ಮತ್ತೊಂದು ರೆಕಾರ್ಡ್​​ಗೆ ಹಿಟ್​​ಮ್ಯಾನ್​ ರೆಡಿ – ಸಿಕ್ಸರ್​​ ಕಿಂಗ್​ ಆಗಲಿದ್ದಾರೆ ರೋಹಿತ್​ ..!

ಟೀಮ್ ಇಂಡಿಯಾದ ಉಪ ನಾಯಕ ರೋಹಿತ್ ಶರ್ಮಾ ಅದ್ಭುತ ಫಾರ್ಮ್​ನಲ್ಲಿದ್ದಾರೆ. ಕಳೆದ ವರ್ಲ್ಡ್​​ಕಪ್​ನಲ್ಲಿ ಅತ್ಯಧಿಕ ರನ್​ಗಳಿಸಿದ ಬ್ಯಾಟ್ಸ್​ಮನ್ ಆಗಿರುವ ರೋಹಿತ್ ಶರ್ಮಾ, 5 ಶತಕ ಸಿಡಿಸುವ ಮೂಲಕ ದಾಖಲೆ ಬರೆದಿದ್ದರು. ಇದೀಗ ಮತ್ತೊಂದು ದಾಖಲೆಯನ್ನು ಮಾಡಲು ಡಬಲ್ ಸೆಂಚುರಿ ಸ್ಟಾರ್ ಸಜ್ಜಾಗಿದ್ದಾರೆ.
ಇಂದು ಅಮೆರಿಕದ ಫ್ಲೋರಿಡಾದ ಲೌಡರ್​​ಹಿಲ್​ನಲ್ಲಿ ಇಂಡೋ-ವಿಂಡೀಸ್​ ನಡುವೆ ಮೊದಲ ಟಿ20 ಮ್ಯಾಚ್​ ನಡೆಯಲಿದೆ. ಈ ಮ್ಯಾಚ್​​ನಲ್ಲಿ ರೋಹಿತ್ ಶರ್ಮಾ ಕೇವಲ ನಾಲ್ಕೇ ನಾಲ್ಕು ಸಿಕ್ಸರ್ ಸಿಡಿಸಿದ್ರೂ ಸಿಕ್ಸರ್ ಕಿಂಗ್ ಆಗಲಿದ್ದಾರೆ..! ಟಿ20ಯಲ್ಲಿ 105 ಸಿಕ್ಸ್​​ ಬಾರಿಸಿರೋ ಕ್ರಿಸ್​ಗೇಲ್​ ಅತೀ ಹೆಚ್ಚು ಸಿಕ್ಸ್​ ಸಿಡಿಸಿದವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, 103 ಸಿಕ್ಸ್ ಬಾರಿಸಿರುವ ನ್ಯೂಜಿಲೆಂಡ್​ನ ಮಾರ್ಟಿನ್​ ಗಪ್ಟಿಲ್​ 2ನೇ ಸ್ಥಾನದಲ್ಲಿದ್ದಾರೆ. 102 ಸಿಕ್ಸ್ ಹೊಡೆದಿರುವ ರೋಹಿತ್ 3ನೇ ಸ್ಥಾನದಲ್ಲಿದ್ದು 4 ಸಿಕ್ಸ್​ ಬಾರಿಸದರೆ ನಂಬರ್ 1 ಸ್ಥಾನಕ್ಕೆ ಬರಲಿದ್ದಾರೆ.