ಬೆಂಗಳೂರು: ಹೊಸಕೋಟೆಯ ಅನರ್ಹ ಶಾಸಕ MTB ನಾಗರಾಜ್ರವರು ದುಬಾರಿ ಬೆಲೆಯ ರೋಲ್ಸ್ ರಾಯ್ಸ್ ಕಾರು ಖರೀದಿ ಮಾಡಿದ್ದಾರೆ. ಇಂದು ಸಿಎಂ ಕಚೇರಿಗೆ ಅದೇ ಕಾರಿನಲ್ಲಿ ಬಂದ ಅವರು ಎಲ್ಲರ ಆಕರ್ಷಣೆಗೆ ಗುರಿಯಾದ್ರು.
ಮೈತ್ರಿ ಸರ್ಕಾರದ ವಿರುದ್ಧ ಬಂಡಾಯವೆದ್ದು ರಾಜೀನಾಮೆ ನೀಡಿದ್ದ MTB ನಾಗರಾಜ್ರವರು ಶಾಸಕ ಸ್ಥಾನದಿಂದ ಅನರ್ಹಗೊಂಡಿದ್ರು. ಆರಂಭದಲ್ಲಿ ಮಾಜಿ ಸಿಎಂ ಸಿದ್ಧರಾಮಯ್ಯರವರ ಆಪ್ತರಾಗಿದ್ದ ಅವರು ಬಳಿಕ ಅತೃಪ್ತ ಶಾಸಕರ ಬಣದಲ್ಲಿ ಗುರುತಿಸಿಕೊಂಡ್ರು. ರಾಜೀನಾಮೆ ಪತ್ರ ಸಲ್ಲಿಸಿದ ಬಳಿಕ ಕಾಂಗ್ರೆಸ್ನ ಯಾವೂದೇ ನಾಯಕರ ಮನವೊಲಿಕೆಗೂ ಬಗ್ಗದ MTB ನಾಗರಾಜ್ ಅವ್ರು ಮೈತ್ರಿ ಸರ್ಕಾರದ ಪತನಕ್ಕೆ ಕಾರಣರಾಗಿದ್ರು. ಕಳೆದ ವಿಧಾನಸಭಾ ಎಲೆಕ್ಷನ್ ವೇಳೆ ತಮ್ಮ ಆಸ್ತಿ ಘೋಷಿಸಿಕೊಂಡಿದ್ದ ನಾಗರಾಜ್ ಅವರು ದೇಶದಲ್ಲಿಯೇ ಅತೀ ಶ್ರೀಮಂತ ಶಾಸಕರಾಗಿ ಗುರುತಿಸಿಕೊಂಡಿದ್ರು. ಹಲವಾರು ಐಷಾರಾಮಿ ವಾಹನಗಳನ್ನು ಅವರು ಹೊಂದಿದ್ದು ಇದೀಗ ಮತ್ತೊಂದು ಕಾರನ್ನು ಖರೀದಿಸಿದ್ದಾರೆ.
ಲಂಡನ್ನಿಂದ 12 ಕೋ.ರೂಗಳನ್ನು ನೀಡಿ ಕಾರು ಖರೀದಿಸಿರುವ MTB ನಾಗರಾಜ್ ಅವರು ಒಂದು ವರ್ಷದ ಹಿಂದೆಯೇ ಈ ಕಾರನ್ನು ಆರ್ಡರ್ ಮಾಡಿದ್ರಂತೆ. KA 59 N 888 ನೋಂದಣಿ ಸಂಖ್ಯೆಯ ಈ ಕಾರನ್ನು ವೈಟ್ ಪೆಟ್ರೋಲ್ನಿಂದ ಓಡಿಸಲಾಗುತ್ತೆ. ಇನ್ನು ಈ ಬಗ್ಗೆ ಪ್ರತಿಕ್ರಿಯಿಸಿರುವ MTB ನಾಗರಾಜ್ ಅವರು, ಇದು ನನ್ನ ಕನಸಿನ ಕಾರು. ಕರ್ನಾಟಕದಲ್ಲಿ ನನ್ನ ಬಳಿ ಮಾತ್ರ ಈ ಕಾರು ಇರೋದು. ತುಂಬಾ ವರ್ಷಗಳಿಂದ ಇದನ್ನ ತಗೋಬೇಕು ಅಂತಿದ್ದೆ ಎಂದು ಹೇಳಿಕೆ ನೀಡಿದ್ದಾರೆ.
