಗೆ ಯಾವ್ದೇ ರೀತಿಯ ತೊಂದರೆ ಆಗಲ್ಲ. ಜೀವಕ್ಕೂ ಅಪಾಯವಿಲ್ಲ ಅಂತ ಡಾಕ್ಟರ್ ಅಭಯ ನೀಡಿದ್ದಾರೆ.
