ಕಲಬುರಗಿ : ಜಮೀನು ವ್ಯಾಜ್ಯಕ್ಕೆ ಇಡೀ ಕುಟುಂಬವನ್ನು ಪೆಟ್ರೋಲ್ ಹಾಕಿ ಕೊಲೆ ಮಾಡಲು ಯತ್ನಿಸಿದ ಘಟನೆ ಕಲಬುರಗಿ ತಾಲ್ಲೂಕಿನ ಕಡಣಿ ಗ್ರಾಮದಲ್ಲಿ ನಡೆದಿದ್ದು. ಶಿವಲಿಂಗಪ್ಪ ಕರಿಕಲ್ ಎಂಬ ವ್ಯಕ್ತಿ ಈ ಕೃತ್ಯ ಮಾಡಿದ್ದಾನೆ ಎಂದು ಮಾಹಿತಿ ದೊರೆತಿದೆ. ಕೃತ್ಯ ಸಂಬಂಧ ಫರಹತಾಬಾದ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದ್ದು. ಪೋಲಿಸರು ತನಿಖೆ ನಡೆಸುತ್ತಿದ್ದಾರೆ ಎಂದು ಮಾಹಿತಿ ದೊರೆತಿದೆ.
ಶಿವಲಿಂಗಪ್ಪ ಕರಿಕಲ್ ಎಂಬ ವ್ಯಕ್ತಿಯು 4 ವರ್ಷಧ ಹಿಂದೆ 4 ಎಕರೆ ಜಮೀನನ್ನು ಗುಂಡೇರಾವ್ ಎಂಬಾತನಿಗೆ ಮಾರಾಟ ಮಾಡಿದ್ದನು. ಅದಕ್ಕೆ ಪ್ರತಿಯಾಗಿ ಗುಂಡೇರಾವ್ 13 ಲಕ್ಷ ಹಣವನ್ನು ಅಡ್ವಾನ್ಸ್ ರೀತಿಯಲ್ಲಿ ಶಿವಲಿಂಗಪ್ಪನಿಗೆ ನೀಡಿದ್ದನು. ಆದರೆ ಇತ್ತೀಚೆಗೆ ಜಮೀನು ರಿಜಿಸ್ಟೇರೇಶ್ ವಿಚಾರಾವಾಗಿ ಇವರಿಬ್ಬರ ನಡುವೆ ವಿವಾದ ಉಂಟಾಗಿತ್ತು. ಶಿವಲಿಂಗಪ್ಪ ಜಮೀನನ್ನು ರಿಜಿಸ್ಟೇರಷನ್ ಮಾಡಿ ಕೊಡಲು ವಿರೋಧಿಸುತ್ತಿದ್ದನು. ಇದೇ ಕಾರಣಕ್ಕೆ ಇಂದು ಗುಂಡೇರಾವ್ ಕರಿಕಲ್ನ ಮನೆಗೆ ಬೆಂಕಿ ಹಚ್ಚಿ ಕೊಲೆ ಮಾಡಲು ಯತ್ನಿಸಿದ್ದಾನೆ ಎಂದು ತಿಳಿದುಬಂದಿದೆ.
ಇಂದು ಬೆಳಿಗ್ಗೆ 9 ಗಂಟೆಗೆ ಸುಮಾರಿಗೆ ಮನೆ ಬಳಿ ಬಂದ ಶಿವಲಿಂಗಪ್ಪ ಕರಿಕಲ್ ಮನೆಗೆಲ್ಲ ಪೆಟ್ರೋಲ್ ಹಾಕಿದ್ದಾನೆ. ಇದನ್ನು ನೋಡಿದ ಗುಂಡೇರಾವ್ ಕುಟುಂಬಸ್ಥರು ಮನೆಯ ಬಾಗಿಲನ್ನು ಹಾಕಿಕೊಂಡಿದ್ದಾರೆ. ಆದರೆ ಇದಕ್ಕೂ ಜಗ್ಗದ ಶಿವಲಿಂಗಪ್ಪ ಬಟ್ಟೆಗಳನ್ನು ಪೆಟ್ರೊಲ್ನಲ್ಲಿ ನೆನೆಸಿ ಮನೆಯಲ್ಲಿ ಎಸೆದು ಬೆಂಕಿ ಹಚ್ಚಿದ್ದಾನೆ.
ಇದನ್ನು ನೋಡಿದ ಗ್ರಾಮಸ್ಥರು ಮನೆಯ ಬಾಗಿಲನ್ನು ಹೊಡೆದು ಗುಂಡೇರಾವ್ ಮತ್ತು ಆತನ ಕುಟುಂಬಸ್ಥರನ್ನು ರಕ್ಷಿಸಿದ್ದಾರೆ. ಬೆಂಕಿಯ ಕೆನ್ನಾಲಿಗೆಯಿಂದ ಕೆಲವರು ಅಸ್ವಸ್ಥರಾಗಿದ್ದು. ಅವರನ್ನು ಕಲಬುರಗಿ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.
ಘಟನಾ ಸ್ಥಳಕ್ಕೆ ಕಲಬುರಗಿ ಸಿಟಿ ಪೊಲೀಸ್ ಕಮಿಷನರ್ ಡಾ:ಶರಣಪ್ಪ ಎಸ್ ಡಿ ಭೇಟಿ ನೀಡಿ ಪರೀಶೀಲನೆ ನಡೆಸಿದ್ದಾರೆ. ಮನೆಯು ಭಾಗಶಃ ಸುಟ್ಟು ಕರಕಲಾಗಿದ್ದು. ತಪ್ಪಿತಸ್ಥರ ವಿರುದ್ದ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ ಎಂದು ತಿಳಿದು ಬಂದಿದೆ.
