ಲಾರಿ ಹಾಗೂ ಡೀಸೆಲ್ ಟ್ಯಾಂಕರ್ ನಡುವೆ ಮುಖಾಮುಖಿ ಡಿಕ್ಕಿ: ಓರ್ವ ಸಾ*ವು, ಐವರಿಗೆ ಗಂಭೀರ ಗಾಯ

ಹಾಸನ : ಇಚರ್ ಕ್ಯಾಂಟರ್ ಹಾಗೂ ಡಿಸೇಲ್ ಟ್ಯಾಂಕರ್ ನಡುವೆ ಮುಖಾಮುಖಿ ಡಿಕ್ಕಿಯಾಗಿ ಓರ್ವ ಸಾವನ್ನಪ್ಪಿದ್ದು, ಐವರಿಗೆ ಗಂಭೀರ ಗಾಯವಾಗಿದೆ ಎಂದು ಮಾಹಿತಿ ದೊರೆತಿದೆ.

ಹಾಸನ ಜಿಲ್ಲೆ, ಅರಸೀಕೆರೆ ತಾಲ್ಲೂಕಿನ, ನಾಗರಹಳ್ಳಿ ಕಟ್ಟೆ ಬಳಿ ಘಟನೆ ನಡೆದಿದ್ದು. ತಿಪಟೂರು ಕಡೆಯಿಂದ ಬರುತ್ತಿದ್ದ KA-13 Q-1344 ನಂಬರ್‌ನ ಡಿಸೇಲ್ ಟ್ಯಾಂಕರ್​ಗೆ, ಮೆಕ್ಕೆಜೋಳ ಲೋಡ್ ಮಾಡಿಕೊಂಡು ಅರಸೀಕೆರೆ ಕಡೆಗೆ ತೆರಳುತ್ತಿದ್ದ ಇಚರ್​ ಟ್ಯಾಂಕರ್​ ಮುಖಾಮುಖಿ ಡಿಕ್ಕಿಯಾಗಿ ಅಪಘಾತ ಸಂಭವಿಸಿದೆ. ಅಪಘಾತದಲ್ಲಿ ಬಿಹಾರ್​ ಮೂಲದ 25 ವರ್ಷದ ಶಹಬಾಜ್​ ಎಂಬಾತ ಮೃತ ಪಟ್ಟಿದ್ದು. ಅಪಘಾತದ ರಭಸಕ್ಕೆ ಮೃತನ ರುಂಡ, ಮುಂಡ ಬೇರ್ಪಟ್ಟಿದೆ.

ಇದನ್ನೂ ಓದಿ :ನೇಹಾ ಹಿರೇಮಠ ಕೊಲೆ ಪ್ರಕರಣದಲ್ಲಿ ಶಾಸಕನೊಬ್ಬನ ಕೈವಾಡವಿದೆ: ಪ್ರಮೋದ ಮುತಾಲಿಖ್​

ಇನ್ನು ಅಪಘಾತದಲ್ಲಿ ಚಾಲಕ ಸೇರಿ ನಾಲ್ವರಿಗೆ ಗಂಭೀರ ಗಾಯವಾಗಿದ್ದು. ಗಾಯಾಳುಗಳನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಅಪಘಾತದ ನಂತರ ಡೀಸಲ್​ ಚಾಲಕ ಪರಾರಿಯಾಗಿದ್ದಾನೆ ಅಪಘಾತದಿಂದ ರಸ್ತೆಯಲ್ಲಿ ಮೆಕ್ಕೆ ಜೋಳ ಚೆಲ್ಲಾಡಿದ್ದು. ಗಂಡಸಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ ಎಂದು ತಿಳಿದು ಬಂದಿದೆ.