ಮಂಡ್ಯ : ಕರ್ನಾಟಕ ರಾಜಕೀಯ ಇತಿಹಾಸದಲ್ಲಿ ಕೃಷ್ಣ ಪಥ ಯುಗಾಂತ್ಯವಾಗಿದ್ದು, ಇಂದು ಮಂಡ್ಯದ ಸೋಮನಹಳ್ಳಿಯಲ್ಲಿ ಅವರ ಅಂತ್ಯಕ್ರಿಯೆ ನಡೆಯುತ್ತಿದೆ. ಈ ವೇಳೆ ರಾಜ್ಯ ಕಂಡ ಧೀಮಂತ ನಾಯಕನಿಗೆ ರಾಜಕೀಯ ಗಣ್ಯರು ಅಶ್ರು ತರ್ಪಣದ ಮೂಲಕ ಗೌರವ ಸೂಚಿಸಿದ್ದಾರೆ.
ರಾಜ್ಯ ಸಿಎಂ ಸಿದ್ದರಾಮಯ್ಯ, ಡಿ.ಕೆ ಶಿವಕುಮಾರ್, ಯಡಿಯೂರಪ್ಪ, ಕುಮಾರಸ್ವಾಮಿ, ಬಸವರಾಜ್ಬೊಮ್ಮಾಯಿ, ಆರ್.ಅಶೋಕ್, ವಿಜಯೇಂದ್ರ, ಕೆ.ಎಚ್. ಮುನಿಯಪ್ಪ, ಎಚ್.ಸಿ ಮಹದೇವಪ್ಪ, ಪರಮೇಶ್ವರ್, ಎಚ್.ಕೆ ಪಾಟೀಲ್, ಸುಧಾಕರ್, ಸಿ.ಟಿ ರವಿ, ಅಶ್ವತ್ ನಾರಾಯಣ್, ಲಕ್ಷ್ಮಿ ಹೆಬ್ಬಳ್ಕಾರ್, ಪ್ರಹ್ಲಾಧ್ ಜೋಶಿ ಸೇರಿದಂತೆ ಅನೇಕ ರಾಜಕೀಯ ಗಣ್ಯರು ಅಗಲಿದ ಎಸ್.ಎಂ ಕೃಷ್ಣರಿಗೆ ಗೌರವ ತೋರಿದರು.
ನಂತರ ಪೋಲಿಸರು ಮೂರು ಸುತ್ತುಗಳ ಕುಶಾಲಾತೋಪು ಸಿಡಿಸುವ ಮೂಲಕ ಸರ್ಕಾರದ ವತಿಯಿಂದ ಸಲ್ಲಿಸಬೇಕಿದ್ದ ಗೌರವವನ್ನು ಸಲ್ಲಿಸಿ. ಶ್ರದ್ದಾಂಜಲಿಯನ್ನು ಅರ್ಪಿಸಿದರು. ಗೌರವಾರ್ಥವಾಗಿ ಎಸ್.ಎಂ ಕೃಷ್ಣರಿಗೆ ಹೊದಿಸಿದ್ದ ತಿವರ್ಣ ಧ್ವಜವನ್ನು ತೆಗೆದು ಅದನ್ನು ಅವರ ಕುಟುಂಬಸ್ಥರಿಗೆ ನೀಡುವ ಮೂಲಕ ರಾಜ್ಯ ಕಂಡ ಅಜಾತ ಶತ್ರು ರಾಜಕಾರಣಿಗೆ ಗೌರವ ಸೂಚಿಸಲಾಗಿದೆ.
