ಬೆಂಗಳೂರು : ದೇಶದ ಪ್ರಮುಖ ನಗರಗಳ ದೊಡ್ಡ ದೊಡ್ಡ ಶೋರೂಂಗಳಿಗೆ ಕನ್ನ ಹಾಕುತ್ತಿದ್ದ ಬೆಡ್ ಶೀಟ್ ಗ್ಯಾಂಗ್ನ್ನು ಬೈಯಪ್ಪನಹಳ್ಳಿ ಪೋಲಿಸರು ಬಂಧಿಸಿದ್ದು. ಬಿಹಾರ ಮೂಲದ ಸುಮಾರು 8 ಜನರನ್ನು ಬಂಧಿಸಲಾಗಿದೆ ಎಂದು ಮಾಹಿತಿ ದೊರೆತಿದೆ.
ದೇಶದ ಪ್ರಮುಖ ನಗರಗಳನ್ನೆ ಟಾರ್ಗೆಟ್ ಮಾಡಿಕೊಂಡಿದ್ದ ಖದೀಮರು ಮುಂಬೈ, ಬಿಹಾರ್, ದೆಹಲಿ, ಉತ್ತರಕನ್ನಡ, ಕಾರವಾರ, ಬೆಂಗಳೂರು ಸೇರಿದಂತೆ ಹಲವೆಡೆ ತಮ್ಮ ಕೈ ಚಳಕ ತೋರಿಸಿದ್ದರು. ಕೂಲಿ ಕೆಲಸಕ್ಕೆ ಎಂದು ಬಂದು ಪೋಲಿಸರ ಕಣ್ ತಪ್ಪಿಸಿ ಕೃತ್ಯ ಮಾಡುತ್ತಿದ್ದರು ಎಂದು ಮಾಹಿತಿ ದೊರೆತಿದೆ.
ಇತ್ತೀಚೆಗೆ ಬೈಯಪ್ಪನಹಳ್ಳಿಯ ನಾಗವಾರ ಪಾಳ್ಯದಲ್ಲಿ ಸ್ಯಾಮ್ಸಾಂಗ್ ಶೋರೂಂಗೆ ನುಗ್ಗಿದ್ದ ಈ ಗ್ಯಾಂಗ್ ಸಿಸಿಟಿವಿ ಕ್ಯಾಮಾರಕ್ಕೆ ಬೆಡ್ ಶೀಟ್ ಅಡ್ಡ ಹಿಡಿದು, ಸುಮಾರು 22 ಲಕ್ಷ ಮೌಲ್ಯದ ಸ್ಯಾಮ್ಸಾಂಗ್ ಮೊಬೈಲ್ಗಳನ್ನು ಕಳ್ಳತನ ಮಾಡಿದ್ದರು. ಈ ಕೃತ್ಯದ ಕುರಿತು ಪ್ರಕರಣ ದಾಖಲಿಸಿಕೊಂಡಿದ್ದ ಪೋಲಿಸರು ಆರೋಪಿಗಳ ಹೆಡೆಮುರಿ ಕಟ್ಟಿದ್ದು. ಬೊಮ್ಮನಹಳ್ಳಿ ಭಾಗದಲ್ಲಿ ಅಡಗಿ ಕೂತಿದ್ದ ಇವರನ್ನು ಬಂಧಿಸುವಲ್ಲಿ ಪೋಲಿಸರು ಯಶಸ್ವಿಯಾಗಿದ್ದಾರೆ.
ಬಿಹಾರದ ಇಮ್ತಿಯಾಜ್ ಮತ್ತು ಆತನ ತಂಡವನ್ನು ಪೋಲಿಸರು ಬಂಧಿಸಿದ್ದು. ಇಮ್ತಿಯಾಜ್ ಆಲಂ, ಜಾವೇದ್ ಆಲಂ , ಪವನ್ ಶಾ, ಮುನಿಲ್ ಕುಮಾರ್, ರಿಜ್ವಾನ್ ದೇವನ್, ಸಲೀಮ್ ಅಲಂ, ರಾಮೇಶ್ವರ್ ಗಿರಿ, ಹಾಗೂ ಶಿವರಾಜ್ ಕುಮಾರ್ ಬಂಧಿತರು ಎಂದು ಮಾಹಿತಿ ದೊರೆತಿದೆ. ಪೋಲಿಸ್ ವಿಚಾರಣೆ ವೇಳೆ ಮೊಬೈಲ್ಗಳನ್ನು ನೇಪಾಳಕ್ಕೆ ಕೊಂಡೊಯ್ದು ಮಾರಾಟ ಮಾಡಿದ್ದಾಗಿ ಬಾಯಿಬಿಟ್ಟಿದ್ದಾರೆ ಎಂದು ಮಾಹಿತಿ ದೊರೆತಿದೆ.
