ದಾವಣಗೆರೆ: ಜಿಲ್ಲೆಯ ಹರಿಹರ ತಾಲೂಕಿನ ಕುಣಿಬೆಳಕೆರೆ ಮತ್ತು ಹೊನ್ನಾಳಿ ತಾಲೂಕಿನ ಕುಳಗಟ್ಟೆ ಗ್ರಾಮಸ್ಥರ ಮಧ್ಯೆ ಕೋಣಕ್ಕಾಗಿ ಫೈಟ್ ನಡೆಯುತ್ತಿದ್ದು. ಎರಡು ಊರಿನ ಗ್ರಾಮಸ್ಥರು ಕೋಣ ನಮ್ಮದು ಎಂದು ಪೋಲಿಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಕೋಣಕ್ಕಾಗಿ ಎರಡು ಗ್ರಾಮಗಳ ನಡುವೆ ಪರಿಸ್ಥಿತಿ ವಿಕೋಪಕ್ಕೆ ಹೋಗಿದ್ದು. ಕುಣಿಬೆಳಕೆರೆ ಗ್ರಾಮಸ್ಥರು ಕೋಣ ನಮ್ಮದೆಂದು ಮಲೆಬೆನ್ನೂರು ಪೋಲಿಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಇದಕ್ಕೆ ಪ್ರತಿಯಾಗಿ ಕುಳಗಟ್ಟೆ ಗ್ರಾಮಸ್ಥರು ಕೂಡ ಹೊನ್ನಳಿ ಪೋಲಿಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಎರಡು ಗ್ರಾಮಗಳ ನಡುವಿನ ಪರಿಸ್ಥಿತಿ ವಿಕೋಪಕ್ಕೆ ತಿರುಗವ ಹಂತಕ್ಕೆ ಬಂದಿರುವುದನ್ನು ಗಮನಿಸಿದ ಪೋಲಿಸರು ಕೋಣವನ್ನು ಬಂಧಿಸಿ ಶಿವಮೊಗ್ಗ ಗೋಶಾಲೆ ಕಳುಹಿಸಿದ್ದಾರೆ ಎಂದು ತಿಳಿದು ಬಂದಿದೆ.
ಒಂದು ಕಡೆಯ ಗ್ರಾಮಸ್ಥರು ನಮ್ಮ ಕೋಣ 8 ವರ್ಷದು ಎಂದು ವಾದಿಸುತ್ತಿದ್ದರೆ. ಇನ್ನೊಂದು ಗ್ರಾಮದ ಗ್ರಾಮಸ್ಥರು 3 ವರ್ಷ ಎಂದು ಹೇಳುತ್ತಿದ್ದಾರೆ. ಇದೀಗ ಕೋಣಕ್ಕೆ ಎಷ್ಟು ವಯಸ್ಸು ಎಂದು ಕಂಡುಹಿಡಿಯಲು ಪಶು ವೈದ್ಯಾಧಿಕಾರಿಗಳ ಮೊರೆ ಹೋಗಿದ್ದು. ಕೋಣದ ಹಲ್ಲಿನ ಮೇಲೆ ಅದಕ್ಕೆ ಎಷ್ಟು ವಯಸ್ಸಾಗಿದೆ ಎಂದು ಗುರುತಿಸಲಾಗುತ್ತದೆ ಎಂದು ಮಾಹಿತಿ ದೊರೆತಿದೆ.
