ನಾಯಿ ತರ ಫಾಲೋ ಮಾಡ್ಬೇಡಿ : ಪೋಲಿಸರಿಗೆ ಅವಾಜ್ ಹಾಕಿದ ಸೈಲೆಂಟ್​ ಸುನೀಲ !

ಬೆಂಗಳೂರು : ಸಾಮಾನ್ಯವಾಗಿ ಪೋಲಿಸರು ರೌಡಿಗಳಿಗೆ ಬೈಯುವುದನ್ನು ನೋಡಿರುತ್ತೇವೆ. ಆದರೆ ಬೆಂಗಳೂರಿನಲ್ಲಿ ನಡೆದ ರೌಡಿಗಳ ಸಮ್ಮೇಳನದಲ್ಲಿ ಬೆಂಗಳೂರಿನ ಕುಖ್ಯಾತ ರೌಡಿಶೀಟರ್​ ಸೈಲೆಂಟ್​ ಸುನೀಲ ಪೋಲಿಸರಿಗೆ ಬಾಯಿಗೆ ಬಂದ ಹಾಗೆ ಬೈಯದಿದ್ದು. ಜೊತೆಗೆ ಪೋಲಿಸರನ್ನೆ ತಳ್ಳಿ ಅವಾಜ್​​ ಹಾಕಿದ್ದಾನೆ ಎಂದು ತಿಳಿದು ಬಂದಿದೆ.

ಕಳೆದ ತಿಂಗಳು ಸುನೀಲನ ಅತ್ಯಾಪ್ತ ಬಲರಾಮ ಮರಣ ಹೊಂದಿದ್ದನು. ಇವನಿಗೆ ನಮನ ಸಲ್ಲಿಸಲು ನವೆಂಬರ್​ 28ರಂದು ಕಾರ್ಯಕ್ರಮ ಅಯೋಜನೆ ಮಾಡಿದ್ದರು. ಈ ಕಾರ್ಯಕ್ರಮದಲ್ಲಿ ಸೈಲೆಂಟ್​ ಸುನೀಲ್​, ಮಾರ್ಕೆಟ್​ ವೇಡಿ, ಒಂಟೆ ರೋಹಿತ್​, ಶಿವಮೊಗ್ಗ ಕಾಂತಯ್ಯ, ಸೆಂದಿಲ್ ಸೇರಿದಂತೆ ಅನೇಕ ರೌಡಿ ಶೀಟರ್​​ಗಳು ಮತ್ತು ಸಾಕಷ್ಟು ಪುಡಿರೌಡಿಗಳು ಸಹ ಇವರ ಜೊತೆಗೆ ಸೇರಿಕೊಂಡಿದ್ದರು.

ಕಾರ್ಯಕ್ರಮ ಆಯೋಜನೆಯ ಮಾಹಿತಿಯನ್ನು ಪಡೆದ ಸಿಸಿಬಿ ಪೋಲಿಸರು ಈ ಕಾರ್ಯಕ್ರಮಕ್ಕೆ ಹೋಗಿದ್ದರು. ಇವರನ್ನು ನೋಡಿದ್ದೇ ತಡ ಸೈಲೆಂಟ್​ ಸುನೀಲ ಆಕ್ರೋಶಗೊಂಡಿದ್ದು.’ನಾನ್ ಎಲ್ಲೋದ್ರು ನನ್ ಹಿಂದೆ ಬರ್ತೀರಾ, ನಾಯಿ ತರ ಫಾಲೊ ಮಾಡ್ತೀರ’ ಎಂದು ಪೊಲೀಸರಿಗೆ ಬಾಯಿಗೆ ಬಂದ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ಈ ವೇಳೆ ಪೋಲಿಸರು ಸೈಲೆಂಟ್​ ಸುನೀಲಾನನ್ನು ವಶಕ್ಕೆ ಪಡೆಯಲು ಮುಂದಾಗಿದ್ದಾರೆ. ಆದರೆ ಇದ್ಯಾವುದಕ್ಕೂ ಕೇರ್​ ಮಾಡದ ಸುನೀಲಾ ಪೋಲಿಸರನ್ನೆ ಸೈಡಿಗೆ ತಳ್ಳಿ ರಾಜರೋಷವಾಗಿ ತನ್ನ ಕಾರ್​ನಲ್ಲಿ ಹೊರಟು ಹೋಗಿದ್ದಾನೆ ಎಂದು ತಿಳಿದು ಬಂದಿದೆ.

ಸುನೀಲಾನ ವರ್ತನೆಗೆ ಬೇಸತ್ತ ಸಿಸಿಬಿ ಪೋಲಿಸ್​​ ಹರೀಶ್​ (ASI) ಎಂಬುವವರು​ ಮಲ್ಲೇಶ್ವರಂ ಪೋಲಿಸ್​ ಠಾಣೆಗೆ ದೂರು ನೀಡಿದ್ದು. ದೂರು ದಾಖಲಿಸಿಕೊಂಡಿರುವ ಪೋಲಿಸರು ಸೈಲೆಂಟ್​ ಸುನೀಲನ ಮೇಲೆ ಎಫ್​ಐಆರ್​ ದಾಖಲಿಸಿಕೊಂಡಿದ್ದಾರೆ ಎಂದು ಮಾಹಿತಿ ದೊರೆತಿದೆ.