ಮೈಸೂರು : ಮೂಡಾ ಪ್ರಕರಣದಲ್ಲಿ ಹೊಸ ಬೆಳವಣಿಗೆಯಾಗಿದ್ದು. ಮೂಡಾ ಪ್ರಕರಣದ A4 ಆರೋಪಿ ದೇವರಾಜು ಪ್ರಕರಣವನ್ನು ರದ್ದುಗೊಳಿಸುವಂತೆ ಕೋರಿ ಹೈಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ.
ಮೂಡಾ ಪ್ರಕರಣದಲ್ಲಿ ಎ4 ಆರೋಪಿಯಾಗಿರುವ ದೇವರಾಜು ಸಿದ್ದರಾಮಯ್ಯನ ಬಾಮೈದ ಮಲ್ಲಿಕಾರ್ಜುನರಿಗೆ 2004ರಲ್ಲಿ ಜಮೀನು ಮಾರಿದ್ದರು. ಇದೇ ಜಮೀನನ್ನು ಮಲ್ಲಿಕಾರ್ಜನ ತನ್ನ ತಂಗಿಗೆ ಅರಿಶಿಣ-ಕುಂಕುಮದ ರೀತಿಯಲ್ಲಿ ಜಮೀನನ್ನು ಉಡುಗೊರೆಯಾಗಿ ನೀಡಿದ್ದರು. ನಂತರ ಇದೇ ಜಮೀನನ್ನು ಮೂಡ ವಷಪಡಿಸಿಕೊಂಡು ಅದರಲ್ಲಿ ಸೈಟ್ ಮಾಡಿ ಹಂಚಿದೆ. ಮತ್ತು ಅದಕ್ಕೆ ಪ್ರತಿಯಾಗಿ ಸಿದ್ದರಾಮಯ್ಯನ ಪತ್ನಿ ಪಾರ್ವತಿಗೆ ವಿಜಯನಗರದಲ್ಲಿ 50:50 ಅನುಪಾತದಲ್ಲಿ 14 ಸೈಟ್ ನೀಡಿದ್ದಾರೆ ಎಂದು ಆರೋಪಿಸಲಾಗಿದೆ.
ಪ್ರಸ್ತುತ ಲೋಕಾಯುಕ್ತ ಮತ್ತು ಇಡಿ ಇದೆ ವಿಷಯದ ಕುರಿತು ತನಿಖೆ ನಡೆಸುತ್ತಿದ್ದು. ಇದೀಗ ಪ್ರಕರಣದ ಎ4 ಆರೋಪಿ ದೇವರಾಜು ಪ್ರಕರಣವನ್ನು ರದ್ದುಗೊಳಿಸುವಂತೆ ಕೋರಿ ಹೈಕೋರ್ಟ್ಗೆ ಅರ್ಜಿಸಲ್ಲಿಸಿದ್ದು.2004ರಲ್ಲಿ ನಡೆದಿರುವ ಜಮೀನು ಮಾರಾಟದ ಬಗ್ಗೆ ಈಗ ತನಿಖೆ ನಡೆಸುತ್ತಿದ್ದಾರೆ. ನನ್ನ ತಪ್ಪಿಲ್ಲದಿದ್ದರು ನಾನು ತನಿಖೆ ಎದುರಿದುತ್ತಿದ್ದೇನೆ. ಆದ್ದರಿಂದ ನನ್ನ ವಿರುದ್ದದ ಈ ಪ್ರಕರಣವನ್ನು ಕೈಬಿಡುವಂತೆ ಕೋರಿ ದೇವರಾಜು ಪರ ವಕೀಲರು ಕೋರ್ಟ್ಗೆ ಅರ್ಜಿ ಸಲ್ಲಿಸಿದ್ದಾರೆ.
