ಬಾಗಲಕೋಟೆ : ಎದುರಿಗೆ ಬರುತ್ತಿದ್ದ ಟ್ಯಾಂಕರ್ಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಹೋಗಿ ಕೆಎಸ್ಆರ್ಟಿಸಿ ಬಸ್ ರಸ್ತೆಯ ಪಕ್ಕದ ಹಳ್ಳಕ್ಕೆ ವಾಲಿದ್ದು. ಕೂದಲೆಳೆ ಅಂತರದಲ್ಲಿ ಭಾರಿ ದುರಂತ ತಪ್ಪಿದೆ. ಅಪಘಾತದಲ್ಲಿ ಸುಮಾರು 4 ಜನರಿಗೆ ಸಣ್ಣ ಪುಟ್ಟ ಗಾಯವಾಗಿದೆ ಎಂದು ತಿಳಿದು ಬಂದಿದೆ.
ಬೆನ್ನೂರು ಗ್ರಾಮದಿಂದ ಹೊರಟ್ಟಿದ್ದ KSRTC ಬಸ್ ಬಾಗಲಕೋಟೆ ಕಡೆಗೆ ಬರುತ್ತದ್ದ ವೇಳೆ ಟ್ಯಾಂಕರ್ ಅಡ್ಡ ಬಂದಿದ್ದ. ಈ ವೇಳೆ ಟ್ಯಾಂಕರ್ ಜೊತೆಗೆ ಸಂಭವಿಸಬಹುದಾದ ಅಪಘಾತದ ಬಗ್ಗೆ ಮುನ್ನಚರಿಕೆ ವಹಿಸಿದ ಬಸ್ ಚಾಲಕ ಬಸ್ನ್ನು ರಸ್ತೆಯ ಎಡಭಾಗಕ್ಕೆ ತೆಗೆದುಕೊಂಡಿದ್ದಾನೆ. ಈ ವೇಳೆ ಬಸ್ ರಸ್ತೆ ಪಕ್ಕದಲ್ಲಿದ್ದ ಇಳಿಜಾರಿಗೆ ಇಳಿದಿದ್ದು. ಭಾಗಶಃ ವಾಲಿಕೊಂಡಿದೆ.
ಇದನ್ನೂ ಓದಿ : ಮಗಳ ಮೇಲೆ ಕಣ್ಣು ಹಾಕಿದ ಪತಿಯನ್ನು ತುಂಡು ತುಂಡು ಮಾಡಿದ ಪತ್ನಿ : ನಂತರ ನಡೆಯಿತು ರೋಚಕ ಕಹಾನಿ
ಬಸ್ನಲ್ಲಿದ್ದ ಪ್ರಯಾಣಿಕರು ಕಿಟಕಿ ಗಾಜುಗಳನ್ನು ಒಡೆದು ಬಸ್ನಿಂದ ಹೊರಗೆ ಬಂದಿದ್ದಾರೆ. ಪ್ರಯಾಣಿಕರಲ್ಲಿ ನಾಲ್ಕೈದು ಜನರಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ. ಸ್ಥಳಕ್ಕೆ ಬಾಗಲಕೋಟೆ ಗ್ರಾಮೀಣ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ ಎಂದು ಮಾಹಿತಿ ದೊರೆತಿದೆ.
