ಮುಂಬೈ : ರಾಷ್ಟ್ರದ ಕುತೂಹಲ ಕೆರಳಿಸಿದ್ದ ಮಹರಾಷ್ಟ್ರ ಸಿಎಂ ಅಭ್ಯರ್ಥಿಯ ಹೆಸರು ಕೊನೆಗು ಘೋಷಣೆಯಾಗಿದ್ದು. ಬಿಜೆಪಿಯ ದೇವೇಂದ್ರ ಫಡ್ನವೀಸ್ ಮಹರಾಷ್ಟ್ರದ ಸಿಎಂ ಆಗಿ ನಾಳೆ ಪ್ರಮಾಣ ವಚನ ಸ್ವೀಕಾರ ಮಾಡುತ್ತಾರೆ ಎಂದು ಮಾಹಿತಿ ದೊರೆತಿದೆ.
ಚುನಾವಣಾ ಫಲಿತಾಂಶ ಬಂದು ಕಳೆದ 12 ದಿನಗಳಿಂದ ಮಹರಾಷ್ಟ್ರದ ಸಿಎಂ ಯಾರು ಎಂಬ ಪ್ರಶ್ನೆಗೆ ಕೊನೆಗು ಉತ್ತರ ದೊರೆತಿದ್ದು. ಮಾಜಿ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಮತ್ತೆ ಸಿಎಂ ಗಾದಿಗೆ ಏರುವುದು ಖಚಿತವಾಗಿದೆ ಎಂದು ಮಾಹಿತಿ ದೊರೆತಿದೆ. ಏಕನಾಥ್ ಶಿಂಧೆ ತಮ್ಮ ಸಿಎಂ ಸ್ಥಾನವನ್ನು ಬಿಟ್ಟುಕೊಟ್ಟಿದ್ದು, ಡಿಸಿಎಂ ಆಗಿ ಪ್ರಮಾಣ ವಚನ ಸ್ವೀಕಾರ ಮಾಡಲಿದ್ದಾರೆ. ಅದರ ಜೊತೆಗೆ NCPಯ ಅಜಿತ್ ಪವಾರ್ ಕೂಡ ಡಿಸಿಎಂ ಆಗಿ ಪ್ರಮಾಣ ವಚನ ಸ್ವೀಕಾರ ಮಾಡಲಿದ್ದಾರೆ ಎಂದು ತಿಳಿದು ಬಂದಿದೆ.
ದೇವೇಂದ್ರ ಫಡ್ನೀವೀಸ್ ಸಿಎಂ ಆಗಲು ಮೈತ್ರಿ ಪಕ್ಷದ ಎಲ್ಲಾ ಶಾಸಕರು ಒಮ್ಮತವನ್ನು ಸೂಚಿಸಿದ್ದು. ಶಾಸಕಾಂಗ ಪಕ್ಷದ ಸಭೆಯಲ್ಲಿ ಒಮ್ಮತದಿಂದ ಫಡ್ನವೀಸ್ರನ್ನು ಸಿಎಂ ಆಗಿ ಘೋಶಿಸಿದ್ದಾರೆ.
ಕಗ್ಗಾಂಟಾಗಲಿದೆಯ ಸಚಿವ ಖಾತೆ ಹಂಚಿಕೆ ?
ಮಹರಾಷ್ಟ್ರದ ಸಿಎಂ ಆಯ್ಕೆಯಾಗುತ್ತಲೆ ಸಚಿವ ಸಂಪುಟ ರಚನೆ ಬಗ್ಗೆ ಚರ್ಚೆಗಳು ಆರಂಭವಾಗಿದ್ದು. ಯಾರಿಗೆ ಎಷ್ಟು ಸ್ಥಾನಗಳು ಸಿಗಲಿವೆ ಎಂದು ಕುತೂಹಲ ಮೂಡಿಸಿದೆ. ಸಿಎಂ ಸ್ಥಾನ ಬಿಟ್ಟು ಕೊಟ್ಟಿರುವ ಏಕನಾಥ್ ಶಿಂಧೆ ಗೃಹ ಖಾತೆ, ಹಣಕಾಸು ಖಾತೆ, ನಗರಾಭಿವೃದ್ದಿ ಖಾತೆ ಸೇರಿದಂತೆ ಕೆಲವು ಮುಖ್ಯ ಖಾತೆಗಳಿಗೆ ಬೇಡಿಕೆ ಇಟ್ಟಿದ್ದಾರೆ ಎಂದು ಮಾಹಿತಿ ದೊರೆತಿದೆ.
ಪ್ರತಿ ಆರು ಶಾಸಕರಿಗೆ ಒಂದು ಸಚಿವ ಸ್ಥಾನದಂತೆ ಖಾತೆ ಹಂಚಿಕೆ ಮಾಡಲಾಗುತ್ತದೆ ಎಂದು ಮಾಹಿತಿ ದೊರೆತಿದ್ದು. ಆ ರೀತಿಯಾಗಿ ಬಿಜೆಪಿ ಕನಿಷ್ಟ 22 ಸಚಿವ ಸ್ಥಾನ, ಶಿಂಧೆ ಶಿವಸೇನೆಗೆ 10 ರಿಂದ 12 ಸಚಿವ ಸ್ಥಾನ, ಮತ್ತು ಎನ್ಸಿಪಿಗೆ 8 ರಿಂದ 9 ಸ್ಥಾನಗಳು ಸಿಗಲಿದೆ ಎಂದು ಮಾಹಿತಿ ದೊರೆತಿದೆ.
