ಬೆಂಗಳೂರು: ಟಾಕ್ಸಿಕ್ ಸಿನಿಮಾದ ಸೆಟ್ ನಿರ್ಮಾಣ ಮಾಡಲು ಮರ ಕಡಿದ ಆರೋಪ ಎದುರಿಸುತ್ತಿದ್ದ ಟಾಕ್ಸಿಕ್ ಸಿನಿಮಾ ತಂಡಕ್ಕೆ ಹೈಕೋರ್ಟ್ ರಿಲೀಫ್ ನೀಡಿದ್ದು. ನಿರ್ಮಾಪಕರ ವಿರುದ್ದ ದಾಖಲಿಸಿದ್ದ ಎಫ್ಐಆರ್ಗೆ ಹೈಕೋರ್ಟ್ ತಡೆ ನೀಡಿ ಆದೇಶ ಹೊರಡಿಸಿದೆ.
ಸಿನಿಮಾ ತಂಡದ ವಿರುದ್ದ ಇರುವ ಆರೋಪವೇನು !
1963 ರಲ್ಲಿ ರಾಜ್ಯ ಸರ್ಕಾರ ಹೆಚ್ಎಂಟಿಗೆ ಸುಮಾರು 400 ಎಕರೆ ಜಮೀನನ್ನು ನೀಡಿತ್ತು. ಇದರಲ್ಲಿನ 18 ಎಕರೆ ಜಮೀನನ್ನು ಹೆಚ್ಎಂಟಿ, ಕೆನಾರಾ ಬ್ಯಾಂಕ್ಗೆ ಮಾರಾಟ ಮಾಡಿತ್ತು. ಇದೇ ಭೂಮಿಯಲ್ಲಿ ಟಾಕ್ಸಿಕ್ ಚಿತ್ರತಂಡ ಸುಮಾರು 30 ಕೋಟಿ ಹಣವನ್ನು ಹೂಡಿಕೆ ಮಾಡಿ ಸಿನಿಮಾ ಸೆಟ್ ಹಾಕಿದ್ದರು.
ಈ ಭೂಮಿಯಲ್ಲಿ ಅರಣ್ಯವನ್ನು ಕಡೆದು ಸೆಟ್ ನಿರ್ಮಿಸಿದ್ದಾರೆ ಎಂದು ಟಾಕ್ಸಿಕ್ ಚಿತ್ರತಂಡದ ನಿರ್ಮಾಪಕರ ವಿರುದ್ದ ದೂರು ದಾಖಲಿಸಲಾಗಿತ್ತು. ಈ ಜಾಗಕ್ಕೆ ಅರಣ್ಯ ಸಚಿವ ಈಶ್ವರ್ ಖಂಡ್ರೆ ಕೂಡ ಭೇಟಿ ನೀಡಿ ಪರಿಶೀಲನೆ ನಡೆಸಿ ಕ್ರಮ ಕೈಗೊಳ್ಳುತ್ತೇವೆ ಎಂದು ಹೇಳಿದ್ದರು. ಆದರೆ ಸರ್ಕಾರ ಸುಪ್ರಿಂ ಕೋರ್ಟ್ಗೆ ಈ ಭೂಮಿ ಅರಣ್ಯ ಪ್ರದೇಶವಲ್ಲ ಎಂದು ಹೇಳಿದ್ದರಿಂದ. ಇಂದು ನ್ಯಾ.ಎಂ ನಾಗಪ್ರಸನ್ನರ ಪೀಠ ಎಫ್ಐಆರ್ಗೆ ತಡೆ ನೀಡಿ ಆದೇಶಿಸಿದೆ.
