ಬೆಂಗಳೂರು : ಕಲ್ಟ್ ಸಿನಿಮಾದ ನಾಯಕ ನಟ ಜೈದ್ ಖಾನ್ ಮತ್ತು ಸಿನಿಮಾದ ನಿರ್ದೇಶಕ ಅನಿಲ್ ಮೇಲೆ ಗಂಭೀರ ಆರೋಪ ಬಂದಿದ್ದು. ಇವರಿಂದ ಅನ್ಯಾಯವಾಗಿದೆ ಎಂದು ಆರೋಪಿಸಿ ಸಿನಿಮಾದ ಡ್ರೋನ್ ಟೆಕ್ನೀಷಿಯನ್ ಸಂತೋಶ್ ಎಂಬುವವರು ಆತ್ಮಹತ್ಯಗೆ ಯತ್ನಿಸಿದ್ದಾರೆ.
ಡ್ರೋನ್ ಟೆಕ್ನೀಷಿಯನ್ ಸಂತೋಷ್ ಸ್ವಂತ ಡ್ರೋನ್ ಹೊಂದಿದ್ದು.25 ಲಕ್ಷ ರೂಪಾಯಿ ಸಾಲಸೂಲಾ ಮಾಡಿ ಡ್ರೋನ್ ಖರೀದಿ ಮಾಡಿದ್ದರು. ಮಾರ್ಟಿನ್, ಯುವ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿರುವ ಸಂತೋಶ್, ಪ್ರತಿ ದಿನದ ಶೂಟಿಂಗ್ಗೆ 25 ಸಾವಿರ ಚಾರ್ಜ್ ಮಾಡುತ್ತಿದ್ದರು.
ಆದರೆ ಕಳೆದ 25 ರಂದು ಚಿತ್ರದುರ್ಗದಲ್ಲಿ ಕಲ್ಟ್ ಸಿನಿಮಾದ ಶೂಟಿಂಗ್ ನಡೆಯುತ್ತಿದ್ದ ವೇಳೆ ಸಿನಿಮಾದ ನಿರ್ದೇಶಕರ ಒತ್ತಾಯದ ಮೇರೆಗೆ ರಿಸ್ಕ್ ತೆಗೆದುಕೊಂಡು ಸಂತೋಶ್ ಚಿತ್ರೀಕರಣ ನಡೆಸುತ್ತಿದ್ದರು. ಈ ವೇಳೆ ಡ್ರೋನ್ ವಿಂಡ್ ಫ್ಯಾನ್ಗೆ ತಗುಲಿ ಪೀಸ್ ಪೀಸ್ ಆಗಿದೆ. ಇದಾದ ಬಳಿಕ ಸಂತೋಷ್ ತಮ್ಮ ಚಿತ್ರ ತಂಡದ ಬಳಿ ನಷ್ಟ ಕಟ್ಟಿಕೊಡುವಂತೆ ಕೇಳಿಕೊಂಡಿದ್ದರು. ಆದರೆ ಚಿತ್ರತಂಡ ಇದರ ಬಗ್ಗೆ ಕಿವಿಕೊಡದಿದ್ದಾಗ ಚಿತ್ರದ ನಿರ್ಮಾಣ ಮಾಡುತ್ತಿದ್ದ ಜೈದ್ ಖಾನ್ ಬಳಿ ಹಣ ನೀಡುವಂತೆ ಸಂತೋಷ್ ಕೇಳಿಕೊಂಡಿದ್ದನು ಎಂದು ಮಾಹಿತಿ ದೊರೆತಿದೆ.
ಆದರೆ ನಟ ಜೈದ್ ಖಾನ್ ಸಂತೋಷ್ ಬಳಿ ವೈಟ್ ಪೇಪರ್ ಮೇಲೆ ಸಹಿ ಮಾಡಿಸಿಕೊಂಡು, ಸುಮಾರು ಒಂದುವರೆ ಲಕ್ಷ ಮೌಲ್ಯದ ಮೆಮೊರಿ ಕಾರ್ಡ್ ಅನ್ನು ಕಿತ್ತುಕೊಂಡಿದ್ದಾರೆ ಎಂದು ಸಂತ್ರಸ್ಥ ಸಂತೋಷ್ ಆರೋಪಿಸಿದ್ದಾರೆ. ಇದರಿಂದ ನೊಂದ ಸಂತೋಷ್ ಆತ್ಮಹತ್ಯೆಗೆ ಯತ್ನಿಸಿದ್ದಾನೆ ಎಂದು ಮಾಹಿತಿ ದೊರೆತಿದೆ.
ಸಂತೋಷ್ ಅಕ್ಕ ಮಾಗಡಿ ರಸ್ತೆ ಪೋಲಿಸ್ ಠಾಣೆಗೆ ದೂರು ನೀಡಲು ಬಂದಿದ್ದು, ಆದರೆ ಪೋಲಿಸರು ಕೂಡ ದೂರು ಸ್ವೀಕರಿಸಿದೆ ವಾಪಾಸು ಕಳುಹಿಸಿದ್ದಾರೆ ಎಂದು ತಿಳಿದುಬಂದಿದೆ. ಫಿಲ್ಮ್ ಛೇಂಬರ್ನಲ್ಲಿ ಡ್ರೋನ್ ಟೆಕ್ನಿಷಿಯನ್ಗಳಿಗೆ ಅಧಿಕೃತ ಮೆಂಬರ್ ಶಿಪ್ ಇಲ್ಲದ ಕಾರಣ ಫಿಲ್ಮಂ ಛೇಂಬರ್ನಿಂದಲೂ ಸಹಾಯ ದೊರೆಯುತ್ತಿಲ್ಲ ಎಂದು ಮಾಹಿತಿ ದೊರೆತಿದೆ.
