ಕೋವಿಡ್ -19 ವೈರಸ್ ಜಗತನ್ನು ಅಕ್ಷರಶಃ ನಡುಗಿಸದ ವೈರಸ್ ಆಗಿದ್ದು. ಈ ವೈರಸ್ನ ಜನಕ ಚೀನಾ ಎಂದು ವಿಶ್ವವೆ ಒಪ್ಪಿಕೊಂಡಿದೆ. ಕೆಲವರು ಇದನ್ನು ಚೀನಾ ಪ್ರಪಂಚದ ಮೇಲೆ ನಡೆಸಿದ ಬಯೋ ವಾರ್ ಎಂದು ಬಣ್ಣಿಸಿದ್ದರು. ಆದರೆ ಈ ವೈರಸ್ ಹೊಡೆತಕ್ಕೆ ಇಡೀ ಪ್ರಪಂಚ ಯುದ್ದಭೂಮಿಯಾಗಿ ಬದಲಾಗಿದ್ದಂತು ಸತ್ಯ ಎನ್ನಬಹುದು.
ಕೋವಿಡ್-19ನಿಂದ ಲಕ್ಷಾಂತರ ಜನರು ಪ್ರಾಣ ಕಳೆದುಕೊಂಡರೆ, ಕೋಟ್ಯಾಂತರ ಕುಟುಂಬಗಳು ಬೀದಿಪಾಲಾದವು. ಇನ್ನು ಆರ್ಥಿಕತೆಯ ವಿಷಯವನ್ನು ಕೇಳುವುದೇ ಬೇಡ, ವಿಶ್ವದ ದೊಡ್ಡಣ ಎಂದೆನಿಸಿಕೊಳ್ಳುವ ಅಮೇರಿಕಾ ಕೂಡ ಈ ವೈರಸ್ ಎದುರು ಮಂಡಿ ಊರುವಂತಾಯಿತು. ಈ ವೈರಸ್ ಭಾದೆಯಿಂದ ಜನರು ನಿಧಾನವಾಗಿ ಹೊರಗೆ ಬರುವ ವೇಳೆಗೆ ಮತ್ತೊಂದು ಆಘಾತಕಾರಿ ವರದಿ ಹೊರಗೆ ಬಂದಿದ್ದು. 5 ವರ್ಷದ ಬಳಿಕ ಚೀನಾದಲ್ಲಿ ಮತ್ತೊಂದು ಮಾರಕ ವೈರಸ್ ಪತ್ತೆಯಾಗಿದೆ ಎಂದು ತಿಳಿದು ಬಂದಿದೆ.
ಯಾವುದಿದು ಹೊಸ ವೈರಸ್ !
ಚೀನಾ ಹ್ಯೂಮನ್ ಮೆಟಾಪ್ನ್ಯೂಮೋವೈರಸ್ (HMPV) ಎಂಬ ವೈರಸ್ ಈಗ ದೊಡ್ಡ ತಲೆನೋವಾಗುವ ಎಲ್ಲಾ ಲಕ್ಷಣ ತೋರಿಸಿದೆ. ಚೀನಾ ಮಾಧ್ಯಮಗಳು ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಹಾಕಿರುವ ಪೋಸ್ಟ್‌ಗಳು ಈ ವೈರಸ್ ವೇಗವಾಗಿ ಹರಡುತ್ತಿರುವುದನ್ನು ಖಚಿತಪಡಿಸಿದೆ. ಆಸ್ಪತ್ರೆಗಳು ಭರ್ತಿಯಾಗಿದ್ದರೆ ಸ್ಮಶಾನಗಳಲ್ಲಿ ಕೂಡ ಹೆಣಗಳ ಸಂಖ್ಯೆ ಹೆಚ್ಚಿರುವುದನ್ನು ಅನೇಕ ಪೋಸ್ಟ್‌ಗಳು ತಿಳಿಸಿವೆ.
ಇದನ್ನೂ ಓದಿ : ಸಿದ್ದಗಂಗಾ ಮಠಕ್ಕೆ ಡಾಲಿ ಭೇಟಿ : ಗದ್ದುಗೆಗೆ ಪೂಜೆ ಸಲ್ಲಿಸಿದ ಧನಂಜಯ್ !
ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು, ಇನ್‌ಫ್ಲುಯೆನ್ಸ A, ಹೆಚ್‌ಎಂಪಿವಿ, ಮೈಕೋಪ್ಲಾಸ್ಮಾ ನ್ಯುಮೋನಿಯಾ ಮತ್ತು ಕೋವಿಡ್-19 ಸೇರಿದಂತೆ ಅನೇಕ ವೈರಸ್‌ಗಳು ಹರಡುತ್ತಿವೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ. ಈ ವೈರಸ್ 14 ವರ್ಷದ ಒಳಗಿನ ಮಕ್ಕಳಿಗೆ ಹೆಚ್ಚು ಹಾನಿಕಾರಕ ಎಂದು ತಿಳಿದು ಬಂದಿದೆ.
ಈ ವೈರಸ್ ಹರಡುವಿಕೆಯನ್ನು ತಡೆಗಟ್ಟಲು ಚೀನಾ ಆರೋಗ್ಯ ತುರ್ತುಪರಿಸ್ಥಿತಿ ಘೋಷಿಸಿದೆ ಎಂದು ತಿಳಿದು ಬಂದಿದ್ದರು. ಇದರ ಬಗ್ಗೆ ಚೀನಾ ಇನ್ನು ಅಧಿಕೃತವಾಗಿ ಯಾವುದೇ ಮಾಹಿತಿಯನ್ನು ನೀಡಿಲ್ಲ. ಆದರೆ ಈ ಸಾಮಾಜಿಉಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಮಾಹಿತಿಯನ್ನು ಹಲ್ಲೆಗಳೆಯಲು ಸಾಧ್ಯವಿಲ್ಲ ಎಂಬುದಂತು ನಿಜ .
