ದೆಹಲಿ : ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಗಾಳಿಯ ಗುಣಮಟ್ಟ ತೀವ್ರವಾಗಿ ಹದಗೆಟ್ಟಿದ್ದು. ಸತತವಾಗಿ ಗಾಳಿಯ ಗುಣಮಟ್ಟ ಕುಸಿಯುತ್ತಲೆ ಇರುವುದರಿಂದ ದೆಹಲಿ ಸರ್ಕಾರ ಶಾಲಾ ಕಾಲೇಜುಗಳಿಗೆ ರಜೆ ನೀಡಿ, ಆನ್ಲೈನ್ ತರಗತಿಗಳನ್ನು ಆರಂಭಿಸಿದೆ.
ಸತತವಾಗಿ ಕುಸಿಯುತ್ತಿರುವ ಗಾಳಿಯ ಗುಣಮಟ್ಟವನ್ನು ಸರಿಪಡಿಸಲು ದೆಹಲಿ ಸರ್ಕಾರ ಕೆಲವು ಮುಜಾಗ್ರತ ಕ್ರಮಗಳನ್ನು ಕೈಗೊಂಡಿದ್ದು. ಪ್ರಾಥಮಿಕ ಶಾಲೆಗಳಿಗೆ ರಜೆ ಘೋಷಣೆ ಮಾಡಿ ಮಕ್ಕಳಿಗೆ ಆನ್ಲೈನ್ ತರಗತಿಗಳನ್ನು ಶುರು ಮಾಡಲಾಗಿದೆ ಎಂದು ದೆಹಲಿ ಸಿಎಂ ಆತಿಶಿ ಮಾಗಿತಿ ನೀಡಿದ್ದಾರೆ.
ವಾಯು ಮಾಲಿನ್ಯದ ವಿರುದ್ಧ NCR ನಲ್ಲಿ ಗ್ರೇಡೆಡ್ ರೆಸ್ಪಾನ್ಸ್ ಆಕ್ಷನ್ ಪ್ಲಾನ್ 3 ಜಾರಿ ಮಾಡಲಾಗಿದ್ದು. ಅನಿವಾರ್ಯವಲ್ಲದ ನಿರ್ಮಾಣ, ಕಟ್ಟಡ ಕೆಡವುವ ಕೆಲಸಗಳಿಗೆ ಕಡಿವಾಣ ಹಾಕಲಾಗಿದೆ. BS-VI ಅಲ್ಲದ ಡೀಸೆಲ್ ಅಂತಾರಾಜ್ಯ ಬಸ್‌ಗಳು ದೆಹಲಿ ಪ್ರವೇಶ ಮಾಡುವಂತಿಲ್ಲ ಎಂದು ಆದೇಶ ನೀಡಲಾಗಿದ್ದು. ಇಂದು ಬೆಳಿಗ್ಗೆಯಿಂದಲೇ ಜಾರಿಗೆ ಬರುವಂತೆ ಆದೇಶ ಹೊರಡಿಸಲಾಗಿದೆ ಎಂದು ಮಾಹಿತಿ ದೊರೆತಿದೆ.
ವಾಯುಮಾಲಿನ್ಯದ ಗುಣಮಟ್ಟ ಪರಿಶೀಲನೆ ಮಾಪನಗಳು
ಹಂತ I – ಕಳಪೆ (AQI 201-300)
ಹಂತ II – ಬಹಳ ಕಳಪೆ (AQI 301-400)
ಹಂತ III – ತೀವ್ರವಾದ ಹಂತ (AQI 401-450)
ಹಂತ IV – ಅತೀವ್ರ ಪ್ಲಸ್ (AQI >450)
ದೆಹಲಿಯಲ್ಲಿ ಪ್ರಸ್ತುತ 424 AQI ದಾಖಲಾಗಿದ್ದು. ಇದು ತೀವ್ರವಾದ ವಾಯುಮಾಲಿನ್ಯ ಎಂದು ಮಾಹಿತಿ ದೊರೆತಿದೆ.
