ಬಾಂಗ್ಲಾ ವಿರುದ್ಧ ಐತಿಹಾಸಿಕ ಟೆಸ್ಟ್ ಜಯ ದಾಖಲಿಸಿದ ಅಫ್ಘಾನಿಸ್ತಾನ..!

ಕ್ರಿಕೆಟ್ ಶಿಶು ಅಂತ ಕರೆಸಿಕೊಳ್ಳುವ ಅಪ್ಘಾನಿಸ್ತಾನ ಬಾಂಗ್ಲಾ ಹುಲಿಗಳ ವಿರುದ್ಧ ನಡೆದ ಏಕೈಕ ಟೆಸ್ಟ್​​ನಲ್ಲಿ ಐತಿಹಾಸಿಕ ಜಯ ದಾಖಲಿಸಿ ಬೀಗಿದೆ.
ಬಾಂಗ್ಲಾದ ಜೊಹೂರ್ ಅಹ್ಮದ್ ಚೌಧರಿ ಸ್ಟೇಡಿಯಂನಲ್ಲಿ ನಡೆದ ಟೆಸ್ಟ್​​ನಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಅಪ್ಘಾನಿಸ್ತಾನ ರಹಮತ್ ಶಾರರ ಸೆಂಚುರಿ ನೆರವಿನಿಂದ 342ರನ್ ಮಾಡಿತ್ತು. ಬಳಿಕ ತನ್ನ ಮೊದಲ ಇನ್ನಿಂಗ್ಸ್ ಬ್ಯಾಟಿಂಗ್ ನಡೆಸಿದ ಬಾಂಗ್ಲಾ ಹುಲಿಗಳು ಅಪ್ಘನ್ ಕ್ಯಾಪ್ಟನ್ ರಶೀದ್ ಖಾನ್ ದಾಳಿಗೆ ತತ್ತರಿಸಿ 205ರನ್​ಗಳಿಗೆ ಆಲ್​ಔಟ್ ಆದರು.
137ರನ್​ಗಳ ಮುನ್ನಡೆಯೊಂದಿಗೆ ತನ್ನ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಅಫ್ಘನ್​​ ಇಬ್ರಾಹಿಂ ಝದ್ರಾಸ್​ರವರ ಹಾಫ್​ ಸೆಂಚುರಿ (87)ರನ್​ಗಳ ನೆರವನಿಂದ 260ರನ್​ ಗಳಿಸಿತು. ಒಟ್ಟಾರೆ 397ರನ್​ ಗುರಿ ಬೆನ್ನತ್ತಿದ ಬಾಂಗ್ಲಾ ತನ್ನ ಸೆಕೆಂಡ್​ ಇನ್ನಿಂಗ್ಸ್​​ನಲ್ಲೂ ರಶೀದ್ ಖಾನ್​ ದಾಳಿಗೆ ನಲುಗಿ 173ರನ್​​ಗಳಿಗೆ ಆಲ್​ಔಟ್ ಆಯ್ತು. ಅಪ್ಘನ್ನರು ಬಾಂಗ್ಲಾ ವಿರುದ್ಧ 224ರನ್​ಗಳ ಐತಿಹಾಸ ಗೆಲುವು ಸಾಧಿಸಿತು. ಮೊದಲ ಇನ್ನಿಂಗ್ಸ್​ನಲ್ಲಿ 5 ಮತ್ತು ಸೆಕೆಂಡ್​ ಇನ್ನಿಂಗ್ಸ್​​ನಲ್ಲಿ 6 ವಿಕೆಟ್ ಕಿತ್ತ ಕ್ಯಾಪ್ಟನ್ ರಶೀದ್ ಖಾನ್ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದ್ರು.