ಮೆಲ್ಬೋರ್ನ್ : ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಬ್ಯಾಟರ್ಗಳು ಭಾರತದ ಮೇಲೆ ಸವಾರಿ ನಡೆಸಿದ್ದು. ಮೊದಲ ದಿನದಾಟದ ಅಂತ್ಯಕ್ಕೆ 6 ವಿಕೆಟ್ ಕಳೆದುಕೊಂಡಿರುವ ಆಸ್ಟ್ರೇಲಿಯಾ ತಂಡ 311ರನ್ಗಳನ್ನು ಗಳಿಸಿದೆ.
ಪದಾರ್ಪಣೆ ಮಾಡಿದ ಮೊದಲ ಪಂದ್ಯದಲ್ಲೆ ಆಸ್ಟ್ರೇಲಿಯಾದ 19 ವರ್ಷದ ಆರಂಭಿಕ ಆಟಗಾರ ಸಾಮ್ ಕೋನ್ಸ್ಟಾನ್ ಹಾಗೂ ಉಸ್ಮಾನ್ ಖವಾಜ 89 ರನ್ ಪೇರಿಸಿ ಉತ್ತಮ ಅಡಿಪಾಯ ಹಾಕಿದರು. ಆರಂಭದಿಂದಲೆ ಹೊಡಿಬಡಿ ಆಟಕ್ಕೆ ಮುಂದಾದ ಸಾಮ್ ಕೋನ್ಸ್ಟಾನ್ ಕಲಾತ್ಮಕ ಒಡೆತಗಳ ಮೂಲಕ ಎಲ್ಲರ ಉಬ್ಬೇರುವಂತೆ ಮಾಡಿದರು. 65 ಎಸೆತಗಳಲ್ಲಿ 60ರನ್ ಗಳಿಸಿದ ಕೋನ್ಸ್ಟಾನ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿ ರವೀಂದ್ರ ಜಡೇಜ್ ಬೌಲಿಂಗ್ನಲ್ಲಿ ಎಲ್ಬಿ ಬಲೆಗೆ ಬಿದ್ದರು.
ಇದನ್ನೂ ಓದಿ : ತಲೆಗೆ ಏಟು ಬಿದ್ದಿದ್ದಕ್ಕೆ ಕೆ.ಸಿ ಜನರಲ್ ಹೆರಿಗೆ ಆಸ್ಪತ್ರೆಗೆ ಹೋಗಿ ದಾಖಲಾಗಿದ್ದಾರೆ : ಲಗ್ಗೆರೆ ನಾರಯಣಸ್ವಾಮಿ
ಮತ್ತೊಂದೆಡೆ ಉಸ್ಮಾನ್ ಖವಾಜ (57), ಲಾಬುನೇಷ್ (72), ಸ್ಟೀವನ್ ಸ್ಮಿತ್(68) ರನ್ಗಳನ್ನು ಗಳಿಸಿ ಭಾರತಕ್ಕೆ ತಲೆನೋವಾಗಿ ಪರಿಣಮಿಸಿದರು. ಕಳೆದ ಎರಡು ಪಂದ್ಯಗಳಲ್ಲಿ ಭಾರತಕ್ಕೆ ತಲೆ ನೋವಾಗಿ ಪರಿಣಮಿಸಿದ್ದ ಟ್ರಾವಿಸ್ ಹೆಡ್ರನ್ನು ಬುಮ್ರಾ ಶೂನ್ಯಕ್ಕೆ ಔಟ್ ಮಾಡುವ ಮೂಲಕ ಗಮನಸೆಳೆದರು. ಇದರ ಜೊತೆಗೆ ಮಿಚಲ್ ಮಾರ್ಷ್(4) ಮತ್ತು ಅಲೆಕ್ಸ್ ಕ್ಯಾರಿ (31)ರನ್ಗಳಿಸಿದರು. ನಾಯಕ ಪ್ಯಾಟ್ ಕಮಿನ್ಸ್ 8 ರನ್ಗಳಿಸಿ ನಾಳೆಗೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಭಾರತದ ಪರ ಬುಮ್ರಾ 3 ವಿಕೆಟ್ ಗಳಿಸಿದರೆ, ವಾಷಿಂಗ್ಟನ್ ಸುಂದರ್, ಆಕಾಶ್ ದೀಪ್ ಹಾಗೂ ಜಡೇಜಾ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
